North Korea Nih U.S Kahdohnak Ding In Timhlamhnak A Ngei
=========
North Korea nih U.S imperialist hremnak ding ah absulute weapon sang bik a ngeih cang i an ram buainak a chuahter tu ram hna sin ah lehrulchamnak ding in a tim tuah tiah KCNA nih a chim.
Nuclear ralthuam hmang in North Korea nih rathuam phun phun a hneksak cang i, cu lak ah cun intercontinental ballistic missile zong a tel chih. Hi thil nih hin South Korea lei ášang United States hna karlak ah buainak fakpi a chuahter chin chin tiah an langhter.
Foreign ministry report nih a langhter ning cun, U.S nih North Korea nuclear aa hrocernak deihter ding in a cawlcang peng. Asinain, U.S Washington cu hi ram raltuknak le buainak a chuahter tu ding a si tiah an puh.
North Korea le South Korea hna hi technically lei ah i remlonak an ngei i, a ruang cu kum 1950-53 lio i buainak an rak ngeih mi cu i remnak si lo in kahdohnak le i ralnak tu ah an hman caah asi.
Kahdohnak fakngai in a chuah nak hmun Hpasawng peng ah SAC ralhrang nih an thah mi hna khua mi minung 4 ruak hmuh an si tiah tualchung mi nih an chim. June 25 zanlei sang ah SAC raltuknak vanlawng noh voi 2 a kah hna caah Nan-kit khua mi minung 4 cu lamcung ah an ruak an hmuh hna hi a si.
“A thi mi 4 ning tein an ruak vui an si cang, inn cheukhat zong a kangh pin ah biakinn zong a rawk” tiah Hpasawng khuami pakhat nih a chim.Nan-kit khuate hi Kareni humhaknak hmun ram ah a um mi a si i an khua pawngah kahdohnak
um lo in SAC raltuknak vanlawng nih a kah hna hi a si.
June 15 ni thok in Hpasawng peng chungah kahdohnak a fak ngai i Mya-seh khua ralhrang sakhan cu mipi ralkap nih an lak hnu in SAC ralhrang nih thazaang chap ding aa zuam hi a si.
“Hpasawng peng Than Lwin nichuah lei in a ra mi SAC ralhrang hna cu kan kah hna caah 10 nak tlawmlo an thi”tiah PDF nih a luan cia zarh ah thanhca an rak chuah. Kahdohnak ruangah Hpasawng peng khua te cheukhat in minung 5000 nak tlawm lo ral an zam tiah kan theih.