Hakha Khuachung Ah SAC Hriamngan Nih Mipi Inn Pakhat A Hrawh, Minung 1 Hliam A Tuar
==============
Chin ramkulh, Hakha khuapi chung ah SAC ralkap nih hriamngan le bom an puah caah mipi inn 1 a rawk i mipi 1 hliam a tuar tiah theih a si. June 13 zaan sml 9:20 hrawng ah SAC ralkap nih Hakha khuapi chung ah hriamngan voi 4 hrawng an puah hi a si.
“LIB 226 le လွတ်လပ်ရေးကျောက်တိုင် in dah ti lo, khuapi chung in bom puah thawng hi a than lo nak a sau ngai cang. Hriamngan ruang ah inn pakhat a rawk ti cu kan theih” tiah Hakha khuami pakhat nih The Chinland Post ah a chim. A rawk mi inn ngeitu le hliam a tuar mi hi hodah an si ti mi kong he pehtlai in The Chinland Post nih thawng fiang thanh khawh ṭhan kan rak i zuam lai.
Wetlet Ah A Um Mi SAC Ralkap Sakhaan Kahdohnak Ah SAC Ralkap 4 An Thi; Sagaing ramṭhen, Wetlet peng, Hanlin khuahlun chung ah hmunhma a khuar mi SAC ralkap sakhaan an kah hna i SAC ralkap 4 an thi tiah 96 Soldier – PDF nih an thanh.
June 12 zinglei sml 5:30am hrawng ah cuka hmun SAC ralkap sakhaan an kah hi a si i kahdohnak mins 20 tluk a rau. SAC ralkap 4 an thi i 2 an i hliam tiah theih a si.Kahdohnak chung ah MDF-Shwebo Company, Donepyan PDF le 96 Soldier – PDF phufonh hna bawm in kahdohnak an tuah i him tein an kir kho tiah theih a si.
Kaphnih Nih Kahdohnak An Fahter Chin Caah A Thi Mi An Tam Chin Kho; Yangon ramṭhen Ah A voikhatnak bik Battalion an dirh mi hi Hramhram uknak thlak ding caah a tha ṭhawng deuh mi kahdohnak tuah khawh ding caah a si tiah NUG Ministry of Defense rianngeitu nih RFA ah a chim.
SAC nih an zung pawl hram a bunhnak Naypyitaw dih in himnak biatak tein a renghnak Yangon ah URF pawl kahdohnak a fak chin i Yangon ramṭhen caah a hmasa bik Battalion dirh a si cang tiah NUG Ministry of Defense nih June 1 ah a thanh. Crd;The Chinland Post