Bogyoke Zaw Min Tun Nih Nihin Helicopter Kah Thlak Mi Kongah Fianternak A Tuah Cang

Bogyoke Zaw Min Tun Nih Nihin Helicopter Kah Thlak Mi Kongah Fianternak A Tuah Cang
==================
Kachin Ramkulh chung hruhru hranghrang in mi sawhsawh a thah peng mi ralhrang Helicopter kah thlak mi cu Bochoh Zaw Min Tun nih el nak um loin a dih mi a si ko, tiah a cohlang. Kachin ramkulh, Moemout pengkomh chung ralhrang pawl nih ningcang loin KIA hriamtlai phu pawl an phomh hna nak ah atu bantuk in KIA ralkap lei nih an kah thlak hi a si. Hi kong he pehtlai in Helicopter chungah hin ralbawi (Captain) telh in ralkap 3 an thi, tiah Tatmahdaw thawngzamh buu hruaitu le Do-Vuanci zong a simi Bogyoke Zaw Min Tun nih a chim.

Kachin ramkulh, Bhamo District, Moemout pengkomh chung tlangpar ah Helicopter pakhat cu KIA hriamtlai phu nih kah thlak a si. Hi Helicopter kah thlak nak ah hin ralbawi (Captain) zong a tel i, ralkap 3 an thi tiah thawng kan theih ko, tiah a chim. Ramchung Humhimnak lei a si caah pehzulh in tuanvo kan lai ko rih lai, tiah a chim fawn. Ralhrang pawl an tuahsernak hi a thatlo tuk caah nihin ah Helicopter man hi U.S dollars 35 million a si i, tiah theih a si.

Cun, Kawlram chung mi tampi nih nihin ni i, ralhrang Helicopter kah thlak mi ruangah KIA hriamtlai phu nih an kah thlak mi a si, tiah an tial cio mi cu hmuh dih cio a si. Hi Helicopter kah thlak mi kong he pehtlai in KIA hriamtlai phu nih an kah thlak taktak mi a si maw? tiah bia an hal tikah KIA an si ko lai, tiah fiang tein Bochoh Zaw Min Tun nih a leh hna. Nihin ralhrang Helicopter kah thlak mi ruangah KIA hriamtlai phu caah i ralrin chin lengmang an hau. KIA caah hi nak in fak deuh in an phomh sual hna lai timi phang a um ngaingai. Cucaah, KIA hriamtlai phu chungah kanmah Chin miphun hriamtlai phu zong an um ve bantuk in unau zong kan si caah thlacam bawmh peng hna usih.