NUG In Mipi Zalonnak Lei Ruahnak Pe Tu Aung Kyaw Moe Upa Nam In An Sawh Thah
=========
National Unity Government of Myanmar (NUG) cozah in mipi zalonnak (Nu hrin covo) lei ah ruahnak petu Aung Kyaw Moe upa cu nam in sawhthah a tong i, SAC ralhrang chungtel hna nih kanmah nih kan thahmi a si, tiah Social Media ah an langhter.,June 7, zan suimilam 10:30 tluk ah Yangon ramṭhen, Thaketa peng sii dawr in inn lei a ṭin lio ah SAC ralhrang kuttang yangon khuapi um pyusawhti pawl nih Than Myint (Kum 45) cu zohchia ngai in nam in an sawh caah a nunnak a liam hi a si, tiah kan theih.
https://www.facebook.com/photo/?fbid=270886908791219&set=pcb.270887002124543&__cft__[0]=AZVeUG9kuli0D3WpVLoUIo-KalSqnPMfHVchvMQi_fkp2Pqy4jJlu6WA0y-2qMeRHrH_zPFffwko34OEOFusKcpEkysGvTI4u9W42jpTfkZU2zNouaulnHoepHOtIbmJLO0ZX_ZEGL8g9gbQHoZGzrFhlTs1hjkEv28t4Vf0W0BITfVzID_J333Ej2RSYbVVc6k&__tn__=*bH-R
“Zan hnu i sii dawr in an inn lei a ṭin lio ah zohchia ngai in nam in sawhthah a ton hi a si. Thah a tonnak kong he pehtlai in palik nih hlathlainak an tuah nain zeihmanh an buaipi tak tak lo” tiah a naupa Aung Kyaw Moe nih a chim.,SAC ralhrang kuttang pawl nih anmah thahmi a sinak kong le an lunglawmhnak cu Social Media ah langhter chih. “Atu hnu ah zeidah nan ṭhih? Nanmah PDF pawl nih thahnawnnak nan tuah lio vial ahcun nan i nuam ngai” tiah Facebook cahmai ah an tarlangh.
Oleg Orlov cu Ukraine ram i Russia kahdohnak soisel in bia a chim ruang ah thong thlak ding in nawl an chuah piak, tiah asi. Pur 8 , ah Mascow, Golovinsky peng biaceih zung nih bia an khiah ning ah Russia mipi zalonnak (human rights) humhaktu (Defender) sang bik le a hawikom ṭha a si mi Oleg Orlov cu kum thum chung thong thlak ding in bia khiah piak an si. Kum 2000 khan Oleg hi news conference ah a rianṭuan ṭi hawi hna he rak hmuh an si i cu hmun ah cun Chechnya ram ah Russia thil sual tuah mi dih lak langhter in le a tuah sual mi thil cung ah buainak case siampiak ding in an rak nawl hna tiah an langhter.
https://www.facebook.com/photo/?fbid=270810662132177&set=pcb.270810718798838&__cft__[0]=AZW-P2-WhSjzjI5rJGannX9ikHgtMIEXDFRL3zV1eiFiBoH0-GM18mMNBP2NkF57uN9AIzilhTVbCvKq05XHUjtkuSWedCxk8IZy95wS_Q9juQLulCTVyWzR51vde2HnuVM4hGhmNG_41k9hskhrWvWBcY2ddSGTTaA2TBIQ4o8kBFeRiZzXs69NI-YL63AaEos&__tn__=*bH-R
Orlov hi biology lei ah degree a ngeimi si in fimcawnnak lei ah a rak um peng tawn nain 1979 kum ah plant physiology ah rian a ṭuan lio i Soviet nih Afghanistan a rak kahdoh lio ah kahdohnak cauk chuah in mipi sinah a langhter chih rih. Mah bantuk in a tuahmi ruang ah tlaih a si ahcun kum tampi thonginn ah thlak khawh a si, tiah Human Right Watch nih a langhter.
Thailand rammi nu 140 hna cu Myanmar le Thailand ramri a simi Shan ram kulhchung ah zuarthlai an tong, tiah Thailand ram thawngzamh ca le Myanmar ram kongkau ṭuanvo ngeitu zung nih an langh ter. Thailand ram mi nu 140 zuar a tong mi hna cu chanchuah dingin kan tawlrel lio hna a si, tiah Paveena Foundation for Children and Women nih an langh ter. “Minung 140 hna cu hramhram in an zuarter hna pinah rithaisii zong an tongh ter hna. Lungtling tein rianṭuan dingah an kalmi le an tuah takmi rian cu aa dang” tiah The Thaiger thawngzamh ca nih a langh ter.
Zuarthlai a tongmi 140 chungah nutung pakhat zong aa tel caah chanchuah piak dingin a pasal nih bawmh a halnak kong zong an langhter chih. “Kir a duhmi hna nih minung pakhat ah Thailand ram tangka in singkhat leng 190,000 liam a hau i a liam khawh lo ahcun a tlawm bik thla 6 tiang rian a ṭuan ta lai tiah” an nu zuarthlai a tongmi a pasal nih an nu he an rak i chawnhnak kong a chim. Hi thil a cangmi ruangah Thailand-Myanmar ramri um Myanmar ram khua cheukhat cu Thailand ram nih June 5 thok in Electric mei a phih khar piak hna, tiah kan theih.