CNF/A Nih Chinram Ah Khualtlawng Luh An Kham
==============
CNF/A nih Chinram chungah a um mi hna dah ti lo, ramkulh leng ah a um mi hna cu Chinram luh an kham tiah theih a si. Hi kong he pehtlai in June 8 ah CNF/A nih theihternak cathanh an chuah. An cathanh chungah cun a tanglei bantukin an langhter. 1. Mi sawhsawh khualtawnnak leilawng (mawṭaw) in SAC ralhrang le hriamnam phurhthiar kan kham. 2. Chinram ah inntek mipi dah ti lo, a lenglei mi luh kan kham.
https://www.facebook.com/photo/?fbid=629915269159599&set=pcb.629915369159589&__cft__[0]=AZVvfz_crKXOknDaYnFt7IhUdSyb8XNByVbRyAqotND7apM6YlbvKnYQA54NJ4oAClMsAYf1IBlrpU4sWAEInuFNVeCSUKdJhBxmeCYt-dThPE_Sa9UG5Ih9Rn5RR_AZAxkVcKk0GUkiMmFpyQ7Dkp4diRJEIlXWI1ttytH9mXVwT4ePXiR9onO2x4_IWk0R7y0&__tn__=*bH-R
3. A biapi tuk mi thil ah Chinram luh a duh mi hna cu CDF le PDF hna theihpinak ca aa ken mi lawng luhter an si. 4. Hi zulh ding kan thanh mi a buar mi cu fakpi in dantat an si lai.
Hi kong he pehtlai in cathanh dang kan chuah hlan lo cu hi kan cathanh hi zulh ding a si lai. Chinram ah SAC nih cunglei he tanglei he kahdohnak fakpi in a tuah cuahmah i minung thazang tampi chap a duh.
Thazang chap ding mi hna cu anmah ralhrang leilawng hmang loin misawhsawh leilawng kha hramhram in chuh i hman an timh ti thawng kan theih. Cucaah SAC nih Chinram ah thazang an chap khawh lo nakdingah atu bantukin Chinram luh kan khamnak hi a si tiah CNF/A chimnak nawlngeitu Salai Htet Ni nih a chim.
Hi an cathanh hi Chin ramkulh dihlak a huap i khualtlawng hna, leilawng (mawṭaw) khaltu le leilawng dinhnak (cargate) i ṭuanvo ngeitu hna nih felfai tein an zulh a herh. An zulh lo i SAC he pehtlai in rian an ṭuan ahcun fakpi in dan kan tat hna lai tiah Salai Htet Ni nih cun a chimchap.
1. Kum 35 mi Argentina Captain Lionel Messi cu ruahlo piin Inter Miami ah aa ṭhial. Messi hi cuhlan a rak sersiamtu Bercelona le Saudi Arabia lei zong in phaisa tampi hlawh ding in sawmtu a ngei nain, US lei tu ah David Beckham pumpululh phu Inter Miami ah um aa thim. Messi nih hin zeizat dah thlahlawh a hmuh lai ti cu fiang tein langhter a si rih lo nain Inter Miami Club ngeitu si khawhnak lam onh a si pinah Apple TV subscribers thar sin in revenue(phaisa) a lut mi cu a hmuh ve lai.
https://www.facebook.com/photo/?fbid=629648879186238&set=a.345631344254661&__cft__[0]=AZWf2Qt6AgrxLg4M3RNWyyAXGkCKHfhF4P-EP0quWUZFrdwKtzEdKkk9nn0Vrp21SviL0Fjxz5g9B1qwhd_oWdHxRFBh_ylZypSZt0aZlWiOApfZGWhOF7xqaPMs84fG5XePcZmSCrYBM22D48o6fxpb2NTtybK–hr6taEqq2gdQfGTy8d0arYGxOgm8nowrss&__tn__=EH-R
2. Real Madrid hmaikal(striker), kum 35 mi Karim Benzema cu Real nih an chuahter hnu suimilam caan tlawmpal ah Saudi pumpululh phu Al Ittihad he hnatlaknak an ngeih kong a thang colh. Saudi club ah hin 2025 tiang caam ding in min a thut i season khat ah €200m hlawh a hmuh lai. Benzema hi Real Madrid ah a rak celhpi mi Ronaldo he League khat ah an i celh ṭhan lai nain tutan cu hmunkhat ah celhṭi loin certual laifang ah an i tong cang lai.
https://www.facebook.com/photo/?fbid=629648879186238&set=a.345631344254661&__cft__[0]=AZWf2Qt6AgrxLg4M3RNWyyAXGkCKHfhF4P-EP0quWUZFrdwKtzEdKkk9nn0Vrp21SviL0Fjxz5g9B1qwhd_oWdHxRFBh_ylZypSZt0aZlWiOApfZGWhOF7xqaPMs84fG5XePcZmSCrYBM22D48o6fxpb2NTtybK–hr6taEqq2gdQfGTy8d0arYGxOgm8nowrss&__tn__=EH-R
3. England laikal(midfielder) le Borussia Dortmund dawtmi Jude Bellingham cu Real Madrid ah kum 2029 tiang chuih ding in a lut cang. Chanthar mino laikal hna lakah duh a nung ngai mi Bellingham man ah hin Real nih €100m leng an pek i, kum khat ah €10/20m hrawng hlawh an pek ve lai.
4. Kum 32 mi Chelsea laikal N’golo Kante zong Saupi club Al Ittihad ah a lut ve i, Benzema he hmunkhat ah an i celhṭi lai. Season khat ah €100m a hlawh lai tiah Football journalist minthang Fabrizio Romano nih cun a ṭial. London khuapi ah medical test vialte zong a lim dih cang.
5. Argentina nih World Cup hrai an thlir khawh nakding ah thazaang tampi a thawhtu Brighton laikal Alexis Mac Allister cu Liverpool ah aa ṭhial cang i, jersey number 10 aa hruk lai. Mac Allister man ah hin Liverpool nih Brighton sinah €35 m an pek i, kum 2028 tiang an tlaih. (***Careltu nih pumpululh(football) le lentecelh thawngpang rel nan duh ahcun comment ah rak ṭial ulaw, a duh mi kan tam ahcun pehzulh khawh kan i zuam lai.)