Bochan Mi Hruaitu Tha Siding Ah Ka Hmuhton Mi Phun (10)

Bochan mi Hruaitu tha siding ah ka hmuhton mi phun (10); 1. Hruaitu tha siding ah; A umbal rih lo mi thil pakhat khat, serkhawh tuahkhawhnak fimnak ngeih a herh. 2. Hruaitu tha siding ah; Kan Liang cungah ai khing mi rian ah, nunnak thap in tuan, i zuam a herh. 3. Hruaitu tha siding ah; Kan riantuannak ah (transparency) thlam langhnak zumh awk tlak in tuan a herh. 4. Hruaitu tha siding ah; Fiang ko in tuah ngam le, lungsaunak le mi ngeihthiam khawhnak ngeih a herh. 5. Hruaitu tha siding ah; Kan hruai mi hna nak in i pumpek deuh i, tuar deuh a herh.

6. Hruaitu tha sidingah; Hmuh lei ah, mah nak in midang nih hmu,ngah hmasa hna seh tiah thinlung ngeih a herh. 7. Hruaitu tha si dingah; Midang cungah dawtnak ngeih pin ah, zawnruahnak thinlung ngeih a herh. 8. Hruai tu tha siding ah; Tih nak ngei lo tein ral tha taktak in tuan ngamnak ngeih a herh. 9. Hruaitu tha si dingah; Nun thianghlim le dingfel tein tuan a herh. 10. Hruaitu tha siding ah; Zulhphung lam theih i,dirpi khawh a herh.
Zei tluk hmanh in fimthiam cawng sang si hmanhseh, chimthiam hmanh sehlaw, a cung phun (10) thinlung a ngeih lo ah cun, a zulh lo ah cun hmuitinh a phan kho lai loh. Credit: Rev. Dr. Peter Ngun Za Cung

Relchap lo cu a pam tuk hringhran. World economy ah zei ram dah a tthawng bik? Ram pakhat economy hi GDP (Gross Domestic Product) in tah asi i, cu GDP cu purchasing power parity (PPP) in tuak mi GDP le nominal exchange rate in tuak mi Nominal GDP tiin phun 2 a um. PPP GDP term (international dollars) in tuak mi in cun China a ngan bik i nominal GDP in cun US a ngan bik (a tang ah ka van fian ter deuh lai). Phundang in chim ahcun PPP GDP in China nih US a lonh i China cu economy a ngan bik ti khawh asi i Nominal GDP in cun US nih China cu a tei rih caah US a ngan bik ti khawh asi ve. Hlan ahcun USA, Japan, China tiin a chang tete in an i dawi. Tlawmpal ah China nih Japan a chawhkanh i US, China, Japan tiin an i chang. Nai kum khathnih tu ahcun PPP GDP in US cu China nih a lonh i China cu vawleicung economy ah a ngan bik asi.

Kum 2019 ah China ram pumpi GDP hi $ 22.5 trillion asi i vawleicung pumpi GDP $ 130 trillion i 17.3% asi. 2019 USA GDP hi $ 20.5 trillion asi i vawleicung pumpi GDP i 15.8% asi. A pathumnak ah EU asi i 2019 GDP hi $ 19.9 trillion asi i vawleicung pumpi GDP i 15.3% asi. EU cu Europe ram tampi kha economic policy pakhat tang ah ramkhat bantuk in a cawlcang mi le ai hruai mi an si.

A cung i langh ter mi GDP hi international dollars (purchasing power parity (PPP) exchange rate or adjusted GDP) hmang in World Bank nih estimate an tuah ning asi. Nominal GDP in tuak mi ahcun US, EU, China, Japan, Germany, India tiin a chang tete an kal. PPP term i tuak mi GDP hi realistic picture a langh ter bik i zumhtlak deuh ah chiah tawn mi asi. Rianttuan lio chuncaw ei pah ah rianrang tuk in ttial mi asi i lungpian a har deuh sual lai tiah tlawmpal edit ka van tuah. Credit: Sangukceu Zinhlawng