BJP le Manipur viral video!
=========
Manipur cu Kala hme deuh pawl (Meitei) ram a si, ti awk si. An khualipi Imphal hrawnghrang nelrawn ášhatnak hmun vialte (an ram dihlak i 10% hrawng) cu Kala hme phun pawl nihcun an ingeih. Hindu an si hna i siangpahrang hmete zong a rak ngei balmi an rak si.
An ram tlangcung deuh ahkhin, kan sahlawh Kuki-Zo (Teddim lei nihcun Thado kan ti hna an ti), Naga, Mizo lei Hmar tlawmpal zong hlan chan tein khua an rak sa ve hna. An buainak hrihhram kong tuan ah ka rak thai bal. Ka rak thai ciami leikap point in si loin, Hindu Nationalist pawl le an ihruainak lei hoih khin cuan tuah hna hmanh u…Tulio an PM Mudi timi pa khi Hindu a si. An party BJP khi Hindu nationalists pawl tehna an ifuun khawh tungnak hmun a si.
Manipur zong cu BJP party nih CM an tlaih lio si. Tleirawl nungak ka pahnih pa pawl nih an taklawng in an ihruai hna i an hnuk an tonghpiak pah hna, an private zong an hei tonghpiak pah hna i pa pawl nihcun an hei tlaihhrem hna i an hei thah mei ko hna. Mah bantuk sualnak thil a tuahtu pawl le fahnak a tongtu pawl cu sang khat innpa bakte an si hna.
Tuak hmanh, na innpa khi (biaknak dang Kawl va si hmanh sehlaw) mah ti cun na ti ngam lai maw? Na ti siang lai maw? Minung lungthin hmanh an nei lo ti awktlak an si cu. Tu chan saram hmanh nih an tuah lo dingmi thil khi a si na ti ko lai. Nizan tihni hrawng in a hung chuakmi cu an video cu a liamcia thla hnih renglopi May 4 (ni 70 nhnu) ah a rak cang dih cangmi thil a si.
Manipur cu a dai ngai cang nain, cu video ruangah anmah ramkulh lawng si loin, India a hninh. Delhi ah an au cang. An mawh lo, au awk a si. Vawleicung mi vialte nih kutchu an tuh dih cang hna lai. Mah bantuk thil a rak can kha Manipur cozah nihcun an rak theih ziar cang. An CM cu BJP Kala Hindu party a si bang hi bantuk thil hi tampi a rak um cang, tiah tuan a video a chuahka ah cun a ti salam.
Atu ah cun Manipur CM cu a rian in phuah uh. Mudi timi pa India uktu zong khi a rian in chuak seh tiah an au cang. An mawh lopi. Atu lam cu an Manipur CM zong nih misual cu capital punishment (sualnak lak i a sang cem thih dantatnak) pek awk an si a hei ti ve ko cang.
Manipur ram chung i an buainak kongkau khi cuan tuah hna ulaw, Meitei pawl an rak mawh lonak tete a rak um ve. Kuki lei khi tapung he hriamtlai he rak si hna kaw, an rak lor ngang ve ko rua.
Cu pinah tribal rights kongkau ahkhin Meitei pawl nih Kuki lei Tlangmi hna ram ah vawlei le ram ingeih khawhnak nawl an ngei lo. Kuki lei tu nihcun Meitei pawl ram rawn ahkhin vawlei le ram ingeih khawhnak nawl an ngei. Tikah, Kala nih an cuh ko cang hna ti ko usih.
Meitei pawl an von cawl ciammam, Kuki hloh dih an tiim ciammam hna i an cozah nih internet a phih deih. An kong biatak theih khawh si lo. Kala cu Kawl nak zer an si pinah an ram mifim cathiam deuh lawngte cu si hna kaw, Kuki lei sualnak rumro vawleipi theih in an rak thanh. Cuti i Meitei lawng a tuartu ti phun i an rak ithanh lio ah, Meitei pawl nih Kuki lei khuate vialte an khanghpiak hna. An duah hna.
Kuki minung an tlaih khawhmi paoh, an hrem hna i an thah hna. Nu an hmuh hna cun, an taklawng in an chiah hna i an tlaihrem hna. An nun bu in an hnuk hna an hlehpiak hna, cuticun saram bantuk cawlcanghnak an rak tuah ziar.
Cu chung vialte cu an CM nih a rak theih lellul ko nain, a hna a rak chet ko rua kha. An Mudi-pi zong nihkhin a theih tertur ve ko lai, an ti. Tikah, nihin ni ah cun, vawlei pumpi mualpho party BJP le Hindu biaknak cu…. ti an si ko cang. A tang video i a chimtu nu bia hi bia ngai cu si bik. “If you can’t get the job done, step aside!” https://fb.watch/lXRp57GOCy/