Biaceihnak Zung Nawlngeitu Nih Zeidah A Chim Than Cang.

Department of Justice (DOJ) i nawlngeitu nih zeidah a chim? Atu lio ah Democrat media pawl nih an chim bikmi cu: ‘Department of Justice (DOJ) nih, “Aa ningcanglo in mee an relmi kan hmu lo. Hlathlainak kan ngol cang lai,” a ti’ timi a si. “Cucu bia diklo a si. An hlathlai cuahmah rih ko lai,” tiah NTD nih a chim.

US Thimnak aa Ningcang lomi kong minung pathum nih an chimmi. A lai ummi driver nih a chimmi: Wisconsin ah motor mawngmi ka si. Cakuatnak zung bawi nih Nov. 4 ah mee a thong inn kan philhmi a um, va kan laakpiak a ka ti. A ni a luan cang tung ka ti tikah, “a ni cu kan tuanhter (backdate) ko lai,” a ka ti. Atu tan thimnak hi ka chan chungah a biapi bikmi a si. Hihi keimah lawng nih i chiah in thlan khur luh ka duh lo. A hriang ummi driver nih a chimmi: October 21 ah New York in Pennsylvania ah mee a thong thong in an ka phurhter. Mee deu an si ko tiah ka zumh. A hriang nu chimmi: Republican mee kha Democrat mee ah an rel chih.

Arizona biaceihnak zung: Pima County ah Democrat candidate pakhat cio ca ah mee 35,000 an fonhpiak hna. Ralbawi Richard Waldron, cybersecurity expert, nih amah sin le Arizona thimnak lutlai dihlak sinah minhngalh lomi pakhat nih email a kan kuat cio. Democrat pawl meeting an tuahnak a dikthlir tein le Pima County ah Democrat candidate pakhat cio ca ah mee 35,000 an fonhpiak ding in bia an ceihnak vialte a chim dih hna. “Biden le Kamala Haris ca zong an tuah ve. A mui aa langh i chiahserh biakamnak a tuah te ko lai tiah kan i ruah chan. Cun hi tin vote an fonh hi election ni ah a si i ka hmuhchuah khawh te ko lai,” tiah Waldron nih a ti.

US Thimnak: Computer Thiammi tampi nih Trump cu an dirpi cang! Trump ca ah cun teinak cu aa nai chin lengmang cang ko. CNN, ABC, CBSN, NBC, MSNBC tbk nih Trump legal team cu an sung, zei hmanh that hnemnak an chuahpi kho lo, ti in ni chiar an chim. Chim len ve ko hna seh. An media a nun nakhnga an chim peng ve pei a herh cu. Atu cu Pennsylvania biaceihnak zung ah Pension a la cangmi Ralbawi Phil Waldron zong nih tehte a khan ve cang. Amah cu Cyber Security Expert a si i thok-hlan-zi le konglam hlathlainak (intelligence le information) ah kum (30) a tuan cangmi a si.

A chimmi cu a tawinak in hitihin a si: “Pennsylvania ah hin mee 1.2 million hi an thlennawn khawh men. Zeicahtiah hi mee relnak seh hi ningcang lo in mee relnak hrimhrim ah an tuahmi a si. Hi mee relnak seh kong hi kan hnu August thla thawk in Ted Cruz he ti in kan rak chekhlat cang.” (Ted Cruz cu 2000 kum thimnak ah Bush le Gore an buaibainak a rak chektu hna lakah aa tel vemi a si.)

Waldron nih cun Cuba ram sungtthok bawi i a fapa kha bia a hal tikah Venezuela ram president hlun Hugo Chevez i a chungkhar hna nih an chimmi kha a rak chimh. Hugo Chevez chungkhar hna nih an chimmi cu: “Mipi kong ah lungrethei ding a si lo, zeicahtiah kan pa nih SGO mee relnak seh a cawk cang,” ti a si. Hugo Chevez hi Venezuela ram ah 1999 in a thih tiang (2013) tiang president a tuanmi a si. Dominion mee relnak seh kha aa cawk i mee a fir lengmang ti a si.

Waldron nihcun, “Mee rel ni (Nov. 3) i mee rel an thawkka hrawngah Biden lei ah mee 330,000 hrawng an rawn. Cu hnu ah voi tampi an rawn rih i a zapi ah 600,000 hrawng an rawn. Trump ca ah cun 3,200 te lawng an rawn. Hihi ni (22) chungah kan hmuhchuahmi a si. Thil dang tampi chekhlai ding a um rih. Keimah le ka team lawng si loin team dang tampi zong nih anmah lungtho tein an hlathlai cuahmah ve. Atu le atu “kan hmuh cang hi” ti in alan an thlir cuahmah,” tiah a chim.

Cucaah Trump legal team lawng si loin computer lei thiamsang tampi zong nih Trump lei ah an dir cang ti a lang.
Trump ca ah teinak cu a nai chinchin cang. Zarh hnih/khat ah cun a fiang ko lai. Biden mifirpa tu cu a ke ruh a kiak caah boot he atu cu aa chawk ko. Credit: Rev. Biak Lian Vel