Hnemhnak le Forhfialnak
========
Auto Tlang ralhrang nih CDF-Thantlang sinin an lak ruangah mawhphurhnak le thachiatnak biasiphai a tam ngaingai tulio hi. Kei cu mahtluk kum 70 renglo hriamnam ai khon cangmi ralhrang nih jet fighter he hriamnam ngan he chun le zaan in an kah hna hi an chuahtak chung cu a hau bak ka ti.
A minung an him kha a biapi bik ko, hriamnam cu a hungchuak than te ko lai. Cun thachiatnak ah hmang loin tan laknak tu ah hmang chinchin ko hna usih. Hi bak hi pei big challenger cu asi cu, zeibantuk miphun dah kan si i zeibantuk thinlung put a ngeimi miphun dah kan si ti ai hliahnak cu asi cu.
Civil War timi cu a caan asau deuhdeuh lai i hriamnam cu a hung chung deuhdeuh ve ko lai, vun international community zong nih an hna an vun tun deuhdeuh ve ko lai. Abiapi cu lungdongh lo le thlachiat lo hi a herh bakmi aso. Camp pakhat chuahtak le hriamnam tlawmpal kaltak ruangah kan sung cang tiphun in biasiphai cu kan i biatak lo tuk bia a lo. Tanlaknak ah hmang chinchin ko hna usih. Tu hnu cu camp nan chuaktak lai ah nan bomb pawl kha asi khawh ahcun minute time in tunh hna ulaw Kawl ralhrang hi puah hnawh viar hna seh.
Khat leiah biasiphaitu zong cu rak um ve phung asi ko, cun khat leiah sualphawtu zong cu rak um ve phung asi ko, minung cu kan i lo lọ teh. Asinain khua ruah kho paoh nih cun CDF-Thantlang nih Auto Tlang an chuaktak mi cu an mawh lo, caan tha tampi a um ko an ti cio ko lai. Bawipa tu nih kan ralkap pawl nunnak in humhim zungzal ko hna seh!
Raltuk ahcun ai chei deuh um phung asi! Chumhmui-san caan Ramh-san caan hme teh! Tuak ruat cio ciami hlei in Chinland Army “CA” an tthawng ko! NUG zong ruahnak hlei in a cawlcanghnak a lang ve retret ko hih, hriamnam tampi hman sehlaw bawipa tello cun san a tlai lo. kan sungh zong Bawipa thei pimi a si ti theih bu tein thazang la than cio uh sihlaw a tha bik mi a si. Thachiatnak ding bia chim hi tei nak phih khar tu a si kho.
Hi bantuk kan thi lai maw kan nung lai dah ti lio ahcun sual phawtu zong biasiphaitu zong um bak hlah uh. A ngamh ti lo le a lung a dong mi cu holh lo tein daite khan um ko uh. Kei cu aa tel ngam lo hmanh ka si ti tu kha i hngal ko. Credit: Chelsea Bawi
CDF Thantlang Camp cu Ralhrang pawl nih an laak khawh Than Ee, Hriamnam an laakmi cu a tam kho tuk e! A poi tuk e tuzing thawngpang kan theih mi cu july 20 zinglei sumilam 4 hrawng ah Thantlang peng Hakha lei kalnak Auto tlang ah a ummi CDF pasaltha hna an camp cu SAC Ralhrang nih kan laak khawh tiah an thanh e.
Tutan ahhin SAC Ralhrang nih an thanh ning ah cun Auto Tlang ah hmun a khuarmi CDF Camp kan laak khawh cu camp ah kan laakmi thil hna cu Meithal zun 11 le RPG zunkhat an si dihlak fonh zun 12 le mawtawsaikel 2 le facang, cun Miset le a dangdang bomb a tam kho taktak. cun bulletproof le lukhuh pawl tampi kan laak khawh tiah an thanh. atutan kahdohnak ahhin CDF lei le Ralhrang lei a thi le ai hliam mi an um maw timi kan thei kho lo. cun CDF lei zong nih thawng an thanh rih lo. Atu kan tialmi hi Ralhrang media fitty tow nih a langhter ning a si.
Khua Dihlak Mei Khangh A Tong Mi Rialti Khua. July 20, 2023 Falam Municipal (Sipin) area chungtel a si mi Falam khua in a meng in aa hlatnak lungpi veng (Rialti) khua cu Falam-Hakha lam pi a ummi a si. Khuachung inn dihlak 12, Milu 70 hrawng an umnak khua te a si.
SAC nih uknak a lak hnu February 1, 2021 thawk in ralhrang cu Chinram an rak kai caan poah khuachung ah hriamngan kah in an lut tawn. Khuachung ah meithal an thlah tawn tik ah khuachung mipi nih khua an chuak tak lengmang mi khuate a si. Ralhrang An lutnak Rialti khua hi Falam peng chung um a si bantuk in SAC ralhrang rual khuachung an lut lengmang i, August, 2021 ah ralhrang voi 3 nak tam khuachung an luh caah khua an chuahtak.
2021, August 1 -15 ni tiang ah Falam peng-Falam-Hakha lam ah Ralhrang an rak kai caah Rialti khua um mipi cu an mah khua he naihniam bik Falam khua le pawngkam khua ah an zaam. Cheukhat ramlak ah an tli/an zaam. 2021, October 13-14 ni Falam- Hakha lam kahdohnak ah Ralhrang nih Rialti khua cu voi 2 an khangh. Biakinn le Pastor quarter telh in khuami inn vialte an khangh dih. Mei kang mi inn le lo hi kyat sing 4712(471,200,000) man hrawng a si lai tiah theih a si. Biakinn telh in inn 4 an khangh.
Kalay in a rak kai mi SAC ralkap nih Falam Peng Riallti khua Khrihfa Biakinn telh in inn 4 mei in an khangh, An khanghnak khua hi Hakha le Falam kar khua a si i minung tlawmte (inn 12 hrawng) an umnak khua a si. Nihin October 13, zaanlei 3:15PM hrawng ah khan SAC ralkap nih mei in an khangh hnu in khua mi hmun kip an zaam.
Ralruang Ah Harsaknak Dang Tonmi SAC ralhrang ruang ah mipi nih hman tawn mi phone line, internet line an khar lengmang ruang ah mipi eidin le zatlang nun an harsa ngai. Sianginn an khar. Biaknak lei he aa pehtlai mi puai le pumhnak an tuah kho ti lo hlei ah Covid ral nih a tlak hna. SAC ralhrang an kai caan paoh ah mipi um kalnak lam an khar lengmang tiah theih a si. Cherhchannak: Institute of Chin Affairs. Crd: Salai Mangpau
Kanpetlet Peng Nili Chung Kahdohnak Ah SAC Ralkap 19 An Thi 20 July 2023 Chin ramkulh, Kanpetlet ah a luancia July 16-19 tiang, nili chung kahdohnak ah SAC ralkap 19 an thi, tiah CDF Kanpetlet nih an langhter. July 16 ah zing suimilam 8:20 in zing suimilam 9:00 tiang CDF Kanpetlet le ṭangṭi phu hna nih Suailwekyin khua pawng ah SAC ralkap an kah hna i 6 an thih leng ah hliamhma pumi an tam. July 18 zing suimilam 7:00- 7:30 tiang Suailwekyin le Masatui khua kar kahdohnak ah SAC ralkap officer telh in ralkap 5 an thi.
Cu ni zinglei suimilam 8:30 ah kahdohnak a chuak ṭhan i SAC ralkap 3 an thi chap. July 18 zing suimilam 9:30 in suimilam 11:00 tiang Fighter 5 nih voi 20 nak tlawm lo Masatui khua ah bomb an thlak ruangah BCM Biakinn telh in inn 7 a rawk. July 19 Masatui khua thlang kahdohnak ah SAC ralkap 5 an thi ṭhan i, hliamhma pumi zong an tam. CDF Kanpetlet lei in ralkap 3 hliamhma an pu ve. Hriamnam le zen-kuan kan chambau tuk caah mizapi nih nan kan bawmh naklai kan in nawl hna, tiah CDF Kanpetlet nih an langhter.