Australia Um Kawl Miphun Phu Tam Tak Tak Nih Ral Kap Cozah Duh Lo Nak Australia Cozah Sinah

Australia Um Kawl Miphun Phu Tam Tak Tak Nih Ral Kap Cozah Duh Lo Nak Australia Cozah Sinah An Langh Ter Lai.
Sanetor Dean Smith nih ralkap cozah nih uk nak an lak mi kong ah tonbia ruah nak a tuah mi cu atlamtling kho tak tak. Tlang cung mi hruai tu upa pawl le kawl miphun hruai tu upa pawl, Kawlram mi Khrihfabu Pastor pawl, phu (30) leng an kai kho.

Australia Myanmar Doctors le Nurses pawl nih an mitthli tla in bia an chim mi hrim hrim hi lung a hmui kho tuk..
Tonbiaruahnak in a chuak mi statement pawl le cathluan an chuah mi vial te cu Senator Dean Smith nih (14 .02 .21) ni tuah ding mi Australia parliament ah a chuah pi lai.

Australia Priminister, Minister for Foreign Affairs le Australia Cozah nawlngeitu hna sin ah pek dih ding in timhtuah nak nganpi a ngei. “Burmese Catholic hruai tu upa pakhat nih hi bantuk in Kawlram mi tling cikcek tein kan i ton khawh mi hrimhrim hi ka lawm tuk, Perth khua ah Kawlram miphun tonbia ruah nak kan tuah tik nih hibantuk in miphun kan tling bal lo tiah ati.” Credit: Renny Ceu L Mang

Thawngpang Tete; 1. USA President Joseph Biden, nih nihin ah Kawlram ralkap uktu pawl cu a voi 2nak ralrinnak a pek than cang hna. Lung a hmui tuk cang. 2. Australia mino hna nih ralkap duhlonak lamzawhtu pawl cu a tihal, a rawltammi hna caah tiah awtha Jenevy sinin phaisa bawmhnak an pek hnu ah Jenevy, David Lai le an hawi le nih an tawlrel i Mipi 500 leng sinah ti le rawl cu an pek hna tiah theih a si. 3. Mandalay ah Pastor tampi cu an uniform he ralkap uknak duhlonak an langhter ve tiah theih a si.

3. Kawlram cungah bank tampi an khar caah ralkap lila nih an phaisa cia an chuah kho ti lo caah lungrethei ngai in an um tiah theih a si. 4. Kawlram chung um Catholic hruaitu pawl, phungki pawl, Hindu hruaitu pawl, Islam hruaitu pawl tampi cu ralkap uknak duhlonak an langhter ve tiah theih a si. 5. Ralkap uktu mithalo pawl nih an tlaihmi hna cu minung 300 leng an phan cang tiah theih a si. 6. Kawlram pumpi ah zung vialte cu an khar dih ngot cang tiah theih a si. 7. Nikhat hnu nikhat ralkap duhlonak lamzawhtu an karh tiah theih a si. Credit;Pa Hen Thang