Australia Priminister Kan Tonnak

Australia Priminister Kan Tonnak
===================

Australia Chin Federation upa hna le Chin Human Rights Organisation upa hna nih Australia Priminister Scott Morrison le Australia Cozah nawlngeitu hna kan tonnak cu kumhnih asi cang. “Australia Priminister pa nih keimah nawlngeih nak in si seh law Chin miphun cu tampi kan lak hna lai. Chin miphun cu Pathian aa bochan mi miphun nan si. Rian tuan a duh mi miphun le Australia ram caah Contributions tampi a tuah mi miphun nan si tiah a kan ti”.
Australia Ramkulh panga i miphun hruaitu ACF upa hna le CHRO upa hna nih Australia Cozahpi cu Canberra Australia Parliament Innpi ah kan rak ton hna.

Hi tonnak vialte a kan tawlrel piaktu le a kan hruaitu cu Senator Dean Smith a si. Chin ralzam le nuhrin covo kong ah a biapi tuk mi Joint Standing Committee on Foreign Affairs and Trade, Human Rights Sub-Committee cu tlamtling tein kan ton khawh hna. An Chairman pa the Honourable Kevin Andrews MP zong a zungkhan ah a dang tein tonnak le biaruahnak kan rak ngeih kho. “Priminister Scott Morrison nih CHRO palai Salai Sang Hnin Lian cu Chinmiphun caah Joseph bantuk pei na si hi tiah a rak ti”.

Australia Cozah lutlai upa tampi kan rak ton hna. Malaysia UNHCR ah Australia cozah nih palai a thlah hnga ding mi zong min lank ter lo tein kan rak ton i. “Chinmiphun cu ka si khawh chung in bawmh khawh nak ka zum lai. Chinmiphun caah zeitik caan pohah nan ka ton khawh tiah a kan ti”. Cu caah Senator Dean Smith hruai nak thawng in Australia Chin Federation upa hna le CHRO kan pa le hna nih Malaysia ah kan va ton than.

Kum (2) tlingmanh cang, kan Miphun nih hlawknak tampi a hmuh, tuanbia ah a canglen lai. Australia Chin Federation le CHRO nih kan lo hma kan lim rih lo. Tukum September thla in December thla karlak ah Australia Priminister pa le Australia Cozahpi kan miphun caah ton than ding in timhtuah nak kan ngei nain Covid-19 ruang ah atlamtling kho deuh rih lo. Bawipa tu nih kan miphun caah caan tha kan pe hram ko seh. Credit: Renny Ceu L Mang