Vawlei pumpi he pehthlai in mino Day hmannak hmun Naypyitaw ah Cawnni khatni (12/08/2019)Monday ah khan Myanmar State counselor Daw Aung San Suu Kyi nih cawnnak he pehtlaiin kawlram cozah nih tthanchohnak caah phaisa a ngei lo hi, ngaihchia bak a si a ti.
“ Kan ram hi a sifak tiah ka ti duh lo, sihmhselaw, ramtthangcho mi kan si lo,” tiah Daw Aung San Suu Kyi nih mino Day hmannak hmun ah a chim. “Kan ram tthanchonak caah rian kan ttuan cuahmah cang, cun kan duhning in cawnnak leiah phaisa kan hmang kho rih lo,” tiah a ti.
Lungthin khattein cozah he ttuantti dingah mino day hmannak i a rami pawl cu a sawm hna, Cozahpi nih cawnnak a tthat chinchinnak hnga thazaang a chuah cuahmah cang, sihmanhselaw, a dih donghnak taktak ttuanvo a ngeitu hna cu mino pawl hi nan si, tiah a chimh hna.
“Cawnpiaknakah kan i tinh bikmi cu, ngakchia cu langhnak a ngei kho ding tiangin cawn piak hi a si. Cawnnak hi minung nih kan hmailei caan, kan tondingmi kawng ralttha ngaiin kan chim chung khawhnak le ralttha ngaiin a kan umter tu a si,” tiah Daw Aung San Suu Kyi nih A chim.
Lower House’s Educational Standards Promotion Committee i chairman Dr. Tin Aye nih tadinca a chimhning ahcun, State counselor nih hin cawnnak he pehtlaiin rianttuantu pawl sinah buget kawnglam he pehtlaiin ruahnak a cheuh hna, a rianttuannak cu lang rih lo hmanhselaw, a lang hrim hrim lai tiah a ti.
“Cawnnak he pehtlaiin budget hi 8 percent chiah a si, sihmanhselaw, hmaikum in cun 10 percent chiah a si cang lai, cawnnak ah phaisa tampi hman khawh ding chiah ka duh ko, sihmanhselaw, a pehparah hmannak tampi a um lai ti ka hngalh,” tiah Saya Bio, Private Tutor nih tadinca a chimh hna.
State counselor nih hin cawnnak a tlamtlin khawhnak ahcun zeizong vialte tuah piak le pek a zuam peng, tiah a chim. Biatak kha fel tein kawl dingah le ram tthangchohnak caah thazaang chuah cio dingah zapi a forhfial hna pinah cachimtu le siang ngakchia nih kan holh ttha tein kan thiam dih cio nak hnga le internet hi tthathnemnak ngeiter i hmang dingah a forhfial hna.
Credit:Nu pa nun tlang