Atu lio Pre Biden nih cun ka bawmh hna lai Ukraine timi cu achim bak lo!

Atu lio Pre Biden nih cun ka bawmh hna lai Ukraine timi cu achim bak lo!
=========
1. U.S kum 100 leng Democracy ram asi cang mi. Rem te law daw tein aum cangmi. Kum 100 chungah aum bel lo mi Cozah zungpi arak doh tu le a luh hnawh mi cu U.S tuanbia ah aum zungzal cang lai. (2021 United States Capitol attack) January 6,2021 ah zeidah acang timi kan theih vial. Laitlang lei bawlung chuih i goal khawh lo in i vuak he ai lo. Kha lio ah minung pa 6 an thi i hliamhma pu mi 180 an si.

Khakha President Trump asi. Tlawmpal ah consequential-dantat nak an tuah hna lai. An thil tuah cu John F. Kennedy, Watergate, le terrorist attacks 9/11. bantuk kha asi ko. Mah tlawmpal ah U.S President hmanh nih atuah ko teh tiah Kawlram Ralkap ah aboi bik asi mi MAH nih President Trump anawl ai cawn i a lak i anih cu alak khawh caah nihin tiang Mipi nih aralkap cu kan do hna.

2. Taliban (misual) timi hna state pakhat tluk auk mi hna kan ti lai cu nih kanmah nih Afghanistan ram kan uk ve cang lai tiah an lak ah ai lawm tuk ti asi kha nan PU President hlun cu. Ahodah ai lawm mi aum vawlei cungah amah lawng asi lai.

3. Ukrainian ram dai tein aum ko mi le amah tein uk duh nak angei kho ve mi nawl ngeih nak angei mi cu vawlei cungah misual bik timi Russia Pre. Putin nih lak atimh peng 2014 lio in Ukrainian ram cu an luh hnawh peng. Atu kum 8 arauh hnu ah asual nak cu vawlei cung miphun pi hmai ah thuh nawh awk tha lo in asual nak cu langh ter lo awk athat lo caah alang cang. 2014 lio ah ahodah President arak si? Pre. Obama asi.

Kum 2017 in President Trump nih a chan i 2021 tiang 2021 cu kan hnu kum lawng asi rih. Hi lio tein Putin le Ukraine federation nih an i tim diam cang timi cu alang. Aho President hmanh nih chawnh an duh lomi Dictator timi cu President Trump nih cun tthawn-ngai ah a ruah le a va ton i a va chawnh caah atu thil a can hi mi zonghi ai tel. Cun Russia-Putin nih Ukraine akah lai a lak lai timi thawng a theih bak in nan Pu Trump cu ai lawm tuk hoi ti asi kha. President lebang rak si seh law caw le vok a thah lai kan ti lai cu.

4. Ram rum le hriam-nam ngei nih ram hme deuh va luh-hnawh le va kah hi thil ti khawh zong asi lo i tthawn zong asi lo. Nek neih le nam-nat asi i Hruh cikcek asi. Hi ko ahhin ai lawm bik mi cu Pres Trump le MAH an si ti asi cun N.Korean Kim Jong Un. Arau lai lo. Taiwan khi Chinese Pres Xi nih alak khawh men an ti nain tutan Putin thil tuah ahcun Putin cu a mawhchiat ngaingai ti asi i Putin nih phone a chawnh hmanh ah atleih piak lo an ti.

5. U.S President an thil tuah mi hi nihin ah cin i thaizing ah ei a za mi chang chuan phun ah kan ruah rua ka ti. President an ttuan hi an term khat hi kum 2 va si kaw. Kum 1 hi cu amah hlan President attuan mi anehnang zulh le hnawh kha an i za ko lai. Cu caah Pres Trump ahnawm vialte kha Congress pawl nih Mipi sinah akan hlonh hnawh tik ahcun kan lo ko.

6. 2022 Thilman hna a hei kai ning. President ruangah thilman akai mi ahei si lo ning. Zeitluk in dah Pres kip nih thilman kong an chim zungzal Press conference nak ah kan hmuh cio dih lai. Tukum Gas man a fah tuk mi hna hi shutdown an tuah mi. Colonial Pipeline ruangah asi. Cun Pandemic-era lio ah thil-man an i deng i an awl tuk mah thil acang mi ati luan nih a vun phak tuk cang. (It’s all about supply and demand) American Automobile Association (AAA) Cherh chan date ahcun Gasoline a man hi 7% bak akai ti asi.

West Coast lei paohpaoh hi akai tuk i South Central region lei hi a niam ngai ve. Chim ko lo ahcun Thilman akai bantuk in Minimum wage akai ngai ve ko tiah ka ruat. Cun Cozah sin-in free tangka hmuh mi atam tuk caah cozah nih an print mi tangka atam tuk cucu achap dih ahau. U.S Leiba- U.S National debt $30 trillion hin kan i fian ding asi ko. Hihi chap pah khawh nak ding ahcun zeidah an tuah cio hnga mu.

Chim ding atam tuk aaa. President rumro puh zonghi vei te tuanbia he ai lo lai. inn chung khar pakhat an um i an nu nih an fa a vuak ah attah paoh ah na ttah bek ttap hlah ati i a fa nih ka ttah ne lo ah naka vuak cang ahcun ka ttah lo ahcun nai lung si lo teh tiah a fa nih ati deuh ti asi. nan fiang ngai ko lai.

Atu lio Pre Biden nih cun ka bawmh hna lai Ukraine timi cu achim bak lo. NATO Ram asi mi EU pawl a tongh bak hna asi ahcun Russia nawn dingin ai thawh te lai i Vawlei ralpi WW-III achuak kho. Kan thei lo. Ahohmanh nih an thei cio lo. 2022 zonghi zei ngaingai asi lo hih. Nupi tthi mi nan vantha ngai ko hih. U.S ral hna a thawh ahcun kum 18 cung paoh an kan lak te lai caah timh cia tein nan Ram vaih nak Meithal khan Target tal rak kap cio ko uh.Credit: Bawi Thang Vlog