Atu Lio Khua Caan Ah cun, Vawleicung Thawngpang Tha Bik A Si Men Lai.

Atu Lio Khua Caan Ah cun, Vawleicung Thawngpang Tha Bik A Si Men Lai.
========
Kan Chin Ram Caah $5 millions Chuah Pi Dingin Kan Pa Le Hna Nih BD meeting Le Thlacam Nak An Ngei. Kan Chin caah tiin kan pa le nih Bawipa sin ah bawmhhal thlacam nak le CBCUSA BD meeting cu tlamtling tein an lim kho. Bawipa nih an saduhthah tlamtlin ter ko seh. Kanpa asimi Thawngling Mualhlun nih afacebook cahmai ah hi tihin atar.

Bawipa thawng in LAKHRUAK BD meeting kan i lim. Ram le miphun caah $5+ mil… chuahpi ding in thla kan cam. Hnuzulh ding lawng a taang cang. Thlacam piaktu nan dihlak cung ah kan I lawm. Bawipa kan lei a ttan caah kan hna ngam ko u sih.

Bawipa thawng in LAKHRUAK BD meeting kan i lim. Ram le miphun caah $5 millions chuahpi ding in thla kan cam. Hnuzulh ding lawng a taang cang. Thlacam piaktu nan dihlak cung ah kan I lawm. Bawipa kan lei a ttan caah kan hna ngam ko u sih.

Chin Baptist Churches United State of American (CBCUSA) kan pa le nan khua khan mi cu a ropui kho tuk ee, Bawipa thawng in tlam a tling lai zong kan i ruah chan ko. Kan i lawm tuk. Kan miphun ca ah thawng nan kan thanh mi cung ah kan i lawm tuk Bawipa nih thlua chuah pe hram ko seh.

Kan pa le mui hmunh ah hin hna a ngam tuk bawipa nih khua tuak thiam nak le khua ruah thiam nak le nun sau nak in pe ko hna seh. Kan miphun chungin a tungtung, a tlangtlang longte. Ruahchannak nganpi a um. Ram lei miphun caah Bawipa nih in hmang chin ko hna seh.

Hakha ah minung 26 an tlaih hna. Nihin (6 November) chun ah Hakha khuachung ah minung 26 an tlaih hna. Hi an tlaih mi hna hi Hakha khuapawng in Hakha a rak phan mi an si i, mizaw, nu le ngakchia zong an i tel tiah CHRO nih Twitter ah a tial.

Nizan (5 November) zanlei ah Cawbuk ralhrang ralkap umhnak hmunhma cu CNA le CDF nih an kah hna i ralhrang minung 5 an thah hna. Tuzing (6 November) zingka deilei ah Pyidawtha palek leng pawng um pungki sianginn pawng ah hmunhma lami palek le ralkap an kah rih hna i minung 6 an thi tiah CNF sin in kan theih.

Thantlang ah ralhrang nih mei an duah than. Nihin (6 November) zinglei sml 6:30 am tluk in Thantlang um ralhrang hna nih TACB ngaktah zohkhenhnak sianginn Penial Children Home (PCH) an khangh i a pawng ummi inn thum fai cu kangh chih dawh a si tiah Thantlang pawng a ummi nih The Chinland Post ah an chim.

Zing sml. 6:30-8:30 am karlak ah, a tlawm 4 inn a kang manh cang. Atu cu mei a thi cang, nain a dihlak inn zeizahdah a kangh timi bel mi theih khawh a si rih lo tiah minlanghter awk tha lo pakhat nih a chim. Drone in thlakmi zuk kan zoh dih hnu ah, inn zeizahdah a kai timi a fiang te lai tiah, mino pakhat nih Chinland Post ah a chimchap.

Chin state Thantlang Khua Kanghnak Kong Biazai Tial Ruangah Ralhrang Nih A Voihnih Nak An Tlaih Tthan. Kan Chin ramkulh Thantlang khua ralhrang nih an khangh nak kong biazai ttial tu rakhrang nih an tlaih. Hi an tlaihmi pa hi journalist pakhat zong asi. cu ralhrang nih an tlaih tiah theih asi.

လူထုကလောင် timi thawngpaang zamhnak ah rianttuantu Za Way Aung( U Ngwuh Lwin) cu ralhrang nih November 3 ahkhan an tlaih cang. Kum 54 hrawnghrang minunga si cang mi zong asi. Hi Thantlang kanghnak biazai attial mi zong hi lungfah nak jn a ttialmi asi. Anmah ralhrang thangchiat nak attial baklo nakin an thinlung a khen hna i si tiah khuami pakhat nih aphuan.

Cun anih hi Sandah ttakhuh Phitti hmuh timi tlangtar in baizai a ttial ruangah March thla chung khan an rak tlaih balcang fawn. Pohmah 505 zkngin tazacuai nak an tuah ciami asi nain May thla ah an chuah tthanmi arak si. A tutan hi avoihnih nak an tlaih asi.