Atu lio Kawlram ramkhel ah George Soros timi pa hi a biapi ngai.

Atu lio Kawlram ramkhel ah George Soros timi pa hi a biapi ngai.
======================
Nai ralkap nih aana a ting zarhkhat hnu ah SMED bank ah (OSF) Open Society Foundation min in a chiahmi dollar 5 million chung ah million $1.4 a chuah colh i lamzawtu G-Z bawmhnak ah a phawt zam. Aana ting hlan, election a dih hrawng ah khan (OSF) i a minung pawl, hlan UK le US ah master le Ph.D a rak kaiter mi hna pawl tam lak cozah ah rian an luh khawh ding in a bawmh hna ti in social network ah a rak chuah pah len. Cu hna cu union minister rian a tlaimi le deputy minister rian a tlaimi tampi an i tel. MOPFI wungyi le duh wungyi pa 2 (mino) cun baho bank vice chairman le a dangdang an tampi caah cu social media nih kawlram hmailei caah phan awk ngai a um tiah November thla ah a rak lar bel.

Hi mirum pa Soros hi US ah a rum bik 56 nak a si i US$ nuai 8000 leng a ngei. Amah hi Forex ti mi foreign currency exchange – rangdang phaisa pawl a cawkzarhtu ah vawlei cung ah minthang bik le tihnung bik a si. Anih hi Scapling trading strategy (nikhat ah voi zeizah poah cawkzuar) le day trading strategy timi nikhat ah voikhat-hnin cawkzuar timi mipi nih hmanmi lam strategy hi zei tik hmanh a hman bel lo. Position trading timi kum khat voi khat-hnih tibantuk lawng a celh. England bank a hrawktu pa ti hmanh in a min a thang. Europe ram pawl ah Euro a chuah hlan deuh ah England cozah a komh hna. Pound ting khat cozah ah a rak hlut tik ah PM Winston Churchhill le Finance wungyi le a dangdang a rak komh hna i England reform tuah hniknak kong a rak theih tik ah, cun cu lio an ram inflation a kai tuk lio ah ramdang phaisa pawl German Mark phaisa, France i Franc, Italian Lira tibantuk pawl heh tiah short selling a tuah tik ah Pound Stelling a man a tla cia mam i 2 billion hawng a miak a rak hmuh leng ah England cozah an hmual a rak pho lawng siloin bank pawl sungh zatlaknak an rak ton i England recession timi sipuazi tlakchuhnak an rak ton.

Cu ve bang Asia ram ah 1997 crisis a rak chuah zong hi hipa Soros nih Thailand ah Thai Baht, Malaysia ah Ringgit, Indonesia Rupee le Singapore dollar tangka pawl cawkzuar a rak i celh ruang ah South East Asia ram pawl zong sunghzatlak an rak ton i cu ram pawl lawng siloin Asia ram tam lak ah sipuazi tlakchuknak (recession) a rak chuah i tihnungmi dirhmun Crisis tiang a rak chuah i minung nunnak le sipuazi pawl tam pi a rawk i dewali an rak khan.
Kawlram ah luh i cozah ah thiltheih ding ah a minung (sianginn a rak kaiter mi) tampi rank sang ah an lut tik ah kawlram tangka baho bank ah tangka thlennak zong amah idea le control tang ah a lut kho tiah mi tampi an phan.

Sihmanhsehlaw, ralkap nih uknak hramhram in a lak tik ah mipi cawlcaanghnak a bawmh colh hna SMED bank i dollar a chuah i Kyat nuai 2000 hrawng bamwhnak ah a chuah colh, Gen-Z bawmtu bik a si. US i Ferguson buainak zong ah kumkhat ah dollar nuai 33 bak a bawmh hna. Hi pa hi atu ralkap nih OSF i a minung pawl le amah hi tlaih ding ah an timh. Soros hi vawlei cung ah pekchannak le bawmhnak midang caah thiltha tuah tu philanthropist timi Zaangfah-ngeitu Degree a hmutu misiang a si. Hi pa hi ramchung ramleng bu maw CRPH nih pehtlaih khawh ahcun federal ralkap sernak le ram dothlennak ah phaisa thazaang tampi a chuah khawh lai, federal zungkai (cdm) fund le ram kip cozah sin ah an hna a pemh khawh hna lai tiah ruah bu in. Credit: Dr. Sui Hingz