Atu lio America thil um tuning hi zaraan nih ciah phaak lo, ruah phaak lo level ah a um cang.

Veritus Vincit: The Truth Shall Prevail

Atu lio America thil um tuning hi zaraan nih ciah phaak lo, ruah phaak lo level ah a um cang. Lih le hrokhrol cio cio ko zong ah hin systematic te i lih le hrokhrol ningcang te a rak um i zaraan cu zei kan tuah ti an i hngalh lo kar lak ah lih le hrokhrolnak muru le laifang ah rak um khawh asi i zeidah a cang te lai ti ruah ah ning zong atti i thinphang zong asi ko.

Tuchan cu Media chan asi. A holh kho poh nih teinak co chan asi, thil sining te simple te i a kal pi ko mi hna hi mi hrokhrol nih lawyer an i hlaan i an kaa an phih hna, mithmai ngei lo tiang in an chim an rel kanh hna i cuticun i phisin khawh lo ruang ah thong a tla mi, a sung a zatla mi, ngeihmi thilri innlo chuh mi, fale, nupi le pasal tiang i chuh mi zong tampi hmuh le ton peng asi.

Atu lio America nih a ton mi hi vulei cung buaibainak lak ah a level a sang bik mi buaibainak asi ti khawh asi. Zeicaah ti ah hi buainak hi a dong ding asi ti lo. Chan ti luan tampi in avan zuul peng mi chung i arak um peng mi thil, vulei cung technology, upadi, intelligence agencies, culture, social, le media hna he i theithiam in society chung ah arak lut peng mi asi i tu hi mual pho in a parpahlik ah buainak a hung chuah hi asi.

Vulei cung bawibik thimnak US election ah atu bantuk in Right wing le Left Wing in dir hmun le ttan hmun a um mi hi vuleicung ca men asi lo, zungzal biacaihnak sangbik asi mi Tthudanraang biacaihnak (The Great White Throne Judgment) tiang ah peh ding mi khi a va si cang caah phun dang i chim ah cun atu buainak hi thlarau lei buainak asi ti zong ah 50 % cu pom khawh asi. Zei caah ti ah vulei system pi hi Right lei maw a zulh lai Left lei timi lam pial nak zawn taktak khi kan phan i kan zulh mi lam hi zungzal tiang kan zuul cang ko hna lai. Vulei i keh lei lam a zuul mi hi cu Thutdanrang biacaihnak zong ah keh lei kam i a um te ding khi kan si ko i orh lei kam i a um mi hi Thutdanrang biacaihtik ah orhlei i a um te ding khi kan va si te cang ko lai. Mah ruang ah hin atu Election ah zumtu asi mi pohpoh vulei cung khuaza in thlacamnak he an rak i tel cio nak hi asi. Biatak a ttanh mi (right wing) e amuimi chantthawnnak a ttanh mi (Left Wing) ti in i dan asi ko hihi aho nih cawnpiak ngai ngai zong a hau mi asi lo, mah chunglei chiattha thleidannak nih hngalhnak akan peek mi cio asi ko.

A tang i ka thil chih mi hi atu lio ah Biatak tatak (Affidavit authority) chiatserhnak he official minung nih an chim mi bia cu asi i zei tluk in dah Media, Technology, Social, Culture, FBI, tibantuk nih an rak doh hna ti cu kan hmuh cio mi hi asi. Vote Fraud ti hi a rak um ttheu tawn na in tutan hi vote fraud men si lo in Voting system Fraud, Official Fraud pin ah international intrusion te hna tiang arak um dih mi asi tik ah Supreme Court hmanh nih caih khawh mi pin tiang a phan kho mi asi cang. Khat lei ah ruah lo awk a ttha lo mi cu rampi hi a puak in a puak kho mi dir hmun tiang a va chuak kho cang mi asi.

Media nih heh ti ah an au pi mi le khatlei ah Prophesy nih heh tiah an au pi mi hna hi cuai thlai tti hmanh hna usih. Atu cu MEDIA vialte zong “shut up” ti an si ve cang. Prophesy tucu amah kal te in akal ve ko i BIATAK nih maw teinak a hmuh lai FAKE nih dah teinak a hmuh lai ti hi atu lio vulei cung minung vialte kan thin akan tur ter tu cu asi ko cang.

Hna a ngei mi poh nih theih a herh mi cu atu lio America buainak hi Vuleipumpi, miphun vialte, minung vialte, akan huap dih tu asi ti thei in vuleipi Antichrist pennak chung ah tuan tuk ah a luh sual nak hnga lo ding ah Pathian nih President Trump hi avan thlah mi asi ti hi asi. Strong Personality a ngeih ruang ah mitkem le huat a tlai mi hi hi system ttha lo vialte adoh tu le a tei kho tu, a tlai tthan kho tu ding asi mi caah cun a rak herh hrim hrim mi Personality (Character) asi ti theih hi abiapi tuk fawn. Hi bantuk a hmu thiam lo mi cu Trump pesonality ruang men ah setan lam a zuul mi zong kan tampi i zei tluk ngaihchia dah asi. “an caah ttihnung a va si dah Kain lam kha an zuul” (Judas 1:11) ati bantuk khi asi i atu ah hin mi tampi nih zei kan tuah ti hi an i hngal hrim hrim lo. Zumtu Khrihfa ai ti ve ko mi Pastor hna hrim hrim zong hi thlarau lei mit a caw i a ping i mi a hruai mi hna an tam tuk. Zeidah a si ti ah “Donghnak ni a phak tikah cun, nanmah an nihsawhtu hna le a ṭha lomi an pumsa duhnak lawng a zulmi hna kha an chuak lai,” ti pei a si kha. * Hi hna cu ṭhennak a chuahtertu, an pumsa duhnak nih a ukmi, Thlarau a ngei lomi an si. Sihmanhsehlaw ka hawile hna, nannih cu a thiang bikmi nan zumhnak cungah khan fek chin lengmang in i sa chin lengmang ko u. Thiang Thlarau ṭhawnnak thawng khan thlacam u law Pathian dawtnak chungah khan um ko u. Cun kan Bawipa Jesuh Khrih nih zaang an fah hna ruang i zungzal nunnak an pek hna lai ni cu hngak ko u (Judas 1:18-21).

President Legal team nih ttha te in thil an kalpi bantuk in Prophesy pawl hi ttha te in kan zoh ve ah cun an chim ning te in thil hi akal dih khitkhet ko. Zei tluk in dah miphun hna ram hna hi setan nih a hrawh dih cang! Khrihfabu hna hrim hrim nih kan i tlaih mi Vailamtung hi anak pipi (Black Cross) an si ti pei fiang te in an chim ko hi. Khrihfa bu chung member hrim hrim zong hi tuphaw aih Cehngia kan rak tamtuk cang ti pei an hmuh lulh ko hi. Sihmanh seh law Pathian mi a mi le afa hna hi akan siang lo, chance peek akan duh rih, Vulei pi hi setan kut chung i pil ruangmang ding a siang hrim hrim rih lo, cu ruang ah Prophet tampi hna hmang in Biatak ttanh tu le aupi tu a mithiang tampi avan thlah hna i heh ti ah an au cuahmah ve. Biatak a hngal mi pohpoh an khuuk an i bil i heh tiah thla an cam ve.

Hebrew (12: 25-28) ah kan hmuh bantuk in hi bantuk in vulei ah Biatak le Taklo ralpi a thawh lio pi asi caah hninh khawh mi asi mi pohpoh an i hnin dih i vuleipi hi thla duuk in a um lio asi. Ralrin a kan peek chung nak, nawl ngai lo um mi hna lam ttih a nun ning zong chimh dih kan si ko hi. Hninh khawh mi asi mi pohpoh cozah system pi pi, Intelligence system, economy, education, Health, social, culture, Media, Politic, azei zong te an i hnin dih i zei dah fek te in i tlaih awk a ttha mi a um? Hninh khawh asi lo mi cu kan zumhnak Pathian pennak lawnglawng hi asi ding asi caah cu chung ah um i Biatak rak ttanh le rak dirpi kha asi. Biatak nih teinak hmu ko seh. Veritus Vincit. The Truth Shall Prevail. Credit: Salai Bawiukthang Cinzah

Leave a Reply

Your email address will not be published. Required fields are marked *