ATu Hi A Caan Asi Lo A Ti Mi Le Vailamtlang Cathatnak Lawng A Kawl Mi Cu

“ATu Hi A Caan Asi Lo A Ti Mi Le Vailamtlang Cathatnak Lawng A Kawl Mi Cu
==========
“ATu Hi A Caan Asi Lo A Ti Mi Le Vailamtlang Cathatnak Lawng A Kawl Mi Cu “Moses”Izip Ram AH Thnlan A Um Lo Maw A Ti Mi Kan Si Kho!

Myanmar ram tuanbuia siseh,Tlangcung mi dang tuanbia siseh,a hlei in,Chin mi kan tuanbia siseh chim tam haulo in kan theih cia dih le kan rel lengmang mi le kan theih lengmang cio cang mi a si caah ka nolh lem lai lo, a tu kan dirhmun he pehtlai tu in tlawmpal keimah nih ka hmuh ning ka van langhter ta ve lai.

CNA/F nih Chin miphun le ram dawtnak ruangah kum 33 renglo hriam an tlai i,harsatnak a phunphun an tong i, fanu, fapa hna tampi nih mual a kan liamtaak cang hna,kan ngaih a chia i,kan lung a kuai dih cio cang hna.CNA/F hna nih cuhlan i an ttuan lengmang cang mi kha kan miphun le ram nih fekte in kan dir khawhnak dingah hram an rak thlaak hmasa le hram an rak bunh hmasa a si ti hi kei nih ka cohlan ning a si.

CNA/F nih cuhlan kum 33 chung ram le miphun dawtnak he an rak tuahttuan mi theipar kha Chin miphun dihlak nih kan hmuhkhawhnak dingah cun, a tu hi kan miphun caah caanttha bik caah, “Pathian nih caan a kan serpiak mi a si tiah ka ruah.

Kum tampi, Kum 400 renglo, Israel miphun hna nih Izip ram ah sal dirhmun in hranhram tuahttuanternak an in i an hrem chih lio hna ah khan” Pathian nih, Phoro bawi sual a chuahter i faak chinchin in hrem an si khah, culio ngelcel ahcun, Moses cu hrin a si ve.Cucu Pathian tinh mi a tlin khawhnak caah a si khah.

Moses cu a upa i “Pathian nih a mi hna cu, Izip ram in chuahpi dingah bia a chimh i a kawh. Cu hnu ah “Moses nih a mi Israel nih luatnak an hmu. Pathian nih hin a mi hna a chuah tthannak hna dingah, Miphun dang Siangpahrang kha a hman tawn hna ti mi cu, Cathiang ah tampi kan hmuh. Cubantuk in a tu ah hin” Min Aung Hlaing hi, Chin miphun le ram nih luatnak kan hmuhkhawhnak dingah”Pathian nih cun a hman lio a si i, hihi cansau a rau lai lo, na chanchung hrimhrim ah hin a si ko lai.

Cucaah a tu caan hi Chin miphun hna nih kan caanttha a si ti thei in a lamkip in ttan kan laak cio le kan cawlcangh cio a herh. Asinain, Kei Vailam tlang, Kei Zahnak Tlang, Kei Lautu, Kei Zophei, kei Falam, Kei Tidim, Kei Mara, tibantuk in, kum 33 renglo miphun le ram caah a cawlcaang mi hna hliahkhuh i tim in, cun, a tu hi a caan a si lo.

A ti mi hna le, kei Vailam tlang, Zahnak tlang ca lawng tibantuk in cantha kawlnak i kan hman sual ahcun, “Moses nih a mi a hruai lio ah i” Moses, Izip ram ah thnlan a um lo maw a ti mi bantuk ruahnak a ngei mi, Min AUng Hlaing uknak a duh mi kan sihnga. A tu hi kan caantha bak a si. A tupin hi cu hi hnu kum 70 hnu lo ahcun cantha kan hmu kho ti lai lo. Credit: Pu Tin Duh Thang