Aizawl Pengkomh Ah East Lai Ralzaam Inn Kaang Than, Dated Central Lairam Lawngtlai 2024 Vaupi 09: Aizawl pengkomh, Sihmui Refugee Camp 2 ah a voihnihnak meikaanghnak a chuak țhan tiah kan theih.
Mizoram khualipi Aizawl pengkomh (District) Sihmui Refugee Camp 2 ah inn pakhat cu 2024 Vaupi 8 zinglei suimilaam 10 hrawng ah Electric Wire that lo ruang ah thilri zeihmanh chuahmanh lo in a kaang.
Hi Sihmui Refugee Camp kaanghnak ah hin nunnak liammi le khawngdengmi an um lo. A liamcia Nohawng thla ah khan Sihmui Refugee Camp 2 ah meikanghnak a chuak i, inn 8 a rak kaang. Cu Mei kaanghnak ah cun phone 4, Solar le Battery 9, le a dang innchung hman thilri tampi a kaangh hlei ah, innzuat satil ar 30 leng, vok pakhat, uico pakhat an kaang chih.
Sihmui ralzaam camp (2) ahhin inn 70 hrawng an um i, a milu in 350 hrawng an si. Annih hi East Lairam in thlanglei Laitlang Matupi peng deuhmi an si hna. The Lairam Times