Mindat Khuapi Pawngah SAC Ralhrang tam tuk nih hmun an khuar
==========
Mindat khualipi chung le pawng kam hna ah SAC Ralhrng ralkap thazang 100 leng nih hmun an khuar tiah theih asi. Magwe Peng kulh, ကျောက်ထု lei in a ra kai mi hna cu Mindat lampi in Mindat city ah a rak lut tiah an chimh. Nihin ah Mindat cungah hmun ankhuar, May 25 zingka in Mindat chung ah kahdohnak a chuak i, cu meithal thawng hi kan thieh peng rik ko tiah an chimh.
Mindat city chung ah thawng an langhter mi HKL MINDAT Nih ကျောက်ထု in Mindat lei ah a ke in a ra kai SAC Ralhrang thazang 180 asi hna i Mindat Ah A um Mi (Kah La yat) 274 battalian leiah an kal tiah zanlei 3 hrawngah an langhter. Cu SAC ralhrang thazang 180 hna cu Matupi lei ah kal mi an lot , sinain mindat chungah an um ko tiah an zumh.
Magyisu Khua A Khangtu SAC Ralkap Cu PDF Nih Bomb An Puahhnawh Hna I 10 Hrawng An Thi; May 25 zanlei suimilam 5:00 hrawng ah Mandalay ramṭhen, Magyisu khua a khangtu SAC ralkap le an motor cu Nabuaing(နဘူးအိုင်) in Myingyan lei kap kalnak lam ah Shwe Chanthar Guerrilla phu le Myingyan peng um khuate vengtu(Pah Kah Phah) hna nih bomb in an puahhnawh hna i ralkap 10 hrawng an thi. Hliamhma pumi zong an tam, tiah Shwe Chanthar Guerrilla in ṭuanvo ngeitu pakhat nih a chim.
Bomb kan puah dih in SAC ralkap pawl nih an au-khuan pah in an kan kah ve nain kanmah lei a thimi le hliamtuarmi kan um lo, tiah a chim chap. May 24 zinglei suimilam 2:00 hrawng ah SAC ralkap le pyusawhti nih Mangyisu khua cu an khangh pinah SAC ralkap nih an hrem hna ruangah a zaam kho lomi khuami pahnih zong innkaang lakah an kaang chih. Inn 250 hrawng a ummi ah inn 100 hrawng an kaang, tiah theih a si.
Magway Ramṭhen, Yesagyo Kahdohnak Ah SAC Ralkap 10 An Thi; May 24 zinglei ah bomb chekhlatnak tuah ding in a kalmi PDF ralkap 2 cu SAC ralkap nih an tlaih hna caah PDF nih va chanh ding in an kalhnawh hna i Yesagyo ah kahdohnak a chuak, tiah theih a si.
Yesagyo peng ah bomb chekhlatnak va tuah ding in a kalmi Myingyan Black Tiger (MBT) No. 2 in ralkap pahnih cu SAC ralkap he an i ton sual caah SAC ralkap nih an tlaih hna i, PDF ralkap pakhat cu a zaam.
SAC ralkap nih PDF ralkap pakhat cu a phei ah meithal kuan in an hliamh i a zaam khawh ti lo ruangah headquarter i a ummi PDF ralkap tam nawn nih an va kalhnawh, tiah Myingyan Black Tiger (MBT) hruaitu Bo Meik Khe nih cun a chim. Cu kahdohnak ah cun SAC ralkap 10 an thi i, hliamhma he tlaih a tongmi PDF ralkap pa tu cu an chanh kho lo, tiah theih a si.
SAC Ralkap Nih Kawlin Ah Mipi Vengtu Ralkap Telh In Pa Panga An Thah Hna; Sagaing ramṭhen, Kawlin peng ah SAC ralkap nih Mipi vengtu(pah kah phah) ralkap pakhat telh in pa panga cu May 23 ah an thah hna, tiah theih a si.
Thah a tongmi hna cu mipi vengtu ralkap Nay San Aung(kum 22), Kyaukkar khuami sii saya Thein Aye(kum 44), Min Hlaing, Kyaw Min Thein le Phu Wa hna an si, tiah Kawlin PDF in ralkap pakhat nih a chim.
Mipi vengtu ralkap pa hi Loimauk khua pawng kahdohnak ah SAC ralkap nih an tlaih i an thah. Sii sayapa hi Loimauk khua pawng ah an thah i, ek khor ah an thlak. Pa 2 hi an khua ah an thah hna i pakhat hi Caw a cawnghnak ah an thah, tiah PDF pa nih cun a chim.
SAC ralkap pawl cu May 21 in rallam an sial i, May 23 ah Loimauk khua ah an lut. Khuami inn an hrawhpiak hna hnu ah PDF he kahdohnak a chuak. Loimauk khua ah zan khat an riak i, PDF hna cycle 10 zong an khanghpiak hna, tiah theih a si. Cu pinah Kutaungbu, caan karlak SAC ralkap sakhan in a chuakmi ralkap 70 leng zong May 22 in rallam an sial i, Yartaung le Maungkaw khuami inn zong an hrawhpiak hna, tiah theih a si. Credite; The Chin Post