An thil tuahmi nak in a letza an intuar te lai. Pathian nih a theih dih ko.

An thil tuahmi nak in a letza an intuar te lai. Pathian nih a theih dih ko.
=========
Nihin Thantlang khua ah Kawl ralkap nih AG Biakinn tel in Inn 55 hrawng an khangh țhan. Thinlung a faak tuk, Mitthli a luang. Kan Biaknak zei a rel lomi Kawl ralkap tlaih i luatter kha cu um ti bak hlah sehlaw a țha. Thantlang khuapi a ciamh dih te ding ka ruah ah ka celh lo e. Inn a um ti lo hnu te zong ahkhin Khuapi pakhat kan sinak sungh ding cu ka ruat kho hrimhrim lo.

Lungthin nih celh kho hrimhrim lo ee. Sertu Pathian hi ralhrang hna hi Nangmah Thiangthlarau riantuannak in kan tei piak hram law Kan khua chung ThlanTlang in tlauter dih ko cang hna. Zeizong Sertu Pathian ral rak kan tei piak hram ko cang.

Thantlang inn khangh kong theih ah hin cun lung hi a fak tuk i rel ngam zong a si lo. Nihin cu Hakha bak in meikhu nganpi kan hmuh khawh. Pathian nih teirul kan champiak te ko seh. Thla cam ko hna usih. A poi tuk ti lawngte a si kho cang, kan mino a nih nih ram caah a nunnak a pek ti lengmang zong hi asi kho lomi asi, cucaah Laimi upa lungfim nih tha deuh in khua kan ruah a hau cang.

Teinak Kan hmuh Lo cun kan Lo dih ko lai! A kang lomi zong 2022 fur nih a nenh ahcun khuarop ah ai cang ko lai!
Cucaah teinak hmuh lo le khua tio dih teinak hmuh le kir in sersiam tthan te ding lawng a tang!An thil tuahmi nak in a letza an intuar te lai. Pathian nih a theih dih ko.

Uico hrut Min Aung Hlaing le a fa le hna hi nikhat ni ah Chinmi kut tangah an um ve te ko lai. Lungsau in thlacam rih ko hna usih. Chin Ralkap a tawr a seng kan neih lawng si lo Pathian pei kan lei ah a ttan cu. Vawlei pi nih tha a pek i a dirhpi mi ah Uihrut pakhat hman an i tel ve lo cuh mu, teinak cu Bawipa ta a si ko.

KUM 2022 LE KAWLRAM THLUACHUAH RUAHCHANNAK; Kum 2000, kumthar zanah, BAWIPA nih a rak ka hmuhtermi langhnak; Ka ihnak ah kawlnu hi a rak ra thliahmah i a kut dongin a ka sawh i, “Nan KHAMHTU a țum cang,” tiah a ka ti. Cun, a hun ka sawh țhan i, “Nan KHAMHTU a țum cang” tiah a ka ti țhan. Cun a let i a kir! A liam lai te ahkhin, siaherh ngai khin a hun i mer ta țhan i, a kut dongin a hun ka sawh țhan i, “Nan khamhtu a țum cang,” tiah a voithumnak a ka chimh țhan! Cun, van lei khi a kut dongin a hei sawh pahkhin, “MESSIAH cu,” a ti!

Hi kawlnu nihhin, a lu cungah țalawn pathum a thuatmi a hun i khinh pah! A tangbik le a pahnihnak țalawn cu an lawng i an cungah zeihmanh an um lo, an lawng ko! A pathumnak a cungbik țalawn ahcun facang a țha ngaimi, amu aa tello mi pawngkhat hrawng khi a um!

BAWIPA hmuhter mi hrimhrim a si caah hitihin Ka tuak; Țalawn aa khinh minu kha Kawlnu a si caah, kawlnu nihhin kawlram le mipi a hmuhsak! Țalawn cu facang vamhnak le thleinak a si caah, kawlram minung rai le ralin, hneksak, vamh le thlei kan sinak a hmuhsak!

Țalawn pathum nihhin kumthum a hmuhsak! kum 2020 le kum 2021 le kum 2022 an si. Țalawn pakhatnak le pahnihnak ah zeihmanh a um lo bantukin, kum 2020 le kum 2021 ah, rai le ral ruangah, kawlram mipi caah lunglawmh nak ding zeihmanh a um lo! Sihmanhsew, țalawn pathumnak ahcun, facangțha pawng khat hrawng a um caah a kum thumnak, kum 2022 ahcun, kawlram mipi caah a zatawk lunglawmhnak ding a um cang lai tiah ka tuak!

Kanmah Chin Miphun caah; “Nan KHAMHTU a țum cang, MESSIAH cu,” timi he pehtlaiin THIANG THLARAU nih, a philh bakin ka philh cang hnu, kum 2012 ah a hun nolh țhan i, David le Josep bantukin Thluachuah pek kan si nak ding cu fiang ngaiin a hun ka hngalhter țhan! Amen.

Kum 2020 January thla ah, fiang ngaiin Bible pahnih a ka pek țhan! Jer 29:11 le Hosea 6:3 an si. Jer 29:11 “Nan ca i ka tinhmi cu KEIMAH lawnglawng nih ka hngalh, tiah BAWIPA nih a ti. Cucu vanchiatnak si loin hmailei ruahchan nak le thluachuahnak caah a si lai.” Hosea 6:3 “BAWIPA hngalh cu i zuam u sih. Khua a dei hrimhrim lai bantukin, kan sinah a ra hrimhrim lai; Vawlei a hnawntertu ding țhal ruah a sur hrimhrim lai bantukin kan sinah a ra hrimhrim lai.

“Nan KHAMHTU a țum cang, MESSIAH cu,” ti le Hosea 6:3 i “BAWIPA cu ra hrimhrim lai,” ti hi Exodus 3:8 he hin zohchunh te u. Ni hmanung a rat lai cu a si rih lo. Chin/Lai Miphun hna hi BAWIPA PATHIAN nih a rianțuantu dingah a kan thim hrimhrim ko. Asinain thimmi hna nih BAWIPA PATHIAN Zaangfahnak le a Vel hi lunglawm taktakin kan cohlan thiam ve le a duhnak kan ruah le kan zulh ve a herh.

BAWIPA nih khi bantukin Chin miphun le Kawlram mipi caah, aa tinhmi langhnak a ka hmuhter mi hna an tlin khawhnak hnga, a biakam kengtu a sal pakhat ka si. Langhnak a dang zong an um rih ko hna. BAWIPA nih Vel le Daihnak in pe ko hna seh. KHRIH Lamkaltu, Tluang Lian (Martar). Credit: Even Tluang Lian