America Cu Muihnak Nih A Zelh In A Zelh Ko Cang.

๐€๐ฆ๐ž๐ซ๐ข๐œ๐š ๐‚๐ฎ ๐Œ๐ฎ๐ข๐ก๐ง๐š๐ค ๐๐ข๐ก ๐€ ๐™e๐ฅ๐ก ๐ˆ๐ง ๐€ ๐™๐ž๐ฅ๐ก ๐Š๐จ
==============
Covid in a zawmi kum 30 minung a dirhmun a zualhma hringhran ko. Kansas, Lakin khuate i Kearny County Hospital hi Covid thlopnak dingah timhlamhmi sizung a si lo. ICU ihkhun pakhat tal a lawngkangmi a um hnga maw, tiin kiangkap sizung ngandeuh ah cun Kearnyโ€™s chief medical officer Miller cu heh tiah ai dapphiak len. Kansas pumpi cuul in covid a karhtuk cang tikah, ICU ihkhun a lawngmi pakhat te hmanh kan hmu kho ti lo, tiah a chim.
A thazing i ihkhun pakhatte a lawngmi an hmuh tikah khin cun mizaw pa cu thihbawh in a um cang. A nunnak khamh duh ah a Miller le a riantuanhawi nih mizawpa a tang cu heh tiah an nam cang.
A netnak ah khin mizapa a thintur kan vun tongh khawh than i, meng 25 hlatnak ah a ummi a ngandeuhmi sizung lei ah embulance in a rannak in kan hei kuat colh, tiah Miller nih a chim. Mizawpa a chungkhar le Miller cu thlacamnak an ngeiti colh hna. Mizawpa chungkhar hi minung thong tlawmpal te lawng an ummi Lakin khuate ah a ummi an si, Miller he ai thelngal ngai mi zong an si.
โ€œA tu bantuk i ai hrim than khawhmi hi khuaruahhar thil a si,โ€ tiin Miller nih a chim. Spring chung vialte US khuapi pawl Covid nih a vun den hna hnu ah, America i khuate vantlang lei panh in a vun rat hnawh cang hna i, America a kil le a ne tiang ngaan lo in cil dih ai tim cang. Mizaw thloptu le publica health officials tamial te cu Reuters nih interviews a tuah hna i, sizung tampi ah cun ihkhun siseh, thlopnak thilri siseh, a bikin, specialists le nurses pawl telhchih in mizaw thloptu kan i za hrimhrim ti hna lo e, tiin an chim.
US rampumpi cuul in Covid case a karh i, sizung chiahmi miluzat zong an karhtuk cang. Ohio le Dakotas karlak hrawngah a ummi Midwest hmunhma hrawng le bangah hin cun a zualhma khun. US i khuazeika hmunhma vialte nak hmanh in Midwest ah hin a let in zawtnak a karh, tiah COVID Tracking Project nih an chim. June laifang in November laifang tiang i Midwest i Covid cases a karhmi hi a let 20 hrawng a si, tiah an chim.
North Dakota ah hin minung million 1 lakah nifatin mizaw thar hi 1,769 an um, tiah Nov. 19 ah khan thawng an thanh. South Dakota ah hin cun million 1 lakah 1,500 an um, ti a si. Wisconsin le Nebraska ah hin million 1 ah 1,200 an um, Kansas ah million 1 ah 1,000 an um. April lio i New York i business tiangin khar a rak si lio hmanh ah khan minung million 1 ah cases 500 lawng an rak si. California ah cun million 1 lakah 253 hmanh an lonh theng lo.
Mizaw kan tawlrel khawh cang hna, asiloah kan tawlrel khawh dengmang cang hna, tiin Midwest i sizung officials pawl nih Reuters ah an chim. Room pakhat chungah mizaw tamdeuh in an chiah hna, cun riantuantu pawl hi suimilaam tamdeuh na tuanter hna, tu le lek an chawnter fawn hna.
Kearny ah a ummi sizung hi umkal a harnak hmun a si bangin, covid thlopnak ah relhmi a si lo. Sizung ca i bomhnak zong hi tlawmte lawng a phan tawn i, sizung ngan he ai hlatnak ah khua a sami hna ca i lutaksat tuktak le emergency thlopnak ca lawngah an hmanmi sizung a si. A tu ah cun covid ruang i a rami paoh cohlan khawh dingin timhlamhnak kan ngei ve cang, tiah Miller nih a chim. Anih hi family medicine ai hmaithlakmi sibawi a si. Conservative states le counties ah zawtnak a karh tuk cang caah, โ€œhi zawtnak hi biataktein kan thlop a hau, Democrat nih an tawn chommi capobia a si lo hih,โ€ tiin mizaw pawl le khuabawi pawl biataktein chimhfian kan hau, tiah an chim.
Cu bantuk in khurkhua ruahnak cu a sangbikmi nawlngeitu sinin a hung luangmi a si. Midwest ah le ka dangdang zongah cun Trump nih khat le khat liang i tawngin mipitonnak a tuah i, mask hruk zong cu mah duhthimnak a si ko, tiin a ti piak hna. Trump hi thimthan cu a si lem lo nain, a president tuan hi thla 2 a taang rih ko nain, cun virus zong a karh chinchin ko nain, nihin tiang zongah virus kong i a hmanmi phung (strategy) a thleng hlei lo. Hi kongah comment tuah dingin White House press office an chonh hna nain leh an tong lo. The White House press office did not respond to a request for comment. A cheukhat medical officials le sizung riantuantu pawl nih hin midang hnahnawh a petu policies le zawtnak, nganfahnak karlak i fianternak tuah hi an i harh ngaingai.
โ€œCommunity ah khat le khat i pehtlaihlo nak a um. Mipi hna cu bars ah a um na, rawldawr ah a um na, asiloah Thanksgiving zanriah a timlaam na, tiin an um lolh. Ngandamnak tuanvo a latu dirhmun in chim ahcun, kan thin a nuam lo ngai ko,โ€ tiin University of Nebraska Medical Center i pulrai a thloptu doctor Kelly Cawcutt nih a chim.
Theih cang bangin, US ah Covid nih a thahmi hna hi 256,000 lenglo an si cang. A zawmi cu an karh nain, mithi belte an zawr deuh. A ruang cu, doctors te nih virus kong a fiandeuh cang caah, cun kum vui thokka hrawng i market tiang i zawr khawh dingin Noderna Inc, Pfizer Inc le a dangdang company nih an ser cuahmah lio mi vaccine zong cu a um caah a si. A tu lio ko rih ah cun, remdesiver le dexamethasone, he ti bantuk sizung nganngan nih an hmanmi siai pawl cu sizung hmetete zongah kan hman ko hna. Asinain, a hleice in sermi thilri asiloah ICU thilri belte cu sizungpi tlukin cun kan tingco kho ruam lo, tiah an chim. โ€œKhuati a kih lei a panh in cun mipi inntang lawngah an i erh ngawt. Asinain, holiday khuatlawn an thok pah cio chom lai. Cucaah a tu ah hin cun a chiakhaabik dirhmun kan phan rih lo, ti a lang,โ€ tiin Miller nih a chim.
๐—›๐—ฎ๐˜„๐—ถ๐—ธ๐—ฎ๐˜„๐—บ ๐—น๐—ฒ ๐—œ๐—ป๐—ป๐—ฝ๐—ฎ; Sizung riantuantu pawl rian kan hneektuk hna caah le ngaihchiatnak le thihnak an tontuk cang caah, an lungthin a zaw ngaingai hna, tiin sizung hruaitu pawl nih an chim. Ihkhun i daih lo nak hmanh in, sizung riantuantu i daih lo hi sizung tampi caah cun a zualhmabikmi harsatnak pakhat a si. Ihkhun pakhat i cawi i innkhan i va chiah top khi mizaw zohkhentu nurse pakhat sikhawhnak dingah ai za hrimhrim lo, tiah South Dakota, Sioux Falls ah a ummi Avera Health ah director a si mi Dr. Anthony Hericks nih a chim.
โ€œMidangnak in Covid in a zawmi hi nurse pawl nih thadeuh in an thlopbul hna a hau, zeicahtiah, covid zawtnak hi a sining khulrangtuk in i thlen a hmangmi a si. Keimah zong naite ceu in covid in a dammi ka si ve i, midang chonh kho ka si ti lo, ti ka fian le cangka rian ah a lut thanmi ka si,โ€ tiah Kansas, Hutchinson ah a ummi Hutchinson Regional Medical Center ah nurse a si mi Melisa Hazell nih a chim. โ€œKa zawt ruangah ni 12 ka off. Lungthin in siseh, taksak in siseh, rian i ot than dingah ka si cang maw? Ka si rih lo. Asinain, ka riantuanhawi nih an ka herh fam cu teh,โ€ tiin a chim.
Caantha bik an ngeih lio caan ah khuate sizung pawl hi riantuantu tlingtein an i damhkhaan hna lo. Mizaw an karh le cangka khua a tlawngmi nurse pawl an hlan hna. A lawngkangmi nurse kawl zong cu a tu ah cun a fawi ti lo.
โ€œNurse minung 14,000 kan herh hna e,โ€ tiin California-based nurse staffing agency, San Diego ah a ummi Aya Health nih theihternak (cawngia) an tuah. A tu le bangah cun nurse an herhmi milu a lethnih in a karh than cang i, an lahkhah zong vantawng in an kaiter hna, tiah executive vice president April Hansen nih a chim. โ€œDakota le Minnesota i mizual zohkhenhnak sizung 11 ka hruai hna i, khual tlawngmi nurse pawl kan herhnak ka langhter. Asinain, nurse vialte cu sizung ngan deuh pawl nih an i haikonh dih cang hna,โ€ tiin North Dakota ah a ummi CommonSpirit Health ah chief nursing officer a si mi Mary Helland nih a chim.
Hutchinson Regional ah hin ihkhun 190 a um i, Chief Nursing Office Amanda Hullet zong mizaw a zohkhenh lo nak hi a sau ngai cang nain amah pumpaak bak in mizaw zohkhenh ai ot ve cang. Taksa le thinlung a ba hringhran. A bikin mizawt lakah kan hawi le hna an si, kan riantuanhawi hna an si ko ah hin a har khun. โ€œNaite ah khan Bill le Judy Mason te nupa hi zarhkart lawng dan in Covid in an thi. Judy hi laam a chimtu a si i, kan sizung riantuantu hna lak zongah a sianghngakchia an tel. Laam a chimh hi kum 10 a leng ti lo,โ€ tiin Hullet nih a chim.
Holly Thomas, 37, hi tarnu le tarpa hna an tupa he an um i, cu nuvatuah a kawptertu hna hi Judy a si, tiah theih a si.
โ€œMidwest kongah hin cun, March in August tiangah khan tuah awk ngaingai ngei lo in kan um. Asinain, a tu ah cun ni khat chungah mithi 2 an um cang. High school lio i ka PE teacher le a nupi hi suimilam 12 dan in an thi,โ€ tiah Hullet nih a chim.
โ€œKei zong ka khualtlawnpi hawi pakhat a zaw ve i kan i tong. Hipa hi miropui, mi thinlung tha, thut i tuanbia ruah a thiam ngaimi a si. A tu ah cun ventilator in ai chang cang. A sining a tha ruam lo. Hi ti ning a si ah cun, hi hnu zarh khat asiloah zarh 2 chungah khin biachahnak harsa ngaiin tuahpiak kan hau te ko rua lai,โ€ tiin Hutchinson Regional nurse Hazell nih a chim.
โ€˜๐˜ผ ๐™ ๐™–๐™ฃ ๐™จ๐™ž๐™ข๐™๐™ฉ๐™ช๐™  ๐™ ๐™ค ๐™˜๐™–๐™ฃ๐™œ ๐™šโ€™; Covid kong zeirellonak hmual hi public officials, community members le mizaw sin tiang zongah a zualhma ngaingai, tiah medical riantuantu pawl nih Reuters ah an chim. Wisconsin, Janesville ah a ummi SSM Health i mizaw pakhat le bang cu Covid nih a tlunh cuahmah ko bu zongah cun โ€œCovid hi cu ti ngaingai cu a serious tal lo cuโ€ tiin a ti tur ko rih. A taktak ah amah cu thi beh i, a thihnak a ruang hi Covid a si lo, zeicahtiah Covid nih mi a that lo, tiin a chungkhar nih an ti piak diam, tiah pulrai a thloptu Dr. Alison Schwartz nih a chim.
Midwest ah a ummi state le khuabawitlang cheukhat nih cun mask hruk le social distancing tuah an duh lo.
โ€œMask hruk dingin nawl an chuahmi ka onh lai lo,โ€ tiah Nebraska Gov. Pete Ricketts, Republican nih a chim.
โ€œZeitindah mask kan hman lai, tiin mipi pawl cawnpiak phunphai in phung an sermi hi ka cohlang lo,โ€ tiin Nov. 13 i press conference an tuah lio ah governor nih a chim bal. Comment pek dingin a office an hal nain an let hna lo.
โ€œMask hi san a tlai ko, asinain hriamnaam pakhat lawng a si. Mask lawng si lo in, social distance zong tuah chih u, cun mibu hrial zong hrial hna uโ€ tiin a mipi a chimh hna.
South Dakota Gov. Kristi Noem zong nih Mask hruk dingin nawl an chuahmi a cohlang lo. Business asiloah mipi tonnak ah phung renghnak zeihmanh a tuah lo. โ€œHi bantuk thil hi cu mipi an pumpaak kut ah ka ap,โ€ tiin a chim. July i Independence Day ah khan Mt. Rushmore ah Trump he mipi tonnak an tuah i, mipi zong cu naih tete in a um, mask ai hruk lo mi an tam.
โ€œDoctors pawl nih an lung thlen an timh ko hna. Asinain, cu bantuk lungkhohcho vun thlen i timh cu ruahchan awk a umti lo mi rian i hmaithlak bantuk he ai lo. An nunnak kongah mikip hi mah duh paoh in an umkal peng ko rih. Asinain, a ngaingai ti ah cun, tii chungah dawh kan pil cuahmah cang hna hih,โ€ tiin Schwartz nih a chim. Credit: Chelsea Bawi