A Turu Lawlaw; Kan nih Kawlram cu Electric Car bakin khual kan tlawng cang lai!!

SAC Ralhrang Nih Electric Car Pawl Charging Station An Ser Lai, Nichuah Khi A Si!
=============================
Kyin Soe (ကြင်စိုး) hruaimi SAC ralhrang nih kan Kawlram chungah mei hmanh thathi tein an kan peek khawh lo lio ah voivoi khat ah electric car 50 thazaang a pee khomi hmun 5 cu Yangon-Mandalay lamthluan ah kan ser lai tiah Myanmar electric mei zung nih cathanh a chuah nak in theih a si.

Charging Station pakhat nih car (motor) 50 thazaang a peek khawh lai ti zongin an ruahdomh(khanhhman) i, elecric car 250 thzaang peek khawh ding in tuah a si lai tiah kan theih. Charging Station pa 5 cu Yangon-Mandalay lamthluan cungah a um mi, ZiYu mengtung (3) lamton, meng 115 PyoYinYetNa sakhan, mengtung 201/2 NayPyiDawSi lamton, Mengtung 284/4 ThiKungYinYetNa sakhan le megtung 352/3 SaKaIn lamton hna ah ser a si lai tiah theih a si.

A tu ah ser hnga ding Chaging Station hna caah 20 MVA power substation le power line a thar serchap khawhnak hnga dingah electric thazaang a la kho tu, 66/ 33 KV Power substation, power line, Main power substation hna i an min in a hmun ah a va peek khawhnak hnga ding caah Yangon Electricity Supply Corporation(YESC) le Mandalay Electricity Supply Corporation (MESC) hna nih theihternak an tuah ti zongin kan theih.

Relchap, Trump: “Nincanglo in Cozah Capar a Tawlrelmi paoh Saupi Thongthlak ding an si” Arak Timi Cu? Cozah capar ningcang lo in a tawlreltu a ral pawl (opponent) saupi thong thlak dingin Trump nih tu le tu duhnak a rak langhter bal. 2016 thok in Trump biachim vialte, comment le interview an tuahmi vialte hna cu CNN’s KFile nih zohthannak a tuah.

DOJ nih a inn i cozah capar an hmuh hnu le, a sin i ai chiahmi cozah capar pawl zong thuh le nawh, phiat phunphai in ai lai, timi thawngpang a thanh hnu cun Trump hi ai sualsan ngaingai ko cang rua tuhi. “President ka si ah cun, cozah capar kilvennak kongah biatak tein phung ka rengh lai, tiin Hillary Clinton a email kong an hlathlai lio ah khan Trump nih bia a rak i kam bal.

Remkhel chung i eihmuarnak kongah kan cozah ka remh lai. Cozah capar kilvennak kong he ai pehtlaimi phung vialte President ka si in ka thawnter dih hna lai. Ahohmanh hi phung cungah a ummi an um lo, tiin 2016 ah Trump nih a chim. Cozah capar kong i phungphai le cozah capar tawlrelnak kong i phung vialte remhsiam hi a pakhatnak kan tuah dingmi a si.

Clinton nih cozah capar ningcang lo in a tawlrel caah ram hruaitu si singin ai tlak lo, tiin July 2016 ah khan Trump nih a chim bal. Mah bantukin sualpalhnak a ngeimi cozah riantuantu paoh cu cozah capar kennak nawl phihkhar hrimhrim awk a si. Cucaah, mah bantuk i cozah capar ningcanglo in a tawlrel mi hrimhrim nih hin dotla lo ah a chiah, tiin Trump nih a rak chim.

Cliton lawng a chimchiat hi a si lo. Amah bantukin cozah capar ningcanglo in a tawlreltu paoh cu can saupi chung thongthlak ding zong in a chim. 2017 lio i Trump le ramdang cozah he an i chonhnak siseh, National Security Advisor Michale Flynn le ramdang cozah an i chonhnak biathli a thanh zongah khan, biathli a thanhtertu paoh cu thongthlak ding an si, tiin Trump nih a rak ti bal.

Kan i chonhmi hi cozah biathli a si. A biapi ngaimi bia an si. Cu caah, manah bantuk a biapimi ca a thanhtu paoh cu thong nan tlak awk a si, tiin Trump nih a chim. Former FBI director James Comey zong cozah capar a thli in a thanh, tiin sual a phawt caah, thong ah thlak dingin Trump nih a rak ti bal. DOJ nih tehte an hmuh lo caah, taza an rak cuai lo. Cozah biathli leng ah a chuahter caah Comey hi taza cuai i thong ah thlak ding a si, tiin Trump nih 2018 April ah a chim.

‘The Room Where It Happened’ timi a cauk hi cozah capar kong a si caah, National Security Advisor John Bolton zong thazacuai ding a si, tiin Trump nih a aupi. Bolton cauk chungah hin ram himnak a hnuarsuang khomi capar an um taktak ko. Asinain, Trump cozah nih Bolton cauk chuah lo dingin kham an timhmi belte cu ka cohlang lo, tiin federal biaceihbawi pakhat nih a chim.

Mahbantuk cauk lenglang in a thanh caah Bolton hi kum tampi thong a tlak awk a si, tiin 2020 ah khan Fox News ah Trump nih a chim than. Greta Van Susteren he interview an tuah lio zongah Bolton cu thong ah thlak dingin Trump nih a duhnak a langhter than. “A biapi taktakmi cozah capar pawl phun tampi in Bolton nih lenglei ah a chuahter. Mah bantuk hin tuahter ding a si lo.

Tilawng mongtu nih a hmanthlak a nu le midang sinah a kuat hna ruangah can saupi chung thong an tla bal. Mahbantuk cu nan tuah awk a si lo. Mah hmanh cu Bolton tuahsermi sinah cu ai ning ngai rih si kaw,” tiin Trump nih a chim.
Keimah nih rian ka khinh hlan chung kha cu Bolton hi santlailo minung ah ai chuah, tiin 2020 ah khan Trump nih a chim.

Ka auh than, cantha ka pek than. Cozah capar leng ah a chuahter, tor le cheng in. Cuhlan minung bantukin, anih zong a tuar ve a hau. Mah bantuk thil hi a tlun awk a si ti lo, tiin Trump nih a chim. Bolton nih hin ai theihlo in cozah capar a thanh sual a va si ko hmanh ah, thong ah cun a tlak tengteng a hau, tiin Brain Kilmeade he interview an tuahnak ah a chim bal fawn.

DOJ nih Bolton kong an hlatmi cu 2021 in khan an ngol i, Bolton cauk hi cauk in chuah a si hlan tein thatein zohfelnak tuah a si cang, tiin CNN Wolf Blitzer nih thawng a thanh ve. Florida ka inn i an lakmi capar vialte hi cu ka phiat dih cang hna. Cun Oval Office in kai tinpi mi pawl hi cu phiat te dingin kai tinpi mi an si, tiin Trump nih a chim than hawi.

Trump sin an lakmi capar phunthum hi cu cozah biathli an si le si lo hmanh hlat hau lo an si. Cozah capar cheukhat hi Florida a inn i cauk chiahnak khan chung in kadang ah thial hna sehlaw a dawh, tiin DOJ nih an chim.
Florida ka inn i FBI nih an lakmi capar pawl hi cozah capar an si ko. Asinain, mah bantuk taitai in thawngpang nan ngeihter hi cu a tha lo. Ka inn luhhnawh taitai hi cu a hau in ka thei lo, tiin Trump nih a chim than hawi!

Zuuri Pah Nih Minung Pa 3 Namte In A Sawh Thah Hna!!, Shan ramkulh, MoeNay (မိုးနဲ) pengkulh, LoyMay (လွိုင်မြေ) sangkomh (2) ah zuuri pa pakhat nih kum 3 hngakchia pakhat telin minung pa 3 cu namte in a sawhthah hna tiah kan theih. Nizaan zaan lei suimilam 3:00 hrawngah MoeNay (မိုးနဲ) pengkulh, LoyMay (လွိုင်မြေ) sangkomh (2) zuuri pa nih Ma Nan Suam (Nan Huam Ngein) le kum 3 lawng a si rih mi, Mag Simon cu dum chungah nemte in a sawh hna tiah kan theih.

Cu pinah a pawngkam ah a um mi pawl cu namte in a sawh ve hna caah humhimtu pawl nih an va tlaih i, dum chungah a um mi inn ah zohfelnak an tuah i, Mi leng khan chungah Namte in sawh a tong mi Ko Pa Su cu a rilh kha an va hmuh than tiah kan theih.

Cu a nunnak a liam mi minung pa 2 hna i an ruak cu mizaw phor motor in MoeNay (မိုးနဲ) pengkulh siizung ah an va kal pi hna lio lampi ah Ko Pa Su cu a nunnak a liam ve tiah kan theih. Sual negitu zuuri pa cu zohfelnak an tuah i, a case an ser piakl lio a si tiah kan theih.

Eidin Oil Le Sehrawn Oil Phozartu Caah A Herh Ah Cun Dollar Kan I Chuah Piak Hna Lai-Min Aung Hlaing Kuttang Riantuan Myanmar Central Bank, Kawlram chungah ah a um mi eidin Oil le sehrawn Oil a kuat-zuar-phozartu caah a herh ah cun dollar pahisa pawl cu kan i chuah piak-cawih hna lai tiah Myanmar Central Bank nih cathanh a chuah nak in theih a si. A luan cia mi thla chungah sehrawn oil le eidin oil phozar tu caah U.S Dollar 200 million leng cawih hna ding in timhlamhnak a ngeih hnu ah Myanmar Cenral Bank nih a tubantuk in cathanh a chuah hna hi a si.

September ni 3 ah Myanmar Central Bank nih cathanh a chuah ningah a herh ah cun Trading Financing cu phit-bet chap dingin timhlamhnak a rak ngei cang tiah kan theih. Cu pinah Myanmar Cenral Bank nih ramdang phaisa man (Phaisa thlen) chungah, Phaisa a fawi deuh nak hnga ding caah ,

Timhlamhnak ngeihin tuanvo laak a si caah AD Bank le thil kuat phozartu riantuantu lei nih Myanmar Cenral Bank i, timhlamhnak a ngeih mi phung cu zulh in riantuan ding, ti zongin Myanmar Cenral Bank nih theihternak a tuah. Atu lio thilman cungah, Ramdang phaisa thlennak kong he pehtlai in,

Media ah langhter mi nih mipi thinphang thalo in a chiah hna caah fak taktak in dan peek nan si lai, ti zongin Myanmar Central Bank nih theihternak a tuah. Cun pinah thil kuat phozar riantuan mi company lei nih thil kuatnak lei in an hmuh mi phaisa cu ni (30) chungah, ramdang phaisa man chung lei ah an zuar lai, ti zongin an theihter.

A tubanktuk in Myanmar Central Bank nih timhlamhnak a ngeih mi hi , tu lio ah kan Kawlram chungah thilmam le phaisa thlen aa ning cang lo caah, mipi caah thilman fawi deuh seh, phaisa thlen zong tum deuh seh timi ruahchanhnak he timhtuahnak an ngeih hi a si tiah kan theih.

AD Licensed ngah Bank lei zong nih an cawk mi ramdang phaisa cu Kawlram chung i chawlehnak ah bomnak a peetu si dingah ramdang phaisa man chung lei ah an bet (peek) than a hau, ti zong an langhter.

Relchap, SAC Ralkap Meithal Thlahnak In Kalaymyo Ah Tualchungmi Pakhat Nunnak A Liam! Sagaing ramṭhen, Kalaymyo, Hmunṭha sang ah nihin September 3, zanlei suimilam 4:00 luan ah SAC ralkap nih kah thlorh in meithal an thlah caah tualchung mi pa pakhat cu hliam a pu i, nunnak a liam. Cu pin ah midang pa pakhat zong fak ngai in hliamhma a tuar, tiah theih a si.

SAC ralkap hna nih Myohla, Indaikune sang in Latpankhone(လက်ပံခုံ) khua kalnak lam lei ah check hlatnak an tuah i, an kir lei ah cu ralkap hna cu bomb puahhnawh in kahdoh an tong. Bomb puahhnawh a tongmi SAC ralkap lei cu a thimi le hliamtuarmi an um lo, lampi thluan ah tinh mi ngei loin kah thlorh in meithal an thlah, tiah theih a si.

SAC ralkap kuan aa tonsual mi, Hmunṭha sang no.3 lamkam ah ummi mitlamtlinglo kum 40 luan tluk pa pakhat cu a hngawng ah kuan nih a hliamh caah a hma a fak ngai, tiah theih a si. Cun, Hmunṭha sang no.3 lam ah a ummi kum 40 luan hrawng pa pakhat cu inn chung a um lio ah kuan nih a hnakpang ah a khen i a nunnak a liam, tiah theih a si.

Chaung-U le Monywa Lam Ah SAC Ralkap Motor Bomb Puahhnawh An Tong I, Ralkap 3 An Thi, Sagaing ramṭhen, Chaung-U le Monywa lam ah SAC ralkap motor 3 cu bomb kan puahhnawh caah ralkap 3 an thi, tiah Special Forces 11 PDF nih an thanh. Nizan September 2 zanlei sml 6:00 hrawng ah Myinmu in Monwya lei ah a kalmi SAC ralkap motor 3 cu, lamhruang in kan bawh i, ralkap 9 aa citmi a pahnihnak motor cu bomb in kan puahhnawh, tiah an langhter.

“Motor 3 cu Myinmu lei in an ra, tiah thawng kan theih. A pakhatnak motor cu bomb puahhnawh ding in a rem lo caah a pahnihnak motor tu kan puahhnawh” tiah Special Forces 11 PDF in ralkap pakhat nih a chim. SAC ralkap motor cu Chaung U le Monywa lam ah atu le atu bomb puahhnawh le kah an ton caah mizaw phorhnak motor le phungki motor ti bantuk in an umkal tawn, tiah theih a si.

Matupi Khuachung Ah SAC Vanlawng A Ṭum, Nihin September 3 zinglei suimilam 10 hrawng ah SAC vanlawng pakhat a ṭum, Matupi hrambunh SAC ralkap hna nih emergency gate an chiah i, security an lakpiak hna tiah theih a si. A hlan i rank ai thlengmi le thongtla cheukhat ṭhialkamnak le sianginn herhhai pawl ca ah an ra, tiah theih a si. Vanlawng cu Matupi-Hakha lam, battalion 104 SAC sakhan ah aa din, tiah khuami hna sinin theih a si.

September 1, 2022 zaanlei ahkhan Matupi khuachung ah SAC nih hriamngan an thlak. Cu hriamngan an thlak hnu cun, SAC ralkap hna cu an sakhan ah um loin hmunkip ah an i chawk. Matupi Siangsangrun number 2 sianginn thlang zong ah gate an chiah i khuate lei kir aa timmi cheukhat hna zong lam a phih hna, tiah khuami hna nih an chim.

Falam Pengchung Leikuang Facang Lakah Rungrul An Tlak Caah Facang Kung Tam Ngai An Thi, Chin ramkulh, Falam pengchung Leikuang lak ah cinthlakmi hna cu rungrul nih a tlak hna caah cinthlak kung an bon lo, tiah leirian ṭuantu hna nih an chim. Facang kung hna cu rungrul nih a ei hna caah, an rau i an thi, tiah theih a si.

Cheukhat Lei ah cun facang kung rungrul nih a tlakmi an tam caah pung 500 chuak ding Lei kuang ah pung 100 hrawnglawng an chuak lai, tiah zumh a si. Rungrul thattu sii an vorh ko nain a kham hlei lo tiah an chim. Rungrul nih an tlaknak hmun tam deuh cu India-Myanmar ramri Ṭio tiva kam lei facang kung an si hna, tiah theih a si.

Ramdang Ah Zammi Sri Lanka President Gotabaya Rajapaksa Cu Sri Lanka ah a Kir Ṭhan Cang! Rampi chawlehnak a tlak tuk ruang ah ram mipi nih a umnak inn tiang an rak luhhnawh hnu in ramleng ah a zammi Sri Lanka President hlun Gotabaya Rajapaksa cu zarh 7 chung ramdang ah a zam hnu in a rak kir ṭhan, tiah theih a si. Gotabaya Rajapaksa cu vanlawng tual ah Minister hna le Ramkhel lei hruaitu hna nih an rak don, cu ruang ah a dohkalhtu Party hna nih cun hi tluk ram chia a kan sertu cu an upat ṭhiam ko, tiah an mawh chiat hna.

Gotabaya Rajapaksa cu a zamnak in Sri Lanka a rak tlun hnu in cozah nih amah vengtu ding ah Special Police a chiahpiak caah dohkalhtu party nih PM cu ram a chiattertu chungkhar cu humhimnak nan lakpiak hna, tiah an mawhchiat. Sinain Sri Lanka Phunghrampi ah President hlun pawl cu um kalnak mawṭaw le anmah vengtu ding ah cozah nih palik chiahpiak ding in aa tial.

Gotabaya Rajapaksa cu President sinak in a chuah caah a President nih a hmuh ding mi covo pawl cu a hmu kho ti lo, Cun, 2009 lio ah Media Editor minthang Lasanthawik Kramatonga thahnak kong le sualnak a tuahmi vialte ruang ah tlaih ding in Cozah kan nawr lai, tiah Nuhrin covo a tawlreltu hna nih cun an chim. Sri Lanka Journalist Association in chimnak nawlngeitu pakhat zong nih a rak kirmi cu ka lungtling tuk a rak tuahmi sualnak a in ve caan a phan cang, tiah a chim ve.

Kawlin Ah SAC Ralkap Nih Vanlawng Kahnak In Naupawi Lio Pakhat Le Tualchung Mi Pathum An Nunnak A Liam! Sagaing ramṭhen, Kawlin peng thlanglei khuate ah SAC ralkap nih vawlei le van lei he ni 10 chung kahdohnak an tuah caah naupawi lio nu pakhat le tualchung mi 3 an nunnak a liam. Tualchung mi a thong leng harnak an tong, tiah Kawlin- Pah Kah Pha nih an thanh.

SAC ralkap nih a luancia August 23 zing sml 11:35 in Kawlin ramri Aungchanthar khua cu, vanlawng in an kah hnu ah a pawngkam khua hna zong nizan September 2 ah voi 5 vanlawng in an kah, SAC ralkap nih ke in rallam an sial i, inn le lo an khangh, tiah theih a si.

“Aungchanthar khua cu inn 87 a um i, inn tlawmpal le phungki umnak inn lawng a taang. A dang cu SAC ralkap nih an khangh caah a ciam dih. Thitseihkone(သစ်ဆိမ့်ကုန်း) khua sianginn ah PDF an riak ṭheo lai ti an ruah caah SAC ralkap nih an kah i, a pawng inn a khen caah khuami 4 an nunnak a liam. Naupawi lio nu pakhat le kum 6 le cheu ngakchia pakhat zong an i tel,” tiah Kawlin-Pah Kah Pha ṭuanvo ngeitu nih a chim.

Aungchanthar khua pawng khuate 4 cu SAC ralkap nih vanlawng in an kah hnu ah cuka khua pawngkam ah ralkap 120 hrawng nih rallam an sial i, Aikyi(အိုင်ကြီး) khua ah umhmun an khuar, tiah theih a si. Aikyi khua pawngkam hrawng ummi khuami a thong leng cu a himnak hmun ah an zaam i, PDF nih chanhchuah ding in an i zuam.

Cu pinah Kyunhla(ကျွန်းလှ) peng, Teypinseih(တည်ပင်ဆိပ်) khua zong SAC ralkap nih vanlawng in an kah hnu ah an khangh. Mei nih kanghnak ruak 3 le ti ah a vuanmi ruak he a diklak ruak 9 kan hmuh. Mi zeidah an si ti cu kan hngal kho rih lo, tiah Kawlin-Pah Kah Pha in ṭuanvo ngeitu nih a chim.

Kani Peng, Chantharsu Khua Pawng Kahdohnak Ah SAC Ralkap 10 Hrawng an Thi: Sagaing ramthen, Kani peng, Chantharsu(ချမ်းသာစု) khua pawng ah rallam a sialmi SAC ralkap hna cu Monywa People Defense Force(MPDF) Bataillon 1 Tat-Khuai 3 le tualchung hriamtlai phufonh hna nih August 23, zinglei sml 8 hrawng ah hmaitonh in an kah hna i, SAC ralkap 10 hrawng an thi, tiah MPDF nih an thanh.

“Rallam a sialmi SAC ralkap hna cu 60 hrawng an si i hriamhme lawng in kan kah hna. Kahdohnak hi minutes 40 hrawng a rau, SAC ralkap a thi mi hna ruak cu, Chantharsu khua pawng tiva ah an hlonh hna i, a taangmi SAC ralkap dang hna cu Kani lei ah an kal ṭhan” tiah MPDF Bataillon 1 Tat-Khuai 3 in Demo nih a chim. A luancia August 19 lio ahkhan, Kani peng, Kinsan le Aohsuh(အုပ်စု) khua ah vanlawng in ralkap a chiah hna hnu in Chantharsu lei ah rallam an sial, tiah theih a si.

Sagaing Ramṭhen, Mawleik Le Myaung Peng Ah Kahdohnak Ah SAC Ralkap 45 Hrawng An Thi, Sagaing ramṭhen, Mawleik peng ah SAC ralkap pawl cu bomb puahhnawh an ton caah SAC ralkap le Pyusawhti 35 hrawng an thi lai, tiah Mawleik PDF nih an chim. August 31 zanlei ah Mawleik PDF nih Mawtar(မော် တာ) tiva kam ah SAC ralkap le Pyusawhti cu bomb an puahhnawh hna i, ralkap 35 hrawng an thih lengah 15 hrawng hliamhma faak an pu, tiah theih a si.

“Ralkap le Pyusawhti a thimi zat cu fiang in kan thei lo nain 35 hrawng cu an thi kho. Mawleik peng Hmannuai(မှန်နွဲ) khua ah ralkap le Pyusawhti 70 hrawng nih umhmun an khuar. Htawthar(ထော်သာ) khua lei zong ah 60 hrawng nih umhmun an khuar,” tiah Mawleik PDF chungtel hna nih an chim.

Magway ramṭhen, Myaung peng Kanni khua ah rallam a sialmi SAC ralkap motor 2 cu Myaing Villages Revolution Front – ( MVRF ) le ṭangrual PDF hna i bawm in nizan September 2 ah bomb kan puahhnawh hna, tiah Myaung Villages Revolution Front (MVRF ) nih cathanh an chuah ve.

Cu bantuk in Myaung peng SAC ralkap sakhan le check gate cu August 30 zanlei sml 5:00 hrawng ah PDF nih hriamngan in an kah hna caah SAC ralkap 10 hrawng an thi, tiah theih a si. Cu kahdohnak ah cun Yinmarbin pengkomh Battalion 11, Company 3, Black God Guerrilla le ṭangrual PDF hna i bawm in an doh hna caah SAC ralkap 10 nak tlawm lo an thi, tiah theih a si.

Myaung peng, Kyaukkayit Palik Sakhan Cu PDF nih An Kah I SAC ralkap 3 An Thi: Sagaing ramṭhen, Myaung peng, Kyaukkayit palik sakhan cu, Myaung Revolution Army (MRA) nih August 29 ahkhan drone in bomb an thlakhnawh hna i, SAC ralkap 3 an thi 1 hliam a tuar, tiah MRA nih an thanh.

Bomb puahhnawh an ton hnu in, SAC ralkap lei nih an kan leh ve ko nain kanmah lei a thimi le hliam tuarmi um loin hnu kan tolh kho, tiah MRA in chungtel pakhat nih a chim. Kyaukkayit palik sakhan ahhin a luancia August 27 ahkhan helicopters 2 nih SAC ralkap 40 le hriamnam tampi a chiah hna, tiah theih a si.

Paletwa Peng Ah SAC Ralkap Nih Van Lei Kahdohnak An Tuah Ruangah Tualchungmi 550 Leng Mizoram lei Ah An Zaam!, Chin ramkulh, Paletwa peng Myeik Wa(မိတ်ဝ) khua ah SAC ralkap nih September 1 ah raltuknak vanlawng hmang in bomb an thlak caah tualchung mi 564 cu Mizoram lei ah an zaam hna, tiah theih a si.

Myeik Wa(မိတ်ဝ) khua pawng ah Rakhine ralkap AA le SAC ralkap kar kahdohnak a chuah caah September 2 tiang ah Mizoram ramkulh, Laimi umnak Lawngtlai peng ah Myanmar ralzaam 564 an i chap, tiah theih a si. Ralzaam dirhmun in a phanmi hna cu Young Lai Association(YLA) nih facang bag 55 in an bawmhchanh hna, tiah theih a si.

A luancia thla ah Abaungta khua ah kahdohnak a chuah caah Abaungta khuami 500 renglo cu Paletwa khuachung ah an i dor, tiah theih a si. Mizoram chung ah hin Myanmar ralzaam 30,000 leng an i dor lio, tiah ramkulh cozah nih a luancia thlah ah khan an rak thanh.