A tu Hakha khuachung kahnak cu zual lei a panh cuahmah, tuhi Cerhmunpi pawng naih um palek sakhan kap hna sehlaw a lo tiah mipi lei sin in kan theih.
Bom le hriampi thawng zong a thang pah len tiah kan theih chap. Kahdoh lio si caah a hmunhma kha kan khen khawh lo sual le i ruat thiam cio hna usih.Crd:Salai William HC
Relchap: Chin ramkulh, Mindat khuapi nichuahlei hmun um thlanmual le Baunghte khua karlak ah dum a kalmi tualchung mi pa 1 cu nizan 2024, March 17, zing suimilam 10:00 tluk ah vawlei phummi bomb aa lamhsual i a ke khatlei a bul, tiah theih a si.
“SAC ralhrang nih an hmanh mi bomb lamhsualnak in a ke khatlei a bulmi tualchung mi pa 1 cu thlopbul ding in Mindat khuapi um sii-innpi ah an kalpi kho rih lo” tiah tualchung mi pakhat nih a Social Network ah a taarlangh.
Vawlei phummi bomb lamhsualnak in nunnak liammi le hliamhma tuarmi an tamnak hmun lak ah Mindat khuapi zong aa tel. Aluan ciami March 15 zong ah SAC ralhrang nih Mindat pengchung ah cunglei kahdohnak a tuahmi ruang ah tualchung mi nufa hna nunnak a liam i minung 4 nih hliamhma an tuar, tiah theih a si.