A thei lomi caah share chin te ulaw

7000 Funeral Expenses Reimbursement Program
**************************
A thei ciami nan um ko lai nain a thei lomi caah siaherhnak he kan hrawmh chinmi hna a si. Covid-19 he a pehtlaimi zawtnak ruangah athi mi hna chung nih an dihmi phaisa chung in $7000 ngah khawhnak program a si. Mah program cu Federal Emergency Management Agency [ FIMA ] nih an tlaih chimi program a si.

Mah bawmhnak hi Donald Trump President a si lio caan ah congress nih an pass i, President Trump nih December ah min a thut ciami a si. Asinain mah bawmhnak cu February thla canceo lawng in a nungmi bawmhnak a si. Cucaah 2020 January thla in 2020 December thla tiangah a thimi hna nih mithi death certificate, nan dihmi invoice le receipt in Federal Emergency Management Agency [ FIMA ] website ah sawk in $7000 ngah khawh a si.

Mah bawmhnak a ngah khomi hna cu income a tlawmmi hna low income family pawl nih hngah khawhmi a si. Cucaah nan chungkhat a thimi an um ahcun FIMA website ah information tlamtling deuh in hlathlai hnu ah sawk ding a si lai.
A thei lomi caah share chin te ulaw. Credit: Salai Lairamthang

Relchap; Nihin, Nizan te in kan inn kam Insein lampi an khammi zingtho in faak nawn in an chap. Thinglung lawng si loin, mawtawke le mautlor sau pipi zong in kham chih a si. Zing sml 10 hrawng in palik le ralkap nih cu hauhruang cu an hon fuh. Duhlonak langhtertu mizapi nih hau kam in rak orh an si ve. Hauhruang ortu hmaisuang kan mino (GZ) pawl an cawlcangh le an thil hruk-aih cu lung a hmui hringhran. Tipil thuam bantuk, skate aa cit lai bantuk hna an lo. Cuticun suimilam 1 chung hrawng i nawr hnu ah mizapi hnu ah kir le zaam cio a si. Voidang ahcun hau an boh khawh cun an kaltak tawn nain nihin cu zanlei sml 8 tiang rori ralkap nih an hngah. Cuticun ahohmanh chuak kho lo le chuak ngam lo in chunni kan tla.

Zan sml 8 tlin fatin tum tawnmi durkacheng tum kan hon thok cu, an thin a phawh hna ko rua teh, meithal he aw-bom he an puah, chikkhat kan con, kan tum than, an puah than, serhlaih in kan tum chin ve cuticun minit 15 chung din loin kan tum. Cu chung ah zun 15 hrawng an puahta ve (vachung le varal in aa hauhmi ko khi kan lo). Meithal aw a thei bal lo kan fale cu an lau hringhran, ttuang ah an bok, an ttah aw in thla an cam. An meithal le an bom aw nih le sangveng dihlak nawn a tlirh dih. Vom hliam dawi lio khaan chung meithal aw aa tlaih nawn phun khin i tlai kaw… Maw cu ka thin, vomkhuai le ngalhriiang kap an si ri lo…

An meithal puah a dih in an kan ttio tak ve. An ttio le cangka lamchung minung an chuak i nihin i an hrawhmi vialte a rannak in an sak tthan. Ngakchiat lio lentecelh hna ka mitthlam ah a hong cuang. Duhlonak langhternak phun khat cu pei a si fom cu, hrawk len ko hna seh, duhlonak lungthin nih a kham peng ve lai, zeitik tiang dek hrawh le kham rian hi kan i celh khawh te hnga…. dinnak le dinlonak tlikzuamnak ah hodah bual a co te lai? Kanan lei kan khuallam mawt lei a panh cuahmah. Khuamawt teitu ceunak lei ah ruahchannak he. Credit: Joel Ling