A poituk e:Thihnak hi cu hohman nih hrial khaw asi hrim lo mu

A poituk e:Thihnak hi cu hohman nih hrial khaw  asi hrim lo mu
Kalay University ih Botany Major in kumkhatnak a kai rerotu fala pakhat cu mi sualral kut ihsin thah a tong tiah theih a si.Thuhla um dan cu Kalay university ah Botany Major in kumkhatnak a kai rerotu fala Aye Chan Mon cu camibuai an theh ni September 25 ah a hlo.
Fala Aye Chan Mon cu minun tlaitluang zet, mizia tha ngaingai, rualpi kom thiam zet a si ruangah rualpi komtu, neltu, ngainatu tam zet a nei. Fala Aye Chan Mon cu inn lam a tlun nawnlo ruangah a rualpi pawl cun inn ra tlung thlang aw, kan lo ngai zet hokhaw, atu hi khuilam ah na um ih caan na hmang tiah a facebook timeline ah ngainak ca an ngan cio.

Fala Aye Chan Mon hlohnak thuhla thawn pehparin Zan Min Thet timipa cu palik pawlin rinhmainak thawn an kai ih thu an sut tikah a thah thu a phuangsuak.Ye Sun Kyun pura thlanglam ih thingkung hnuaiah Zan Min Thet cun Aye Chan Mon cu nam in vei tampi a dawh ih a thih hnuah a ruak cu tiva ah a hlon.

Aye Chan Mon ih motorbike cu Zan Min Thet in a zuar hnuah a ngahmi paisa cun a fala thawn Pagan khawpi ih pura biak dingah cun an feh. Palik pawlin motorbike a zuarnak an zingzoi ih Zan Min Thet cu Pagan khawpi ihsin a ra tlunlam ah Mandalay ahcun an rak kaihngah tiah theih a si.

Zan Min Thet in tiva ih Aye Chan Mon ruak a hlonmi cu mizan ihsin an hawl thok ih tuini tiang an hmu thei hrihlo tiah theih a si.

 

 

 

admin

Leave a Reply

Your email address will not be published. Required fields are marked *

error: Content is protected !!