A Poi Tuk Ee, Ramthlo Inn 100 Leng SAC Ralhrang nih an Bauh, Vok/Ar Tampi an Thah!

Ramthlo Inn 100 Leng SAC Ralhrang nih an Bauh, Vok/Ar Tampi an Thah
———-
Nizaan October 19 ah Ramthlo khua ah SAC ralhrang pawl an phan i zaan khat an caam chung ah Ramthlo khua inn 100 leng an bauh, tiah khua mino hna nih The Chin Journal ah an chim.

Khua mino pakhat nih, “Kan khua hi inn 160 leng kan si. Atu kan zoh tawk ah inn 100 leng cu an bauhmi kan hmuh. Vok le ar tampi zong an thah. Vok an thahmi pakhat cu an kalpi kho ti lo i, buri in an rawn hnu ah cuticun an kaltak. Innchung thilri zei bantuk pawl dah an fir timi belte cu inn ngeitu pawl an rak tlun cio tik ah kan theih te lai,” tiah a chim.

Atu tiang a zaammi Ramthlo khuami pawl an khua ah an kir rih hna lo. Mino cheukhat lawng khua vehvat ah an vung kal ta. “Ni zeimawzat cu inn kan hlam ngam rih hna lai lo. Atu zong hi khua mino 15 hrawng khua vehvat ah kan vung kal ta bia a si,” tiah mino pakhat nih a chim. Zaan an riahnak biakinn tu cu an him ko tiah mino nih an chim.

An thih nak ni le caan a nai cang i khim te khan ei hna seh lw kap baw pwl kha cdf nih pakhat te hmanh luat sual lo ten rak that dih hna seh lw ka va duh dah. An mak khi asi , minung in an chuak rua lo hlah maw ti awk in . Vulei cungah mah nak sual hi aum ti lai loh. Thin hi an hang tuk e in le lo tiang i tem tuar hi a roh hlan ah Bawipa nh kan ram a deih zau la i khoi ka dek an um te la.

Inn thing nih an zei he a sual hna hnga fir duh mi te lak i kal ko awk mi nor an tlai ning hi cuh. A poi tuk ee thah dih zok zok a hau ko tung mi nung lung thin an ngei bak lo ti. A ei bal lo mi Kan ei manh ti lai lo ti lung put an ngeih ko rua hi ta an chaw duh le an awr khut le an fir khut hi cu seh tan nak hmanh in an zual deuh ti awk in an um.

Maw ka thin lung fak lo mu, an thau luar lai mu hmah hngak lo pawl cu poi eh.Kan U le Nau pawl nih ei awk tha ngei lo in Ramtang ah bia dih. Bawipa tu nih phuba kan lak piak te ko seh mu tuksaphur kawl ralkap cawl cang ning hi cu. Khuachia hrang a tlonnak hmanh mah tluk in thil sual a tuah lai lo. Vok zong Ar zong vaei rih ko hna seh tawmpal ah bawipa nih a khan te ko lai bawipa khuakhan cu kan zoh te hna lai cu.

Ramthlo Baptist Biakinn le AG Biakinn ah SAC Ralhrang pawl Hmunhma an La. Nihin zaanlei sml. 4:00 hrawng ah Tlangzar khua ah a phanmi SAC ralhrang pawl cu Hakha he meng 22 a hlatnak Ramthlo khua ah an phan cang, tiah thawngpang kan theih.

“Tlangzar khualuhnak signboard pawng an phak ah khan Ramthlo lei ah miakpi in voi 3 hrawng an rak kah. Ramthlo ah an rak lut i atu hi Baptist biakinn le AG biakinn ah hmunhma an la hna. Zaan riah dawh an si,” tiah khuami pakhat nih a chim. Ramthlo cu khuami nih an chuahtak dih cang caah SAC ralhrang an rak phak lio ah hin khuachung ah ahohmanh an um ti lo.