A Poi Tuk Ee; An ruak cu an kahnak hna hmun teah Motor cungah kan va hlawm hna!

Kan Pa Pu Ral Tu (Bawi Bik Thawng pa) le Pu Hram Cung cu ralkap kut in 29/9/2021 6:30pm ah Thantlang ah an thisen a luang i nunnak an pek. Tuchun 30/9/2021 ah Hakha lei in Hakha Pastors hna le HBA kan pale hruainak in kan va fuh hna.

An ruak cu an kahnak hna hmun teah Motor cungah kan va hlawm hna i TABC tualhmai ah kan fimhhlawm hna hnu ah caan tawi service kan ngei khawh hnu ah thlanhmun leiah ruak vuinak zong tlamtling tein kan ngei kho. Tutan Thantlang kan ning ttih le harsat lio ah ruak a kan fimhlawmtu HBA hruaitu hna le Hakha Khrihfabu kip hna cungah kan ilawm.

Hakha in Volunteers Group (HTPHC) hna cung hrimhrim ah kan lunglawmhnak a ngan hringhren ko. Thantlang na kan zuan hnawhnak le ruak na kan fimtawlnak tuanbia hi techin fapar tiang in philh khawh a si lai lo.Hakha kan ilawm tuk.

Ka pa Pu Ral Tu (Bawi Bik Thawng pa) nizan ah meeting kan tuah tti. Tuchun cu na ruak vui ah kai thawh tthan hoi mu. Khua siaherhnak le zawnruahnak na bia vialte cu kan philh kho lai lo ee. Na mipum cu kan in sung, na kan kaltak, thah na si nain na zumhnak lungput le miphun na dawtnak hna cu an that kho lo. A nung peng ko lai ee.

Mah hihi pei na tlun hnawh ko rua hi mu. Harnak lak bawmchantu le fimtawltu ah an va cang. Na cungah kan i lawm tuk. Bawipa nih Daihnak he Lam in hruai camcin ko seh. Thla kan in cam piak peng ve hna. Na kong theih nih thin a linhter maw a faak deuh hmulthi lin hi hme. Bawipa nih tuar khawhnak thawnnak in pe cio hraam hna seh.

Ram caah nun a pemi kan pa le hna upat nak sangbik kan in pek hna. Nan tharau tal in hi dohthlen nak Kan tei hlan tiang kan doh pi hram rih u law. Lung a fak tuk e. Maw kan Pathian Thantlang khuapi kan ngaihchiatnak le kan mitthli tlaknak hi kan theihpiak law arauhhlan ah khua kan hlumhter than ko. Ngaihchia tnak kan ton mi nak in alet tampi in lunglomhnak kan pe than ko.

Pu Ral Tu le Pu Hram Cung Ruak Tlamtling tein Fim an si Cang. Nizaan Thantlang ah SAC ralhrang nih an kahmi hna Pu Ral Tu (kum 77) le Pu Hram Cung (kum 59) ruak cu tlamtling tein an fim khawh cang hna, tiah thawng kan theih. Hakha in minung 40 fai motor 14 in nihin ah an vung kal i ruak fimnak an vung tuah.

“Thantlang kan phak tiang an motor cung ah fimhlawm lo tein an ruak a rak um. Thinlung a fak tuk ko nain upatnak sang bik pek buin an ruak kan fim khawh hna caah kan lung a tling,” tiah HTPH nih an langhter.

HBA President Rev. Dr. Za Khar (HBA President) nih Pathian bia in hnemhnak le thazaang peknak a ngeih i, HBA GS Rev. Chan Peng Hmung nih a kan pale upat peknak he ruakvuinak caan a hman.

Nizaan Thantlang SAC Ralhrang Kah Ruang ah Minung 2 an Nunnak a Liam. Nizaan (Sep. 29) zaanlei sml. 6:30 hrawng ah Hakha in Thantlang ah a kirmi motor SAC ralhrang nih Thantlang khualuh ka ah an kah ruang ah Pu Ral Tu le Pu Hram Cung an nunnak a liam.

Pu Hram Cung hi Thantlang khua, Seihpyozi sang ah a ummi innsak (လက်သမား) rian a ttuanmi a si. “A thimi minung pahnih an si. Thantlang, Seihpyozi sang ah a ummi Pu Hram Cung zong motor chung ah meithal kuan nih a khen caah a nunnak a liam ve,” tiah Thantlang pastor pakhat nih The Chin Journal ah a chim.

Meithal kah ruang ah a nunnak a liammi kan pale an ruak fim ding in nihin zinglei ah Hakha in pastorte Thantlang ah an kal.

Nizaan Thantlang SAC Ralhrang Kah Ruang ah Minung 2 an Nunnak a Liam. Nizaan (Sep. 29) zaanlei sml. 6:30 hrawng ah Hakha in Thantlang ah a kirmi motor SAC ralhrang nih Thantlang khualuh ka ah an kah ruang ah Pu Ral Tu le Pu Hram Cung an nunnak a liam.

Pu Hram Cung hi Thantlang khua, Seihpyozi sang ah a ummi innsak (လက်သမား) rian a ttuanmi a si. “A thimi minung pahnih an si. Thantlang, Seihpyozi sang ah a ummi Pu Hram Cung zong motor chung ah meithal kuan nih a khen caah a nunnak a liam ve,” tiah Thantlang pastor pakhat nih The Chin Journal ah a chim. Meithal kah ruang ah a nunnak a liammi kan pale an ruak fim ding in nihin zinglei ah Hakha in pastorte Thantlang ah an kal.

Hakha SAC Tender a Latu pawl October 1 Thawk in CDF-Hakha nih Dantat Timh. Hakha SAC nih a auhmi Tender le a dangdang rian pawl a latu/aa tlaihtu pawl fu October 1 thawk in fak fak piin dantatnak pek an si lai, tiah CDF-Hakha nih ca an chuah.

September 5 ah khan CDF-Hakha nih cathanh an rak chuah cang i, September thlathih tiang lawng SAC Tender rian ttuannak nawl pek nan si lai, tiah thawngthanhnak an rak tuah.

Hakha ah Datsi Thawl Khat 2,500MMK a Phan. September 30 tiang ah Hakha khuachung datsi man thawl khat ah 2,500MMK tiang a phan. Ahlan ah 1,000MMK hrawng in rak cawk tawnmi a si.

Dawr ngan deuh ah cun 2,300MMK zong in a zuartu an um ve nain dawr fa deuh pawl ah cun 2,500MMK in an zuar hna.
”Hakha ah Datsi phortu motor pawl ahlan bantuk in an tlunkal khawh ti lo caah a man a kai hi a si,” tiah datsi dawrngei pawl nih an chim. “AUNG AUNG” datsi dawr belte ah cun thawl khat ah 1,600MMK hrawng in zuar a si rih. Credit: The Chin Journal