Nicaan Saupi Moebye Kahdohnak Ah Sualnak Ngei Lo Mipi 35 Nak Tlawm Lo An Thi
=============
Shan ram thlanglei, Moebye hmunhma ah a luancia May 25 thawk in SAC ralkap le KNDF phufonh hna karlak ah kahdohnak a fak peng. June 12 tiang ah hngakchia 3 telh in sualnak ngei lo mipi 35 nak tlawm lo an thi cang Karen Nuhrin Covo phu KnHRG nih a langhter. A thi mi chung ah pa 20 leng le nu 10 leng, nu 10 leng, kum 8, kum 13, kum 18 hngakchia 3 zong an i tel tiah theih a si.
https://fb.watch/l6LzFVx5Dk/
Mingyan Ah Mi Ngiat In Aa Chawk Mi SAC Ralkap 2 An Kah Hna I An Thi; The Chinland Post | 2023 June 12 — Mandalay ramṭhen, Myingyan peng, Kyi khua in a rak chuak mi SAC ralkap 2 cu a thli tein an kah hna i an pahnih ning te’n an thi tiah NYSGF nih a thanh.
June 10 zinglei sml 11:30am ah Mingyan peng, Kyi khua in Semikone lei ah cycle in aa chawk mi SAC ralkap 2 an kah hna hi a si. Cu kahdohnak chung ah SAC ralkap pawl sin in MA1 zuun 1, 5.56 kuan 16 le phone pakhat an lak khawh tiah theih a si.
Nattalin Ah PDF Sakhaan 1 Kah An Tong I PDF 3 An Nunnak A Liam; Bago ramṭhen, Thayarwaddy pengkomh, Nattalin peng ah Nattalin PDF sakhaan 1 kah an tong i PDF 3 an nunnak a liam tiah theih a si. June 8 zinglei sml 6:00am hrawng ah Nattalin khua ni chuahlei, Bago Yoma tlang pawng ah a um mi Nattalin PDF sakhaan 1 cu SAC ralkap nih hriamngan in an kah hna tiah theih a si.
“Kan hawile 3 an nunak a liam. Hriam cheukhat zong kan sung. June 9 tiang hriamngan in an kan kah lengmang. ” tiah Tharyarwaddy pengkomh PDF rianngeitu nih Mizzima ah a chim. A nunnak a liam mi hriamtlai hna hi MRF (Nattalin) in Wa Than, Lion le Kin hna an si i an ruak ṭha tein an vui hna tiah a chim. Crd;The Chinland Post