A poi taktak si:Hakha inn an hrawk piak dih hna hnu ah an inn hmun an zuar piak ri hna

A poi taktak si:Hakha inn an hrawk piak dih hna hnu ah an inn hmun an zuar piak ri hna

Hakha khuathar kauh nak ding hrang ah Municipal ram Acre 676 chung i inn rak sak cia mi vialte cu ramkulh cozah nih a thehter dih cang hna . hi kong ah hin mi tampi nih NLD cozah riantuan nak cu an soisel ngai ngai . hi ram Acre 600 reng lo hi hmun 717 ah then i state cozah  nih cun a zuar dih than lai tiah kan theih than .

Municipal Chief U Soe Htet nih a chim mi cu ” Mah duh duh in inn a rak sa mi pawl vialte cu nizan ( 20-08-2019) ah kan theh ter dih cang hna i  hi hmun hi 717 ah then khawh a si lai i hi hmun vialte hi tha tein zuar than khawh a si nak hnga caah siauh-hlua a tawl rel tu pawl nih tlamtling tein an buaipi than lai . motor le cycle a kal khawh rih lo nak hmun pawl zong kha cozah nih tha tein um kal khawh nak tha tein concrete a phah dih lai .

cu hnu ah ti le mei tha tein kan tuah dih lai i khuapi pakhat chung ah a um awk a si mi a herh mi dang vialte zong tlamtling tein kan tuah dih lai . cu ruang ah phaisa tampi a dih rih ding a si caah hi hmun ah a um ding mi pawl zong nih phaisa zei mawzat cu an pek ve a hauh nak a si”. tiah a chim .

hi hmun ram 700 reng lo ca i siauh-hlua cu August 18 in lak khawh a si cang i tuthla August 31 tiang lak khawh a si lai tiah a chim chih . cu lawng si lo in committee pawl zong meeting an thu than lai i a herh ning in thil kal pi a si than ko lai tiah a chim rih . U Soe Htet nih a chim ning ah cun hi hmun hma pawl hi ting 10 in ting 50 tiang a kauh le a bit ning zulh in a man hauh a si lai i , 100×100 hi hmun 22 a um i hmun khat hi ting 50  a si lai . 80×90 hi ting 35 man a si i hmun 75 a um . 60×80 hi hmun 445 a um i hmun 1 ah ting 25 a si lai . 40×60 hmun hi hmun 175 a um i hmun 1 ah ting 10 a si lai .

a tu tiang ah inn hmun cawk duh ruang ah a sawk mi hi minung 2000 an tling cang . hi hmunhma zuar nak man vialte hi lam tuah nak ah hman a si lai . lam tuah nak ah hin a tlawmbik  ting 20000 a herh lai tiah municipal lei rian tuan tu sin in kan theih .Hakha khua thar kauh nak ding caah inn hmun hma hrawh piak mi kong ah hin mi tampi nih cun online in siseh offline in siseh kan ruah ning le kan hmuh ning cio kan chim . NLD cozah rian tuan nak a that lo nak kong zong kan chim cio . an mah NLD cozah lei cun mi zapi nih inn le lo i tluk tein an ngeih khawh dih cio nak hnga tiah hi ti hin  rian kan tuan mi a si tiah an i ruah ve . nang na ruah ning rak chim ve .

admin

Leave a Reply

Your email address will not be published. Required fields are marked *

error: Content is protected !!