A Poi Ko; Rev. Thian Lian Sang Tangka Sing 40 Ralhrang Nih An Lakpiak Hlei Ah An Tlaih Rih!

Mandalay ah Falam khrihfabu pastor pa cu ralhrang nih an tlaih i tangka sing 40 an i lakpiak
=============
Mandalay ah Falam khrihfabu pastor a si mi Rev. Thian Lian Sang cu ralhrang nih amah a inn ah mawtaw 3, Saikal 3 in ralhrang 20 hrawng nih an tlaih i a tangka sing 40 an i lakpiak tiah upa Bawi Uk Sang nih a chim.

Pastor pa i a chungkhar pakhat nih “An ra i an tlaih colh. Mah lio ah cun ka nau nu nih saya pa a phone cu a ra i ralhrang hna nih cun khoi kaa phone dah a si, password rak kan pe tiah an ti i ka nau nu nih cun ka thei lo tiah a leh hna i a hmai ah voi 4 an bengh. A mithman zong a kiak dih “tiah a chim.

Ralhrang hna cu innchung ah an lut i phone an chek hnuah Pastor pa a phone, a nu phone le a nupi phone hna telh in phone 5 cu an lakpiak hna. Cun kan hnu thla i pastor pa a pa a thih lioah thutpinak a chuakmi tangka sing 40 zong an i kalpi tiah theih a si.

Pastor pa hi Covid -19 in zawtnak in a dam kaate a si caah a chungkhar hna cu lungrethei ngai in an um. Pastor pa hi zei ruang ah an tlaih ti theih a si rih lo. Rambuainak kongah cun tlaih dingin zeibantuk sualpalhnak le lunghrinhnak hmanh a ngei lo tiah amah he aa naihniammi pakhat nih a chim.

Ralhrang Bawi Zik Min Aung Hlaing Mitkyina Ah A Kal Lai. Myanmar ram tlaihhrem tu ralhrang lubik Min Aung Hlaing cu Kachin ram lei ah thaizing in a kal lai tiah Mizzima nih a tial.

Ralhrang lubik cu nihnih chung khualtlawng dingin Mitkyina hrambunh ramri hngak ralhrang kuttang BGF in rian ngei hna le,khuahngak ralhrang chungtel hna i an i tong lai tiah theih a si. Mitkyina chungah ralhrang hna nih humhimnak an lak tiah khuami hna sinin theih a si.

PKDF ralbawi pakhat ram le miphun caah a nunnak liam! Sanpiah meng 6 nak hmunhma ah ralhrangbu le Karenni ralkap kahdohnak ah Karenni ralkap lei in Runham pakhat cu ralhrangbu hriamnam kuan nih a hliamnak in a nunnak a liam
Kaya ramkulh (Karenni ram) Loikaw khuapi pawngkam ah Dawposi khua le Sanpiah meng 6 nak hmunhma chungah ralzaamnak riahbuk pakhat ah September 16 nizaan zaan suimilam 7 hrawngah a rak kaimi ralhrang thazaang 100 hrawng le Karenni ralkap phu hna cu ruahlo piin an k tongin kahdohnak a chuak.

Ralhrangbu lei nih hriamnam ngan in an rak kahnak kuan nih a khen ruangah Karenni ralkap Runham pakhat nih a nunnak a liam tiah thawng kan theih. Karenni ralkap in Runham Na Ye-Al De cu hraimngan kuan nih a khen ruangah ram tang si-inn pakhat ah a nunnak a liam tiah PKDF nih cathanh an chuah.

Daw Aung San Suh Cu Nay Pyi Taw Ah Biaceih Ding In Ralhrang Nih Timhtuah. Ralhrang phu nih rampi ruahnak pe tu Daw Aung San Suh Kyi cu ziknawh nak case 4 in tazaan cuai mi Daw Khin Kyi Foundation he peh tlai in case 3, U Phyo Min Thing he peh tlai in case 1 hna cu a ra lai mi October 1 thok in Nay Pyi Taw ah bia ceih a si cang lai tiah kan theih.

Nay Pyi Taw ah rampi ruah nak pe tu Daw Aung San Suh Kyi cu biaceih tawn nak bik a si mi biaceih nak zung ah Mandalay ramthen Hluttaw Biaceih zung biaceih bawi pakhat a ra lai i bia a ceih lai, Daw Aung San Suh Kyi cu mah pakhat ca lawng ah case2, a dang caah case 2, azapi in case4 ceih a si lai.

Rampi ruahnak pe tu Daw Aung San Suh Kyi cu Mandalay ah tazacuai mi a case hna cu Nay Pyi Thaw ah biaceih ding a si leng ah mi bu pi that tu phungning pohmah 505, cozah thuh mi phungning, Chawleh thalnak phungning, pehtleih nak phungning, hna Pohmah tam pi in sual an phawt.