Angteng Khuami 1 Bomb I Lamh Sual Nak In A Nunnak A Liam. Kalaymyo thlanglei Angteng khua ah bomb i lamh sual nak in khuami 1 a nunnak a liam, tiah theih a si.
2024, April 11 zing ah Angtheng khuami Pu David Hre Lian Thang cu khua pawng hmun pakhat ah rian a ášuan lio ah bomb aa lamh sual i a orhlei ke a khuk cung in a kiah caah sii an thlop nain a celh ti lo caah zanlei suimilam 7 tluk ah a nunnak a liam, tiah theih a si.
Pu Hre Lian Thang hi nupi le fa he khua sa mi a si, tiah tualchung media pakhat nih a langh ter. Lungmili Post
Thawngpang dang: April 12 – 2009 April 10 in an rak dirh mi Arakan Army (AA) cu 2024 April 10, kum 15 a tlin ni ah Arakan Army ti si ti loin Arakka Army (AA) tiah min an thlen cang.
Minung 26 in an rawk thawk lio ah MNDAA hruaitu U Pheung Kya-sin nih meithal zuun 100 le RPG 2 a rak pek hna tiah AA Commander in Chief Major Twan Mrat Naing Nih U Pheung Kya-sin ruak thlahnak ah a rak chim.
AA nih atu ahcun Rakhine ram ah SAC ralkap he kahdohnak a tuah cuahmah i Rakhine ramchung peng 8 le Paletwa peng zong a tlaih khawh dih cang.
Rakhine mipi hnatlakpinak le thazang peknak tha tein a hmu mi AA nih mipi himnak aa-ma-khan telh in zauk phung lennak aa-ma-khan zong aa zuam cuahmah lio a si tiah AA lei chim phuannak nawl a ngeitu Khine Thukha nih The Irrawaddy Burmese ah a chim.
Atulio AA hmuitinh dirhmun le ramkhel dirhmun kong he pehtlai in AA chimphuannak nawl a ngeitu Khine Thukha kha Tne Irrawaddy Burmese nih biaruahnak a tuah mi a si. Muicawl – The Irrawaddy Burmese. The Chinland Post