Breaking News: Thantlang USDP party Hluttaw candidate Pu Siang Lian Hmung cit mi motor SAC rakap nih an kah!

Breaking News: Thantlang USDP party Hluttaw candidate Pu Siang Lian Hmung cit mi motor SAC rakap nih an kah
==========
Tuzing (8:00) hrawng ah Thantlang um Dawn (Pu Hram Luai) te chung le Bungkhua Pu Siang Lian Hmung te chung Zahnaktlang lei ah Skat mawtaw in a tlung mi kha Lahva kuang hrawngah Ralkap nih an mawtaw an kah piak hna.
An thawngpang hi fiang in kan hngal kho rih hna lo.

2021 September 18 zinglei sang, Thantlang in Lahva lei ah a kalmi Pu Siang Lian Hmung aa citmi Sakat pakhat cu SAC mithat phu hna nih Lahva kuang ah an kah i suimilaam 9:55AM tiang an thawngpang theih a si rih lo.

Hi kong ah min langhter duh lo khuami pakhat nih, “Thantlang in Zahnak lei ah a kal mi motor a si. Motor hi Pu Hram Luai le Pu Siang Lian Hmung te chung nih an i cit mi a si. An i hliam maw hliam lo zeihmanh thawng fiang kan thei rih lo,” tiah a chim.

Pu Siang Lian Hmung hi USDP party in 2020 thimnak ah Thantlang Peng mee hmun in aa zuammi a si. Thlacam nak in bawm cio hna u sih.

SAC mithat phu nih Hakha le Thantlang ah thil an fir, inn an boh. NUG nih September 7 i Myanmar ramhuap D-DAY a thanh hnu Hakha le Thantlang khuapi chung um khuami cheukhat hna cu an zaam i, SAC mithat phu nih khuami hna thilri an fir, inn tiang an boh tiah khuami hna sin in thawng kan theih.
Hi kong he pehtlai in Thantlang khuami pakhat nih, โ€œKhuachung ah meithal le bomb thawng theih hnu in khuami a tam deuh cu Mizoram lei ah an zaam.

Tawh rem tein an hrenh mi inn cheukhat cu SAC ralhraang nih an bouh i an thilri zei mawzat an laak. An fir bik mi cu inn zuat satil an si. Anmah nawl in an tlaih, an thah hna. A taang mi kanmah nih le zei ti vun ti awk an that lo ca ah a zoh tu in kan zoh sawh ko hna. An fir mi le an laak mi hi a tam ngai cang,โ€ tiah a chim.

Thantlang khuapi chung lawng ah an laak mi hi vok le ar an si i, an riahnak hmun ah an duh poh in an thah, an ei. Keimah ka hmuhnak hmanh ah an vok le ar an thah mi hi 20-30 poh cu a si cang tiah a cunglei minung nih a chimchap.
Cun, Hakha khuapi chung ah SAC nih inn an bouh I thilri an fir mi a um tiah khuami sin in kan theih.

Khuami pakhat nih, โ€œNihin September 17 Hakhathar Lungphun tlang ah bomb le meithal thawng kan theih. Thawng a daih dih hnu caan zeimaw zat ah inn pakhat an boh i a chung a ummi facang tun le ar 7 hrawng an laak kan hmuh. Cun, mehhaang tamhmoih khachuan sen, khachuan raang zong tam ngai an fir,โ€ tiah a chim.

NUG nih D-Day a thanh hnu Hakha Thantlang khuapi chung ah nifatin zaan fatin in Bomb le meithal thawng theih peng a si. Bomb le meithal an duh poh in an puah, an kah ruang ah inn le lo a rawk mi a tam lawng si loin khuami hliam tuar zong an um cang. Hmanthlak: September 17, Hakha khua ah SAC ralhraang pawl nih inn an boh mi le thil an firnak nehnang a si.

PDF-Tamu nih SAC sin ah aa bawm mi Meitei hriamtlai ralrin an pek hna. People Defense Force (Tamu) nih SAC mithat phu sin ah aa bawm mi Meitei miphun hriamtlai hna cu SAC he rian an tuan tinak le an i bawmhnak cu a ran khawh chung ngolh ding in 2021 September 17 ah ralrin peknak cathanh an chauh.

Cathanh an chuah mi chung ah, โ€œSagaing Ramthen, Tamu peng chung ah a ummi, Meitei (UG) cu SAC he rian an tuan ti, an i bawm. Kan peng chung ah a um mi Meitei miphun nih, i thawh rianmang in SAC he nan tuanti nan i bawmh mi hi a rannak in rak ngol uh. Nan ngol lo ahcun, Myanmar ram democracy kan hmuh ding a duh lo mi miphun nan si tiah kan in pom hna lai.

Atu dothlennak zong hi kan dih deng cang ca ah, kan tei tik ah Myanmar ram chung ah umnak nawl kan in pe ti hna lai lo. A ran khawh chung in rak ngol uh tiah nolh kan duh,โ€ tiin an tial. Meitei miphun hna hi Manipur pawngkam ah a ummi an si i, U Ne Win chan lio ah Ne Win nih Chin miphun chung miphun pakhat ah a chiah i, a pom mi hna an si.

India-Myanmar ramri ah CNDF le SAC ralhraang an i kap, khuami an zaam dih. Chin Ramkulh, chaklei laitlang India-Myanmar ramri, Satawm khua pawng ah CNDF le SAC mithat phu hna karlak ah kahdohnak a chuak tiah theih a si. Hi kong he pehtlai in Satawm khuami pakhat nih, โ€œNihin zing suimilaam 10:00 tluk ah an i kap.

An i kahnak hmun hi Satawm khua in falung pathum hrawng a hlanak ah a si. Mi zeidah an I kah ti cu fiang in kan thei lo nain, CNDF le SAC mithat phu an si ko lai tiah kan ruah. An i kahnak a daih bak in khuami a tam deuh cu India ram lei ah kan pet,โ€ tiah a chim.

Satawm khua hi Falam Peng chung ah a ummi a si i, a inn in inn 60 leeng a si. Hi kahdohnak ah minung pazat dah an thi i, pazat dah hliam an tuar timi CNDF nih an thanh rih lo ca ah, kan rak langhter rih lai lo. Credit: The Hakha Post