2020 Election NLD 92% teinak a ruang?

2020 Election NLD 92% teinak a ruang?

Chin State ah NLD nih teinak hmuh ding hi zumh a rak tlawm deuh ngai. Vice President Henry nih a hlan kan tein a rak theih chung pah ve tik ah, thih ah thih nun ah nun ti bak in Chin State, Kanplet, Mindat, Matupi, Tidim,Tonzang, Falam cun Election lai teah Hakha, Thantlang zongah din lo in khua te tiangin a tlawng hna NLD mu le kalpi mi, timhtuahnak zong a chimh a ruah hna tikah. Kan Pi Daw Suh le VP Henry nih kan Chin State hi a kan dawt i, thanchonak zong a kan tuahpiak kho bik tu asi ti zumhnak le bochannak he NLD ah mee an pek dih hi asi. Thlacamnak in bawm rih hna uh sih. Credit: Rev. Dr. Peter Ngun Za Cung

Thawngpang dang relchap ding duh caah; Kan sining ruah ding tete; Hlan deuh kan pale mifim pawl cu zeitindah US kan luhkhawh lai tiah a lamkip in an rak izuam. Guam in siseh, Malay, Delhi, Thailand in kua an rak vit. US cozah ah ralzam a daw dingmi party le president kai hna seh ti an duh i, Chinmi tampi an lakkhawh nakhnga an rak chimrel. Cun Chinmi tampi zong US ah an rak kan luhter khawh i atu ahcun Chinram zong a lamkip in kan sersiam khawh ve cang.

Atu lio kan mifim pawl belte cu, ralzam a hua tukmi cozah le president an tlin nakhnga a lamkip in an izuam, thla an cam i vote pe ding tiang in an iforhfial hna. Chinmi caah atu lio kan mifim pawl an izuamnak maw a ttha deuh, hlan i kan mifim pawl zuamnak dah?

D party le Obama chan i US nih lakmi, lak ding register tuahmi, a phanmi pawl nih khan US kan rat lai ahkhan Pathian thawng in US kan kal cang lai kan rak ti, Hell ram ka kal lai ti kan rak chim bal lo. Atu lio ah D in Joe nih teinak a hmuh cangka in US cu hell fate bantuk a si cang lai kan ti. A dik lo ningin thluak ttawltu kan ngeih caah a si. D le Joe president si ruang ah Laimi tampi nih kan phan tukmi hell fate ah ican ding kha a tak ah a cang lem lai lo. Politics ah teinak hmuh an duh ruang ah biaknak an itlaihter i Khrihfa pawl tthihphaihnak ah an hman sawhmi asi. Mahti a chimmi pawl khi anmah pumpak lila hmanh biakinn a phan bal huaha lo an tampi. US cu zumhnak kong ah an phunghrampi nih zalonnak ttha tuk in a pekmi ram a si caah zalongte in biak duhmi biak, biak duh lomi biaklo khawh asi. Zei cozah le president an kai ruang ah kan zumhnak rialdip chih le zalon deuh hlei ti a um lai lo. Khrih kan zumhnak cu cozah ai thlen ruang men ah an kan thlenpiak ve lai ti kan ruah ahcun kanmah tein Pathian ka zum taktak maw? tiah bia kan ihal hau ko hnga.

Obama chan ah US a phanmi hi US ram um Chinmi 2/3 hrawng cu kan si hi philh lo a hau. US um Chinmi chung in 95% hi cu ralzam le asylum-seekers kan si. Mah fimnak ngaingai in a phanmi hi cu 5% kan tlin ka zum lo. Mah fimthiamnak itel loin mah zatzat US a kan phanhtertu Obama cozah kha Pathian khuakhan a si lo tiah kan ti ngam hnga maw?

D ttanhtu pawl cu bawmhnak a duhmi an si ti khi an chim ttheo. Chinmi dihlak chung in 90% hrawng hi cu cozah sin in food stamp, cash assistant le health insurance tbk pakhatkhat tal cu free in a ngahmi lawngte kan si ko hna. Cu phunthum a la lomi hna khi business le income ttha deuh a ngeimi an si ve, i anmah pawl lila khi pek dingmi tax a dikning in a pe lomi an si hna. Cozah sin hmuhmi paoh zeitindah free in ka ngah khawh lai ti ai zuam peng komi Chinmi nih bawmhnak a duh lo bang, a la bal lo bang in kan chimrel tawnmi khi khua kan ruah deuh hau. Atu ah bawmhnak kan lak ti lo hmanh ah a rak la balmi lawngte kan si dih hna. Cucu al awk ttha lo thil dik a si.

Pu Trump chimmi/tarmi le fox news lawng kan ngaih/rel peng ahcun Joe nih teinak a hmuhmi nih hin ttihphannak in a kan khatter lai. IS hna nih a kan luhhnawh te lai ti hrawng, nu le nu, pa le pa kan i-um viar te lai ti hrawng, naupawi hna an nau an hrawhpiak viar te hna lai ti hrawng, phungning loin Mexican pawl ‘Vung..’ tiah an hung luh lai i an kan tlaihhrem viar te lai, tbk in kan thinphang peng lai. Cu pawl cu vote ngahnak ding ah a hleihluat tuk in chimmi tthihphaihnak lawngte an si. Kan lau rup in a tak ah a cang taktakmi a um lem lai lo.

Mah caah cun news dangdang hna rel chihkhawh deuh izuam ahcun thil dik le dik lo, a chia le a ttha thleidan khawh deuh a si lai i kan thin zong a dam deuh lai pinah ruahchannak, tthanchonak, zawnruahnak hna kan ngei kho deuh ving lai. Fighting Monday! Credit: Van C Mang

Leave a Reply

Your email address will not be published. Required fields are marked *