๐—๐—ฒ๐˜„๐˜€ ๐— ๐—ถ๐—ฝ๐—ต๐˜‚๐—ป ๐—จ๐—ธ๐—ฟ๐—ฎ๐—ถ๐—ป๐—ฒ ๐—ฃ๐—ฟ๐—ฒ๐˜€๐—ถ๐—ฑ๐—ฒ๐—ป๐˜, ๐—จ๐—ธ๐—ฟ๐—ฎ๐—ถ๐—ป๐—ฒ ๐—บ๐—ถ๐—ฝ๐—ถ ๐—น๐—ฒ ๐—บ๐—ฒ๐—ฑ๐—ถ๐—ฎ ๐˜„๐—ฎ๐—ฟ!

๐—๐—ฒ๐˜„๐˜€ ๐— ๐—ถ๐—ฝ๐—ต๐˜‚๐—ป ๐—จ๐—ธ๐—ฟ๐—ฎ๐—ถ๐—ป๐—ฒ ๐—ฃ๐—ฟ๐—ฒ๐˜€๐—ถ๐—ฑ๐—ฒ๐—ป๐˜, ๐—จ๐—ธ๐—ฟ๐—ฎ๐—ถ๐—ป๐—ฒ ๐—บ๐—ถ๐—ฝ๐—ถ ๐—น๐—ฒ ๐—บ๐—ฒ๐—ฑ๐—ถ๐—ฎ ๐˜„๐—ฎ๐—ฟ
==========
Russia nih Ukraine a tuknak a nithumnak le a zaanlinak a hung phan. Nithum chungah an khuapi Kyiv cu Russia nih a lak lai tiah an rak timi cu Ukraine defense force le a ral a แนญha tuk mi Ukraine mipi hrimtlai hna ruangah an la kho rih lo.

An ram president Volodymyr Zelenskyy nih himnak le zamnak cu duh loin, Ralkap uniform tu i hruk in an ram a ven. Ral hmun ah social media (media power) hmang in an mipi cu dirแนญi ding in thazaang a pek peng rih hna. Social media cu raltuknak (media war) ah hmang in Russia mipi sinah Ral hi a แนญhat lonak le ral nih zeihmanh แนญhathnemnak a ngeih lonak ding cu, president pakhat a sinak in si loin le Ukraine mipi pakhat aiawhnak tu in mipi sinah nawlnak a tuah hna.

Hi minung zawnruahnak in a khatmi speech (humanity concert speech) nih Russia khuapi 54 leng ah diknak แนญanhtu mipi relchawk lo lam cung tiang chuak in an president Putinโ€™ i Ukraine invasion mission pi cu biatak te in an doh.
Atu hi ca ka แนญial tiang ah Russia mipi duh lonak langhtertu 1700 leng cu tlaih an si tiah CBC news ah report a tuah.

Ukraine ram hi mipi 43.6 million tluk hrawng an si i, Europe ah milu tamcem pa 8 nak an si. President Zelenskyy le Ukraine mipi 43.6 million nih cun social media hi raltuknak pakhat ah hmang in vawlei pi cu bawmh an hal cuahmah.
Atu zong an ram veng him ding in ramleng lei a phan cangmi hna an rak khrih than thluahmah hna. Russia zong nih social media war hmang ve in, Ukraine a tuknak cu anmah Russia, NATO kut in an i ven ve nak a si i, mipi himnak zoh bu in ka tuk lai a ti peng ve.

Ukraine ram independent i a umnak kum 30 hnuah Russia kut in a him zawkzawk naklai NATO i lut pi cu President Volodymyr Zelenskyy i a chunmang a rak si nain, Russia nih NATO lut kho lo ding in le an ram lakpiak ding in a tuk cuahmah liopi cu a si. Ukraine hi world war II lio hrim in miral แนญha ram an rak si pinah, Soviet union ah miphun ralแนญha cem pakhat hrim an rak si.

Atu tiang ah Ukraine nih Russia ralkap 2800 tluk ah thah khawh cang hna, raltuknak mawtaw 516, Tank 80, van lawng 10 le helicopter 7 cu an hrawhpiak khawh cang hna. Ukraine president Zelenskyy hi mino te a si i, zaangfak ngaingai khi a si ko. Amah hi Jews miphun a si pinah a pu hi Hitlar a rak dotu Jews Paral แนญha a rak si ve.

Vawlei ah Dictator pakhat a chuah paoh ah miphun lakah Heros แนญhaแนญha an chuak ve tawn ti a si bantukin, atu Ukraine president Volodymyr Zelenskyy zong hi zohchun awktlak hero แนญha taktak pakhat a hung si. President Zelenskyy nih nitlaklei ram hruaitu hna sin bawmh hal pah in, a hnu hnung bik nan ka hmuh a si men kho tiah a ti hna bantukin, president pa lu hi Russia nih a duh cem mi cu a si tak ko. Thi sual seh law, nitlaklei hruaitu hna an kut an i แนญawl ngam hna maw ti ruah awk a tam ko.

Jews miphun president pakhat a simi President Volodymyr Zelenskyy le Milu million pathum an umnak Kave khuapi (military control center) cu a tluk lo naklai thlacam bawm cio hna u sih law, Ukraine mipi nih แนฌihnung Russia kut in himnak le teinak hmu hram ko hna seh law Dinnak nih kan ram, Ukraine le vawlei pi ah teinak hmu peng hram ko seh.

Poland ram๐Ÿ‡ต๐Ÿ‡ฑ nih Ukraine ๐Ÿ‡บ๐Ÿ‡ฆ ralzam caan ID a ken lo mi tiang in inn ka a on piak hna. NATO ram pawl nih hriamnam in an tikhawh tawk in an bawmh. Kan nih ram cu inn Pa kan ngei lo. Russia nih local telecoms le connection a hrawh mi cu, Elon Musk SpaceXโ€™s Starline satellites bawmnak in connection an nei kho hna. Elon Musk ka urnak cu, Phaisa nak in humanity a concern deuh tawn mi hi a si. Credit: ๐—ง๐—ต๐—ฎ๐˜„๐—ป๐—ด ๐—ง๐—ต๐—ฎ ๐—ง๐—ต๐—ฎ๐—ป๐—ด