𝗜𝘀𝗿𝗮𝗲𝗹 𝗻𝗶𝗵 𝗣𝘂𝘁𝗶𝗻 𝗹𝗲 𝗥a𝘀𝗶𝗮 𝗮 𝗵𝗹𝗮𝘄 𝘀𝗶𝗮𝗻𝗴 𝗿𝗶𝗵 𝗹𝗼!

𝗜𝘀𝗿𝗮𝗲𝗹 𝗻𝗶𝗵 𝗣𝘂𝘁𝗶𝗻 𝗹𝗲 𝗥𝗮𝘀𝗶𝗮 𝗮 𝗵𝗹𝗮𝘄 𝘀𝗶𝗮𝗻𝗴 𝗿𝗶𝗵 𝗹𝗼!
=========
Tulio leicung thawngpang cu vuapvap in nan hmuh, rel le theih cio ko la. Ukraine (U) le Rasia (R) cu an i kah cuahmah bu khin tu chun kha ram hnih palai tonnak an nei kho tthan. Eibar chuak hoi lo. Tu hi Europe ram pawl nih U ralzam cu lak ding in an i tim hna le Norway hna cu tu kum ah thong 30 bak lak ding in biatung a dir.

Zeidang cu ka van tial la lo. Ka rel huammi, kai dinh pah i ka hawl i ka relmi chung in Israel nih atu tiang Rasia le Putin cung ah phihnak le dohdalnak a tuah lomi hi zeitindek nan ruah cio ve hnga ti ka ruat.

Democracy ram siseh, a va si theng lomi ram zong an si ko la ram 90 hrawng nih UN ah le media kip ah Rasia nih U a luhhnawh hi cu Rasia palh, a sual tuk tiah an mawhchiat pinah EU le USA phihnak tuahmi an zulh ve. EU le USA leng ram pawl ah a tthawngmi cu Tuluk, Arab ram pawl le India pinah cun a dang an um rih ko la, le cu hna nih cun Rasia hi an phit lo. Cu lak i Israel nih tutiang Rasia phihnak a tuah lomi hi Israel bia dengmi pawl nih zeitindah an ruah cio hnga?

Zeiruang ahdah ka lunglak ti ahcun, Israel rammi sinak a neimi Rasia mirum a sawm in an um. Cu mirum pawl cu Rasia, Israel pinah ramdang passport dazen in an nei kho hna. Cu tikah Rasia nih U a tuk caah Rasia mirum vialte zong an bank phih piak, an tilawng tlaih piak, an kampani khar piak tibantuk in phihnak an tuah hna. Khual tlawng kho loin an tuah hna.

Cu lawng hlah, atu hi Asia; Thailand maw Vietnam tibantuk a tlawngmi Rasia miphun tampi cu kir kho loin an um. An bank phih piak, Rasia an si theih in airport ah hren tibantuk an tong. Airline tampi nih an phur duh hna lo. Tu chun Norway ah Rasia holh in a nu a van chawnh riang mang le a pawng ummi pawl nih an huat caah an volhpamh lenmi ngakchia nu kong tunai te ka rel. Cu tluk cu a si.

2018 kum ah khan Israel i a rumbik cu Chelsea FC neitu Roman Abramovich hi a rak si, mah kum ah UK le Rasia i remlo ruang ah Rasia simi Chelsea neitu cu UK luhnak an rak phih caah Rasia le Jew ai cawhmi Roman nih Israel sinak a rak sok i an pek kum a si. Atu cu a rumbik phnihnak si cang tiah tuchun news nih an ttial. Israel cozah nih Israel hrinfa simi paoh kir khawhnak phung a sermi chung ah Jew pawl an kir ngai.

𝙅𝙚𝙬 𝙡𝙖𝙠 ğ™§ğ™ªğ™¢ğ™—ğ™žğ™  𝙝𝙣𝙖; Zeiruang ahdah Israel lakah a rumbik na ti khawh tiah leicung mirum cazin i ai telmi Jew pawl nan chuahpi khawh hna. Mah Jew pawl cu Israel rammi sinak an nei lo, an biaknak le hrinsor i Jew- Israel an sinak lawng si caah a si. JEW timi Judah lakah zumbik 12nak hrawng ah Chelsea neitu hi ai tel, $8.8 billion a nei tiah tu kum thawk ah an ttial. Facebook neitu hi $121 billion hrawng, Google sertu pahnih khi $106 billion veve in pathumnak tiang an si. Larry Ellison $100- billion le M. Bloomberg timi New York mirum $59.5 billion hrawng an i zul.

Atu hi Chelsea neitu Roman cu Israel ah a um ko ti a si (Zahan kha Israel airport ah an hmuh le a um rih la an ruah/ Arab News nih cun Istanbul a phan an ti.), le Israel in a himnak ram ah kal ding ai tim tiah theih si. A ruang cu UK nih Putin he hawikom tha a si ai tiah fak tak in phihnak an tuah, Chelsea zong a duhning in a tuah kho lo, aa riantuannak an phih dih.

Sponsor zong nih an chuahtak. Cu tikah Rasia ah le kir awk ttha lo, a passport cu airport ah nung lo. Portugal in ai tim nain an rak hlawt caah Israel tu ah a lut hmasa. Cu hnu ah Turkey maw Arab ram pakhat khat dah ti lo a kalnak ding ruahdomh har ngai ti a si. Israel ah um ai tim lo. Israel cozah zong nih ramdang an peh khawhnak ding tiang vanlawng i thlen le dinhnak ca tiang R le U kong ah cun a awnh chung hna, Israel rammi sinak an neih bu in.

Israel mirum lakah hi Jew le Israel caah phaisa a pebik hi Roman hi a si tiah theih a si; 2019 ah khan US$ 5 million cu Jewish Agency a pek. 2020 ah $102 million bakte Israel ramkauhnak ding bu pakhat a pek hna. Cu pinah Jew pawl siizung, sianginn (Uni) le a dangdang ca i a pekmi hi a tam ko. Chelsea ka manh ahcun zatceo ti awk hi Ukraine ser thannak caah ka pek hna la tiah market in a chiah thaizing ah a rak chim khah.

Mah ti nun a sian caah Israel i Judah pawl nih Roman cu hawinak in a zawn ruahdeuh ding in an cozah an hal pek len. Asinain USA ramdang vice minister nih Israel cu ralrin a pek i Rasia mirum pawl dornak na pek hna lo ah a ttha, cun kanmah ho Rasia le Putin phihnak ah i tel ve a ti. Cucaah khua cu an ruat.

Israel! Israel! Atu tiang Rasia he pehtlaihnak ttha a neihnak a ruang cu Syria khi biapimi lakah ai tel.
Ka umhar le nan vantha. 2006 i Tahnak vampang a rak kal lio a si, hmanthlak hi. Credit: Hlawnching Bawimang Lian