๐•๐š๐ง๐๐ฎ๐ฆ ๐œ๐ก๐ฎ๐ง๐  ๐“๐ก๐ฅ๐ข๐š๐œ๐ก๐ข๐š ๐ง๐ข๐ก ๐„๐ฅ๐ž๐œ๐ญ๐ซ๐จ๐ง ๐ญ๐š๐ฆ๐ฉ๐ข ๐‚๐ก๐จ๐ข๐ก ๐ฅ๐ข๐จ ๐€๐ฏ๐จ๐ข๐ค๐ก๐š๐ญ ๐š๐ง ๐‡๐ฆ๐ฎ๐ก๐ง๐š๐ค ๐š ๐ฌ๐ข

๐•๐š๐ง๐๐ฎ๐ฆ ๐œ๐ก๐ฎ๐ง๐  ๐“๐ก๐ฅ๐ข๐š๐œ๐ก๐ข๐š ๐ง๐ข๐ก ๐„๐ฅ๐ž๐œ๐ญ๐ซ๐จ๐ง ๐ญ๐š๐ฆ๐ฉ๐ข ๐‚๐ก๐จ๐ข๐ก ๐ฅ๐ข๐จ ๐€๐ฏ๐จ๐ข๐ค๐ก๐š๐ญ ๐š๐ง ๐‡๐ฆ๐ฎ๐ก๐ง๐š๐ค ๐š ๐ฌ๐ข
=================
North Pole cung zawnin meng 125 ai naihnak hrawngah ziito bantukin in ai ziimi thliachia cu nazi 8 chung hrawng a hrang, tiah theih a si. Hihi vandum chung thliachia (space hurricane) tiin min pek khawh a si. Kan hnung zarh ah khan, a singin an theihfian khawh lo mi meng 620 hrawng a kau (ngan) mi thlichia mangtara cu kan umnak vawlei a cung zawn boruah velchum ah ai zii len i, tii (water) si lo in electron tu a hun choih/thlaak hna, tiah scientists nih an chim.

A umtuning an zoh tikah, thlichia umtuning he ai khat, tiin mifim nih an hmuh caah, vandum chung thliachia, tiin min an peknak hi a si. Asinain, cuhlan ah hi bantuk thlichia vandum chung i a um hi an thei bal hrimhrim lo.
โ€œHi bantuk thil a um lai, ti hi kan ruat bak lo. Theory hmanh in hi bantuk hi rak ruah a si bal lo,โ€ tiah University of California, Los Angeles ah boruak le rili kong i Professor Larry Lyons nih a chim. Lyons hi tutan i vandum chung thliachia kong a tialtu lakah ai tel ve mi a si i, cu an tialmi capar cu Feb. 26 ah khan the journal Nature Communications ah an chuah.

China, US, Norway le UK i scientists pawl nih Space Hurricane hi 2014 August tein khan satellite hmangin an hmuh bal cang. An thlahmi satellite nih cun kan umnak vawlei hi a heel i, North Pole a cung zawn a phaak ah khin, thil pakhatkhat nih an satellites hnahnawh a pek kha an hmuh. North Pole a cung zawnah cun ziito bantuk in ai ziimi space hurricane cu meng 125 tluk kau hmunhma zarh in nazi 8 chung hrawng ai zii len ko.

โ€œThisen a lenglei i ai vorh, a petmi bantuk khin electrons pawl a choih hna kha hmuh khawh in a um. A kil lei ko ah hin ai thek/petmi cu a hmual a tha khun i, a chunglei a laimacir hrawngah cun a petmi hmual a din deuh ve. Cucu vawlei i thlichia a cawlcangh ning te a si,โ€ tiin Lyons nih a chim. Asinain, ai khat lo mi cu, a dang thliachia nih cun an choihmi thil, lei dip hei ti bantuk hi vawlei ah a thlaak hna. Tutan space hurricane belte nih cun a choihmi electrons pawl hi vawlei a cung zawn ah a ummi boruah lei tu ah a hei vorh hna.

Space hurricanes pawl hi khuacaan zulh in a um tawnmi a dang thlichia bantuk in Nika in a ra mi Solar Wind tiin theih mi thil dip tete in ai semmi an si. Cu thil dip tete cu vandum chungah an i chok hna i, thilri dang a tlai (dah in a tlaih hna) chin kho tu thliachia hi an ser chin tawn. Cu in cun chak asiloah thleng zawn ah khin cerpup in boruah a um tawnnak khi a si. Thlichia hi thazaang tampi in ai semmi an si. Cucaah, hi space hurricane zong hi a khulrang taktakmi solar wind thazaang tampi in ai sem ve i, kan vawlei a boruah ah thil dip tete a vun vorh ve, tiah Michael Lockwood nih a chim.

Nika in a ra tawnmi cu bantuk dat tete nih cun mifim pawl an satellite hi hnahnawh a pek khawh ve mi a si caah, cucu biataktein an i ralrin mi a si zungzal. A bikin vawlei dang a tum tikah khin power line hi a hnursuanpiak khun tawn hna. Tutan i North Pole zawn i electron tampi a vorhmi ruangah hin mipi caah direct in cun tihnungmi a tlunter lem lai lo nain, communication le vanlawng khualtlawnnak systems belte cu a hnuarsuan te khawhmi a si, tiah an chim. Satellite communication le GPS signals kong theih duhnak a ngeimi hna nih cun hihi an hna an chit ngai a hau te lai.

Space hurricane a umtuning hi pehzulh tein zulhdawi an i tim cang. Kum 6 chung an fawkkhomh cangmi data pawl hi scientists pawl hih ngelfeettein zohfel hna hlah sehlaw cu a tu bantuk Space Hurricane a um le um lo hmanh hi kan thei kho men lai lo. Thil a phuphun an sining tah le zohfelnak ding caah a herhmi hriamnaam a phunphun kan i ngeih. Cucaah, tutan thil kan hmuhchuahmi zong hi, fawizangtein โ€˜hihi bak a siโ€™ tiin kan hmuhchuah colhmi a si ruam lo. Hi bantuk hmuhton sunghar kan hmuhchuah khawhnak dingah hin thil tampi an sining hi a kaakip in kan fawkkhomh cikcek hna hnu lawnglawng kan hmuh khawhmi a si, tiin Lyons nih a chim. Credit: Chelsea Bawi