๐“๐ซ๐ฎ๐ฆ๐ฉ ๐ง๐ข๐ก ๐š ๐‡๐š๐ฅ๐ฆ๐ข ๐‚๐ก๐ž๐œ๐ค ๐ข๐ง ๐‚๐จ๐ซ๐จ๐ง๐š๐ฏ๐ข๐ซ๐ฎ๐ฌ ๐๐จ๐ฆ๐ก๐ง๐š๐ค $๐Ÿ,๐ŸŽ๐ŸŽ๐ŸŽ ๐œ๐ฎ ๐”.๐’ ๐‡๐จ๐ฎ๐ฌ๐ž ๐ง๐ข๐ก ๐š ๐๐š๐ฆ๐ก๐ง๐ž๐ก ๐œ๐š๐ง๐ 

๐“๐ซ๐ฎ๐ฆ๐ฉ ๐ง๐ข๐ก ๐š ๐‡๐š๐ฅ๐ฆ๐ข ๐‚๐ก๐ž๐œ๐ค ๐ข๐ง ๐‚๐จ๐ซ๐จ๐ง๐š๐ฏ๐ข๐ซ๐ฎ๐ฌ ๐๐จ๐ฆ๐ก๐ง๐š๐ค $๐Ÿ,๐ŸŽ๐ŸŽ๐ŸŽ ๐œ๐ฎ ๐”.๐’ ๐‡๐จ๐ฎ๐ฌ๐ž ๐ง๐ข๐ก ๐š ๐๐š๐ฆ๐ก๐ง๐ž๐ก ๐œ๐š๐ง๐ 
====================================================================
WASHINGTON/PALM BEACH, Fla. (Reuters) โ€“ Trump nih a halmi check in Coronavirus bomhnak $ 2,000 cu Democractic nih an hruaimi US House of Representatives nih vote 275-134 in Monday ah khan namhnehnak an tuahpiak. Republican kut a phan dingmi Senate a konglam hi hmailei ah chim awk a that lo caah a tu bantukin an tuah hi a si. Virus bomhnak kongah cun Democrats lei nih Republican president hi an dirpi ko nain, kan hnung lei i a dang tein veto hmangin defense policy bill caah Trump nih $740 billion a hal mi belte cu an hnonpiak. Tutan zarh chung i Senate nih an hnonpiak ve than rih ah cun, Trump nih a hmanmi veto a hmasabik hnonpiak a ton a si lai, tinak a si.

Congress nih virus bomhnak ka halmi $600 in 2,000 hrawng hi nan cohlan lo a si ah cun, a dang virus ca i chawva nan suaisammi pawl hi kan phihkanh dih ve ko hna lai, tiin kan hnung zarh ah khan Trump nih a hro hna. Sunday belte in khan cun cozah shutdown a karh chinchin ve cang caah a halmi a zat a thumh deuh i, lawmakers pawl tu cawlcang deuh dingin a rinh hna. Asinain, Democratic lawmakers lei zong nih cun virus bomhnak $2,000 hi saupi saduh an thah cangmi a si caah, Trump a duhnak cu an cohlanpiak.

๐‚๐จ๐ซ๐จ๐ง๐š๐ฏ๐ข๐ซ๐ฎ๐ฌ ๐›๐จ๐ฆ๐ก๐ง๐š๐ค ๐ฅ๐ž ๐ฏ๐ข๐ซ๐ฎ๐ฌ ๐œ๐š ๐œ๐ก๐š๐ฐ๐ฏ๐š ๐ก๐ฆ๐š๐ง๐ง๐š๐ค: Vote 275 in virus bomhnak langhter a si mi hi, vote petu dihlak chungin cheuthum ah cheuhnih an phaaknak dingah vote tlawmte lawng ai duh. Monday i bomhnak dohlo in vote a petu hi Republican lei in 130, independent in 2, Democrats in 2 baak an si hna. Virus bomhnak ca i ka halmi phaisa nan ka cohlanpiak lo ah cun veto ka hman ko lai, tiin Trump nih a hro hna nu ah $2.3 trillion bomhnak cu min a thut cang i, check in bomhnak $2,000 zong pek dingin a hal chap.

$2.3 trillion chungin hin $1.4 trillion i cozah agencies bomhnak a si i, $892 billion hi Virus bomhnak caah a si.
Check in bomhnak a karhter mi nih hin Senate nih zei ti an tawlrel te lai hi theihfian a si rih lo. Zeicahtiah, check in bomhnak tamtuk kan pek mi nih hin nehhnu bomhnak phaisa kan chuah tikah dollar billion a zaza in pehzulh in chap a hau thai cang lai cu ta, tiin Republican lawmakers tam u nih an duhlonak an langhter. Check in bomhnak kan karhter mi nih hin $464 billion tiang a phaan cang lai i, cu zatzat budget cu Congress hmai chuahpi hau dirhmun a phai ding khi a si, tiin Taxation kongkau i Joint Committee nih an chim.

Tuesday ah khin Senate pawl ai tong ding an si i, Republican an tamdeuh nak chamber ah virus bomhnak tamdeuh pek khawhnak lam ka kawl lai, tiin Senate Democratic Leader Chuck Schumer nih a chim. Trump nih a halmi virus bomhnak cohlan a si hnu khan cun, Senate ah vote tiangtiang laak in hi kong hi ceih than dingin Senate nih timhlamhnak an ngeihnak kong Senate Majority Leader Mitch McConnell nih a chim lo. Virus nih US minung a thahmi hi 330,000 deng an si cang i, rian lo khuasa chungkha milliom tatuk an si cang caah, enemployment bomhnak le virus bomhnak a ormi an tam chinchin cang. Trump nih bomhnak namhnehnak a tuah hnu cun Global markets pawl an sining kel te ah an hmun ko rih hna. Economy chanchuah dingin Trump nih bomhnak min a thut hnu cun Monday in kan Wall Street record a kai vurmar colh i, chawva le meitha rian a tlaimi company pawl thancho an panh colh.

๐๐„๐‹๐Ž๐’๐ˆ: โ€˜๐‘๐„๐๐”๐๐‹๐ˆ๐‚๐€๐๐’ ๐ง๐ข๐ก ๐๐ฎ๐ก๐ญ๐ก๐ข๐ฆ๐ง๐š๐ค ๐š๐ข ๐ง๐ ๐ž๐ขโ€™; Debate an tuah lio pi ah cun, โ€œRepublican nih duhthimnak nan ngei. Tutan biasu hi i hrawm in nan vote lai maw, asiloah American mipi nih an herhmi bomhnak karhter dingin khua kan khaanmi ralchanh in dah nan vote lai dah?โ€ tiin House Speaker Nancy Pelosi nih a chim. โ€œTrump nih hin tuandeuh tein chim le bang sehlaw cu hi nak tamdeuh hmanh in bomhnak kan karhter ding khi a si. Asinain, thil hman tuah dingah khua a tlai, ti cu a um bal loโ€ tiinDemocratic US Presentative Dan Kildee nih a chim. Virus bomhnak $2,000 tiang an karhtermi hi na lung a tling maw, tiin Wilmington, Delaware i meeting an dih hnu ah Biden an hal i, โ€œKa lung a tling bakโ€ tiin a leh hna.

Georgia Republicans Kelly Loeffler le David Perdue zong nih Trump a tuahsernak an lungtlinpinak an langhter.
โ€œTutan bomhnak nih hin mipi hi rian a tlaihter kho hlei hna lai lo. Trillion hnarcheu lenglo a tu bantukin bomhnak ca i kan hman than mi hi ka lungre a thei. Bomhnak a herh taktakmi le a harsa taktakmi kan American mipi pawl kan i hmaithlak rua lo, tiin ka ruah,โ€ tiin Rep. Representative Kevin Brady nih a chim. Tutan zarh deetka thokin US Treasury Deparment nih $600 cu pumpaak le chungkhar sinah check in kuat hram a thok colh lai, tiah Monday ah khan Treasury official pakhat nih a chim.

๐‡๐จ๐ฎ๐ฌ๐ž ๐ง๐ข๐ก ๐•๐ž๐ญ๐จ ๐š๐ง ๐ก๐ง๐จ๐ง: Trump nih defense bill kongah veto in halnak a tuahmi hi Senate nih a hnon lai maw hnon lai lo ti mi cu tutan zarh chungah a fiang ding a si. Monday ah khan cun, House nih 322-87 in Trump a veto an hnonpiak i, Republican lei in minung 66 lawng nih Trump an dirkamh. Hi veto kongah Republican lakah lungthin i khah lo nak a faak ngai. Biden sin a sunghmi a cohlanpiaktu a cheukhat Republican pawl an cungah Trump a thin a hung ngaingai. Wednesday ah khan defense bill caah veto a hman. Kan ram himbawmnak he pehtlaihnak a ngei lem lo mi social media company an humzual hna nak hauruang paoh hi chimh le hrawhpiak dih ka duh caah le, ralkap sakhaan min pawl Civil War lio i pro-slavery Confederacy caah raal a tutu Generals pawl min an hmanmi a thar in mindang bunh than an timhmi hrimhrim ka duh lo caah a tu bantukin bill ka tinnak a ruang hi a si, tiin Trump nih a chim.
โ€œTrump nih tutan i veto a hmanmi hi hruh bia le thluak tlawm bia rumro a si. Hihi cu Republicans nih a tha ah an ruah hrim awk a si lo. Senate zong nih keimah bantuk tein an ti te ko lai, tiah ka ruahโ€ tiin House Majority Leader Steny Hoyer nih thawnglatu sinah a chim. Credit: Chelsea Bawi