๐“๐ก๐ข๐ง๐๐จ๐ฆ๐ก ๐›๐ฎ๐ญ๐ž๐ข๐ง ๐š๐ง ๐ข ๐‚๐ก๐จ๐ง๐ก๐›๐ข๐š๐ค ๐ก๐ง๐ฎ ๐š๐ก ๐Œ๐ฒ๐š๐ง๐ฆ๐š๐ซ ๐‘๐š๐ฅ๐ค๐š๐ฉ ๐ง๐ข๐ก ๐๐š๐ฐ๐ฅ๐ง๐ ๐ž๐ข๐ก๐ง๐š๐ค ๐š๐ง ๐‚๐ก๐ฎ๐ก ๐ก๐ง๐š

๐“๐ก๐ข๐ง๐๐จ๐ฆ๐ก ๐›๐ฎ๐ญ๐ž๐ข๐ง ๐š๐ง ๐ข ๐‚๐ก๐จ๐ง๐ก๐›๐ข๐š๐ค ๐ก๐ง๐ฎ ๐š๐ก ๐Œ๐ฒ๐š๐ง๐ฆ๐š๐ซ ๐‘๐š๐ฅ๐ค๐š๐ฉ ๐ง๐ข๐ก ๐๐š๐ฐ๐ฅ๐ง๐ ๐ž๐ข๐ก๐ง๐š๐ค ๐š๐ง ๐‚๐ก๐ฎ๐ก ๐ก๐ง๐š
===============================
A phone ralkap kut a phaak lai a duh lo caah, Jan. 28 ah khan Myanmar leader Aung San Suu Kyi nih a phone a hrawh ta manh, tiah amah he naihniam ah a ummi minung 2 biaka in theih a si. Zaam an i timh maw si, asiloah tlaih lai an i theih cang le maw zei dek, Suu Kyi a hawile le a riantuanhawi cheukhat hna cu an ruksai an i tim cio hna.
November election lio i Suu Kyi Party (NLD) nih landslide in teinak a hmuhmi kong he pethlaiin in Suu Kyi le ralkap lubik Senior General Min Aung Hlaing cu Naypyitaw ah cu ni thengte ah cun tonnak an ngei, ti a si.

Suu Kyi he naihniamtein rian a tuanmi telhin cozah riantlai minung 9 cu hi kong he pehtlaiin Reuters nih bia a hal hna. Feb. 1 i tlaih a ton phahnak an meeting a tawlreltu an si hna. Ralkap nih nawlngeihnak chuhnak rian an kalpi mi a dohtu paoh cu thong ah an thlaak duhmah hna, tiah min langhter a duhlo mi hi kong a theifiangtu nih an chim. Cu lio hrawngah cun hi kong hi a dikdir in an chim colh lo.

Minung 53 million an umnak Southeast Asia ram pakhat a si mi Myanmar i Democracy an kalpinak hi kum 10 hrawngte lawng a si rih. Cu tluk kum a no rihmi Democracy cu nawlngeihnak chuhnak nih a vun donghter colh i, cu ti cun kum 70 lenglo chung Myanmar ram a thenhmal cikcek i canfaak viarin an umnak zanmangchia in kan i hlau cang lai, tiin ruahchannak an ngeihmi zong cu a vaivonhpiak dih hna. Thailand ah siangpahrang a tanhtu ralkap nih thlen duh lo ruangah nawlngeihnak an chunh ve hna, cun Hong Kong nih Democracy an duhmi cu China nih vawlei ah lambehpiak ve hna. Tutan i Myanmar nih mipi sinin democracy a chuh hi Asia ram chungah a nehnungbik democracy hnuarsuan a ton a si.

Kap hnih lutlai pawl ni tamlak chung tonnak an ngeih hnu ah Jan. 28 ni hi an dirhmun a thatlo bik ni a si. Election results zohfelnak tuah than dingin ralkap lei aiawhtu nih Suu Kyi aiawhtu pawl voihnih tiangin an nawl hna. Kum 70 leng ralkap uknak cu Nobel prize a hmutu Suu Kyi nih cun kum 5 a tuan chungah a donghnak a tuah khawh ngaingai. Ralkap nih nawlnak an tuahmi cu fektein a dir i a ralchanh. โ€œNanmah pawl hi nan luantuk cang. Na buarthau, mi zei ah nan kan rel loโ€ tiin Min Aung Hlaing aiawhtu ralkap pawl nih cun Suu Kyi minung pawl cu an hro hna. Hihi cu ralkap bawi pawl an zia a si tawn ko.

โ€œRalkap pawl zei ah an kan rel lo a siโ€ tiin ralkap lei nih an chim. Cu ti i ralkap lei nih an hro hna in cun Suu Kyi nih a orhlei kut bantuk i ai hmanmi Kyaw Tint Swe cu a thir bak in a thir, ti a si. Cu tlawmpal in cun Kyaw Tint cu contact khawh hmanh a si ti lo, tiah Reuters nih a chim. โ€œCivil cozah nih hin zeihmanh a tuah kho lo. Hriamtlai minung an i ngeih ve lo, cucaah nawlngeihnak an kut ah a um ve lo,โ€ tiin kaphnih tonnak kong a theitu hna nih an chim. Chikkhat chung cu Suu Kyi siseh, ralkap lei siseh, contact khawh an si lo. Min Aung Hlaing zong contact khawh a si lo. Tonnak an tuah lio ah cun, hriamnam bunhmi ralkap mawtaw pawl cu Yangon khua cuul in an i chok cang. Shwedagon Pura ah cun ralkap a tanhtu cheukhat pawl cu an i bu hna. Interview tuah a timtu thawnglatu pawl cu heh tiah an hrocer hna.

Naypyitaw ah cun lampi khat in ralkap a tanhtu pawl heh tiah trucks in an i chok lulh hna. Nawlngeihnak kan chuh (aanating) hi phunghrampi kan kilven caah a si i, phung (law) ning tein kan tuahmi a si, tiah Jan. 30 ah ralkap nih thawng an thanh. Ralkap nih an duh in an suaimi 2008 phunghrampi ah hin democracy ningtein election tuah cu a onh ko hna nain, khat te lei kap ah, lakhruak in ram chung nawlngeihnak chuh than khawhnak nawl (state of emergency) zong a onh ve fawn hna.

Feb. 1 Monday zinglei 3 hrawngah khan cozah wankyi (ministers) pawl, lawmakers pawl, catialthiam minthang, video zeihtu pawl, activists pawl cu ralkap nih an tlaih hna. Zing nichuah hnu in cun ralkap phung ningin kan tuahmi a si, tiin an thanh colh. Vawlei pumpi ah politics ruang i thong a tlami vialte lakah minthangbik pakhat ah ai tel ve mi Suu Kyi cu kum 15 lenglo chung a inn tangah thong an thlaak hnu ah tutan ah a inn ah thong an vun thlak than. Walkie-talkies (phone bantuk i chonhnak seh) phunglo in Import na tuah, tiin taza an vun cuai colh. Ralkap nih taza nan cuaimi hi politics ning tein tuahmi a si caah a rannak in kan chuahpiak u, tiah NLD party lei nih an duhnak an langhter. Ralkap nih nawlngeihnak an chuhmi hi (coup) thil dawhcah a si lo, tiin Feb. 1 ah khan Suu Kyi aiawh in NLD party nih capar an chuah.

Tutan ralkap tuahsernak nih hin dictatorship tangah kan ram hi a phaakter te lai, tiin Suu Kyi min tial chih in capar an chuah. A minthut belte cu a um kho lo. Election firnak ralchanh in duhlonak kan tuahmi zei ah an kan relpiak lo caah nawlngeihnak hi kan chuh hna lo awk a tha lo, tiin MAHlaing nih a chim. A cozah thar zong cu a dirh colh. Tutan election ah faakpi in thil ai ningcanglo mi a um lo, tiin independent international poll waters nih an chim.

Ralkap cozah nih Myanmar a uknak hi 1962 in 2015 tiang a si. 2015 ah khan Suu Kyi party NLD nih buan a co. Cu ko bu zongah cun security forces le a dang a biapimi ministries (wankyi thanah) cu ralkap nih ai tonenh tehtuh ko rih.
Nov. 8 lio i ralkap nih an i tlaihmi party USDP cu Suu Kyi NLD nih 80% tluk tam in buan a co kanh i, cu ruang ah cun tutan i ralkap nih nawlngeihnak an chuh hi ai thok cang.

Election hlan, lio le, hnu chung vialte hi vote kongah ralkap an lung a hring i, election ah dehhlennak a um, tiin solhphelhnak lam lawng an kawl cang. Million 30 nih an thlakmi vote lakin cheuthum ah cheukhat tluk hi lih in vote an pekmi a si. Cucaah EC nih thatein kan ruahpiak than u, tiah January canceu tein khan MAHlaing nih a ti cang hna.
Vote thlatu cazin kan dohthlai i, election results a thleng kho ding taimai in ai palhmi a um lo, tiah EC nih an leh. Vote peknak nawl a ngeitu hna min cazin kan piah u, tiin ralkap nih an hal hna nain, EC nih an pe duh hna lo. Vote pe kho min cazin a dik le dik lo chek kan duh, tiah ralkap nih an chim. Hi kongah EC hi comment hal khawh an si lo.

Jan. 26 tein khan Ralkap Coup hi a um kho mi a si, tiin an lung re a thei cang. Cu lio ah cun ralkap aiawhbiachimtu Zaw Min Tun nih โ€œa um lai lo kan ti kho loโ€ tiin a rak ti bal hna. Phunghrampi an zulh lo ah cun Coup hi kan tuah ko lai, tiah a thaizing ah MAHlaing nih a chim. Kum 75 a si cangmi Suu Kyi le July ah hranhram in pensen laak ding a si cangmi kum 64 minung Min A. Hlaing an i pehtlaihnak hi a tha ruam lo i, thla tamial chung an i chawn lo, ti a si. Cu tikah, an aiawh minung veve lawng Naypyitaw le Yangon ah an tonter tawn hna. Naypyitaw ah cun Suu Kyi hi ralkap hlun a si mi Kyaw Tint Swe nih ai a awh i, Yangon ah cun caan saupi a hawi tha a si mi le a pumpaak doctor a si mi Tin Myo Win nih ai a awh.

Kaphnih tonnak an ngeihmi hi ni 4 chung a rau, ti a si. Ralkap lei nih an halmi hi phun 3 a si. Feb. 1 i parliament onnak a ni thawn ding, EC pawl thenhmal i ser than ding, cun ralkap mithmai ka te ah election tuah than ding. Jan. 29 zanlei 5 kha ralkap nih a nithla an tukmi cu a si. Suu Kyi lei nih zeibantuk dah ralkap sinah an pek hna, ti hi Reuters zong nih a thei phaak ti lo. Parliament house 2 lak i 1 deuh onnak puai cu Feb. 2 ah tuah a si te lai, tiah Jan. 29 ah state media nih a thanh. Tonnak kan thok hlan tein khat le khat kan i zumhlonak, kan i hmuhthiamlonak hi a zualtuk cang. 1980 i NLD a dir tein khan ralkap he an i hmuthiam ti lo.

Ralkap hmaika a lu khun dingin cun Suu Kyi hi ai hnir sual lo, tiin amah nainiam minung nih a chim. Ram a buai, kanmah lei tang an tamtuk, tiin ralkap lei nih mipi an lung vaivonhter an i tim, tiin Suu Kyi lei minung pakhat nih a chim. Ralkap nih Coup an tuah lai hi a fiang ko. Cucaah cu tlaih dingin ka hngaak ko hna. Ka thil kai tim cang, tiah phone in Suu Kyi a dirkamhtu Win Htein nih Jan. 29 ah khan Reuters a hei chimh hna.

๐ˆ ๐‚๐š๐ฐ๐ก๐ฆ๐ž๐ข๐ก ๐š ๐ฎ๐ฆ ๐ฅ๐จ; 2008 phunghrampi kan dirkamh lai, tiin Jan. 30 ah ralkap nih thawng an thanh hnu in cun kaphnih karlak i buainak cheukhat cu a dai colh. Ramdang a va/a thimi paoh cu President tuan khawh a si lo, tiin ralkap nih 2008 phunghrampi ah an telh i, Suu Kyi hi president tuan kho lo dingin an kham. Tleicia British mi a va pa he Bristish minung fapa 2 a ngei. Cu tikah, State Counselor dirhmun lawng ai tonenh khawh. Cucu Head of State dirhmun tluk a si i, amah caah ciammaam in an serchommi a si. 2015 lio bantuk tein tutan zongah a party nih election a tei than caah, amah hi President siter an timh cang.

Cawhmaih in Min Aung Hlaing tu hi Suu Kyi nih President a tuanter lawlaw kho men, tiin a cheukhat nih an chim.
Kaphnih (ralkap le NLD) lakin President candidates hi thim an si kho men, tiah mi tampi nih an zumh. Cun keimah lila zong nih cucu ka zumh ve, tiah civil cozah adviser pakhat nih a chim. Jan. 29 a nithla an tukmi cu a phan, asiloah zeihmanh lungtlinnak an tuah kho lo. Phunghrampi kan upat ko lai, tiin Jan. 30 ah ralkap nih an ti ko nain, a thazing in cun ralkap nih nawlngeihnak an chuh hna lai, timi tihphannak lawng a karh chinchin cang. Jan. 31 in cun Naypyitaw lei ah ralkap pawl hmuh len awk in an um cang. Tutan biaruahnak hi ai rawk kho men, cu caah ralkap Coup hi a um kho mi a si, tiin cu ni ah cun cozah aiawhtu pakhat nih ralrinpeknak a chim bal.

A ralrin pekmi cu a dik bak. Myanmar 53 million mipi an thin a thi in an i hngilh that saling, zinglei 3 hrawngin cun ram pumpi cuul in minsters, lawmakers, minthang activists pawl le ralkap a dohtu ah minthang a si mi phungki (monk) pawl cu ralkap pawl nih an tlaih colh hna. Tlaih asiloah le an inn ah erh colh hna, hi an i tinhmi cu a si.
Internet line phih viar dingin Telecommunication company pawl zong cu ralkap nih an luhhnawh colh hna. Zing 3 in cun an company hnarcheu tluk cu internet an ngah ti lo, tiah independent cybersecurity monitoring group NetBlocks nih a chim. Credit: Chelsea Bawi