๐†๐ž๐ซ๐ฆ๐š๐ง๐ฒ ๐š๐ก ๐„๐ฅ๐ž๐œ๐ญ๐ข๐จ๐ง ๐’๐ž๐ซ๐ฏ๐ž๐ซ๐ฌ ๐Š๐จ๐ง๐ ๐š๐ก ๐‚๐ˆ๐€ ๐ฅ๐ž ๐”๐’ ๐‘๐š๐ฅ๐ค๐š๐ฉ ๐š๐ง ๐ˆ ๐Š๐š๐ฉ ๐ˆ ๐€๐ง ๐“๐ก๐ข ๐“๐ข๐ฆ๐ข ๐Š๐ก๐š ๐“๐ก๐š๐ฐ๐ง๐ ๐ฉ๐š๐ง๐ 

F๐š๐œ๐ญ ๐œ๐ก๐ž๐œ๐ค: ๐†๐ž๐ซ๐ฆ๐š๐ง๐ฒ ๐š๐ก ๐„๐ฅ๐ž๐œ๐ญ๐ข๐จ๐ง ๐’๐ž๐ซ๐ฏ๐ž๐ซ๐ฌ ๐Š๐จ๐ง๐ ๐š๐ก ๐‚๐ˆ๐€ ๐ฅ๐ž ๐”๐’ ๐‘๐š๐ฅ๐ค๐š๐ฉ ๐š๐ง ๐ˆ ๐Š๐š๐ฉ ๐ˆ ๐€๐ง ๐“๐ก๐ข ๐“๐ข๐ฆ๐ข ๐Š๐ก๐š ๐“๐ก๐š๐ฐ๐ง๐ ๐ฉ๐š๐ง๐  ๐‡๐ฆ๐š๐ง๐ฅ๐จ ๐€๐ฌ๐ข
===============================================================
Kan hnu leiah US election kongah thawngpang diklomi Germany ah CIA le US ralkap an i kap tiin biatak tein thawngpang deu a hung thang. Lai media zong nih biatak tein an tial lulh cio i kan Lai mifim ai timi mitampi zong nih cu lih fangfak bak cu asi takmi ah an ruah caah an chim lengmang i cu kong cu vun tial lo awk a thatlo caah a atang leiah fiangtein kan vun tial. Air Force Lt. Gen. hlun Thomas McInerney nih Nov. 28 ah khan Woldview Radio & WVW-TV ah cu thawngpang cu a thlah, ti a si. Cucu US daily newspaper nganbik USA Today le Associated Press News nih biatak tein dothlatnak an tuah colh.

โ€œThe US Army, the US Special Forces Command nih Germany ram, Frankfurt ah a ummi server company cu an luhhnawh. Cu ti an va kah lio hna ah hin thil dikhman lomi a um lo ti khawh asi lo. Zeiset dah a cang, timi belte cu fiangin ka chim kho lo. Hi kongah hin kai ralrin a hau ve. Tu nai te tiangin theihmi thawngpang a si. A hramthok thawngthanhnak ka tuah lio ah khan US ralkap an thi, tiin ka chim balโ€ tiin a chim. Nov. 12 lio i Egypt ram i helicopter a tla i a thimi US ralkap 5 kha a ngaingai ti ah cun Germany i kahnak an tuah lio i a thimi an si, tiin Facebook ah Steve Willingham nih a ruahnak in cu Egypt i US ralkap a thimi kha Germany ah cangmi asi tiin hei taarpiak chin ve.

Chim chin mi tuanbia nih a langhter ningah cun, ralkap 5 hi training tuah lio ah a thimi an si. Asinain, General McInerney belte nih a chim ning belte ah cun, hi ralkap 5 hi CIA Server Farm an luhhnawh lio ah a thi mi an si, ti a si ve, tiah Nov. 30 ah khan Steve nih Facebook ah a tial. McInerney, Worldview Radio & WVW-TV le, Willingham cu USA TODAY nih cu thawngpang cu biatak tein leklak tiah an hal colh ve hna nain, zeihmanh an chim duh ti lo ai!
Thawngpang hman lomi an chim mi kongah ikahnak zong a um lo i ralkap zong an thi lo, US election he pehtlaiin computer servers hrawh dingin US Army nih Germany a luhhnawh hrimhrim lo. Hi tuanbia hi a diklomi thawngpang asi tiin US daily newspaper nganbik USA TODAY nih US mipi le vawleicung mipi sinah ca an tial.

๐ˆ ๐ค๐š๐ก๐ง๐š๐ค ๐ณ๐จ๐ง๐  ๐š ๐ฎ๐ฆ ๐ฅ๐จ ๐œ๐š๐š๐ก, ๐ฆ๐ข๐ญ๐ก๐ข ๐ณ๐จ๐ง๐  ๐š๐ง ๐ฎ๐ฆ ๐ฏ๐ž ๐ฅ๐จ.I kahnak an tuah, timi thawngpang hi a diklo mi a si, tiin US Army Special Operations Command le US Army Public Affairs hna an aiawhbiachimtu hna nih the Associated Press ah fianternak an tuah colh ve. โ€œUS nawlngeitu hna nih hi thawngpang hi a palhmi an siโ€ tiin an chim. August lio i California i helicopter a cansual ruang i ralkap 2 an thih dah ti lo kha cu, nihin tiangah SOC i a ralkap pawl thihnak an ton hi a um hraw lo. February lio i raltuk ruangah Afghanistan i a thimi hna kha nehhnubik raltuknak in a thimi thawngpang kan theihmi a si, tiah Military Times nih a chim ve diam. Nov. 12 lio i Sinai, Egypt i helicopter in a thimi 5 hna kha remdaihnak kalpitu ralkap an si. Helicopter a tlaknak a ruang hi nihin tiang hlathlai a si ko nain, raal kut nehnang tehte a um lo i, accident sidawh bik a si ko, tiin the Associated Press nih a chim.

๐— ๐—ฐ๐—œ๐—ป๐—ฒ๐—ฟ๐—ป๐—ฒ๐˜† ๐—น๐—ฒ ๐˜๐—ต๐—ฎ๐˜„๐—ป๐—ด๐—ฝ๐—ฎ๐—ป๐—ด ๐—ฑ๐—ถ๐—ธ๐—น๐—ผ; Hi kongah McInerney biachimmi hi cohlan awk a tlakmi a si lo, tiah USA Today nih a ti. 1994 liopi khan Air Force ralkap rian in ai din (Retire) a tuah cangmi a si diam ai. A tuanbia zoh tikah lihchim le a biachim ai kalh mi pa a si, ti a lang tiin Today nih a chim. 2010 lio ah khan, President Obama a birth records a dik le diklo Media Matters ah biahalnak a rak tuah bal. Obama hi US ah a chuakmi a si lo, tiin a lih in a sual kawl hnu ah, 2008 lio ah khan Hawai ah a chuakmi a si nak kha Obama campaign nih online ah a rak langhter bal ti asi.

McInerney hi Fox News biachimtu a si bal i, โ€œSen. John McCain hi North Vietnam ah kum 5 chung war prisoner (raalram thongtla) a si bal i hrem a rak tong bal,โ€ tiin Arizona Republic a lih in a chim caah, 2018 ah khan an sin biachimtu ah sawm ti lo dingin Fox News nih an rak duh ti lomi pa asi. Germany i election servers an va tuknak ah US ralkap an thi, timi thawngpang hi a diklo mi a si, tiin research kan tuahmi nih a langhter, tiah USA Today nih a ti. Germany ah i kahnak kan tuah lo, mithi zong an um fawn lo, tiin US Army an aiawhbiachimtu zong nih an fehter cangmi a si. Nov. 12 i helicopter in a thimi ralkap 5 kha cu Egypt i remdaihnak mission a kalpitu an si.โ€™ Credit: Chelsea Bawi