๐„๐ฅ๐ž๐œ๐ญ๐จ๐ซ๐š๐ฅ ๐‚๐จ๐ฅ๐ฅ๐ž๐ ๐ž ๐ก๐ž ๐๐ž๐ก๐ญ๐ฅ๐š๐ข๐ข๐ง ๐‚๐จ๐ง๐ ๐ซ๐ž๐ฌ๐ฌ ๐š๐ก ๐๐ฎ๐š๐ข๐ง๐š๐ค ๐“๐ฎ๐š๐ก ๐ฅ๐จ ๐ƒ๐ข๐ง๐ ๐ข๐ง ๐Œ๐œ๐‚๐จ๐ง๐ง๐ž๐ฅ๐ฅ ๐ง๐ข๐ก ๐†๐Ž๐ ๐ฉ๐š๐ฐ๐ฅ ๐‘๐š๐ฅ๐ซ๐ข๐ง ๐š ๐๐ž๐ค ๐ก๐ง๐š

๐„๐ฅ๐ž๐œ๐ญ๐จ๐ซ๐š๐ฅ ๐‚๐จ๐ฅ๐ฅ๐ž๐ ๐ž ๐ก๐ž ๐๐ž๐ก๐ญ๐ฅ๐š๐ข๐ข๐ง ๐‚๐จ๐ง๐ ๐ซ๐ž๐ฌ๐ฌ ๐š๐ก ๐๐ฎ๐š๐ข๐ง๐š๐ค ๐“๐ฎ๐š๐ก ๐ฅ๐จ ๐ƒ๐ข๐ง๐ ๐ข๐ง ๐Œ๐œ๐‚๐จ๐ง๐ง๐ž๐ฅ๐ฅ ๐ง๐ข๐ก ๐†๐Ž๐ ๐ฉ๐š๐ฐ๐ฅ ๐‘๐š๐ฅ๐ซ๐ข๐ง ๐š ๐๐ž๐ค ๐ก๐ง๐š
==================================
Georgia i Senate thutdan 2 a lawngmi tinco kan duh caah hin, President Trump nih Electoral College results heh tiah a buaihnawh mi ah i tel riangmang in maw buai len i tim hna lai u ci, tiin Tuesday ah khan Majority Leader Mitch McConnell nih a GOP senators hawi pawl ralrin a pek hna. Senate vun control khawhnak dingah lai a reltu ding Georgia senate thutdan 2 tinco i, Biden chan ah Republican lei nih hmunhma tha an i ngeih khawhnak dingah, ai thenhmal tuk cangmi Republican Party hi McConnell nih mipi theih in siseh, cun pumpaak hrimhrim fumtom than dingin heh tiah thazaang a chuah.

Zinglei sang i Senate speech a tuah lio ah, Republican leader McConnell nih President-elect Biden a conglomhnak a chim rualrual in, Trump nih donghnak um lo tluk ti awk in rian a limmi vialte cu vantawng in a vun thlircawipiak. Cu hnu cun, a khel ai mer than i, election results namhneh dingin Jan. 6 i Congress 2 kawp in tonnak an ngeih tikah khin Electoral College kongah maw biaalnak chuahpi citcet lai u ci, tiin McConnell nih a Republican senators hawi pawl ralrin a vun pek hna.

Ti buaibainak nih cun Republicans hi faaktukin vote a sunghter phah te lai, tiah McConnell nih a chim. Trump maw nan dirpi rih ko lai, asiloah mipi hngaan bakah nan hnon lai, timi duhthimnak an tuah a hau cang lai. Jan. 5 i Georgia i senate thutdan 2 i cuhnak hi hnursuan a si sual lai Republican pawl an thin lawng an i domh. Jan. 5 ah an term a dih a si cangmi Repulican Senators David Perdue le Kelly Loeffler nih hin Democratic lei in anmah a dironhtu hna Jon Ossoff le Raphael Warnock an si. Hi state hi Biden nih buan a conak a si fawn. Trump nih a tuahtuanmi tamdeuh hi cu McConnell nih faakpiin a dirpi zungzal. Asinain, Election Day in zarh 6 hnu ah cun Kentucky senator McConnell cu president a si chom dingmi Biden he i ngalhthiamnak dirh a duh ve cang caah, cun amah a leadership team zong nih cun an forhfial ve caah, cun President Trump zong a office a chuahtaak chom ding a si ve cang caah, Republican Party a thenhmal khotu buainak paoh cu a si khawh chungin hrial ai tim ve cang. Senate Speech i biachimnak a thok le cangka, โ€œPresident-elect Joe Biden hi von conglomh ka duhโ€ tiin McConnell nih a chim.

โ€œTutan presidential election hi phungdang ngaiin a phi a chuak te lai, tiin mitampi nih ruahchannak kan ngei. Asinain, Jan. 20 ah mizei nih dah President biakamnak a tuah lai, timi he pehtlaiin kan cozah system nih phung ai ngeih ko. The Electoral College zong nih tehte an langhter ko cang,โ€ tiin McConnell nih a chim. โ€œCampaign tuah dingin Georgia lei ka panh lio ah McConnell ka hei chonh i, Senate biachimhnak a ngei lio a biachimmi he pethlaiin a cungah ka lunglomhnak ka hei langhter. Kan pahnih ka biaruah a tluang ngai. McConnell, kan pahnih tein rian kan tuanti khawh dingmi thil tampi a um ko hi aw, tiin amah zong cu ka chimh ve,โ€ tiah Biden nih thawnglatu sinah a chim.

Daitein in zarh tamlak a um hnu i a tu bantuk i Senate hruaitu McConnell a vun cawlcangh hnu, cun Monday i Electoral College nih vote zong an pek hnu in cun, a dang Republican hruaitu pawl zong cu an aw aan an vun thanh lulhmalh cio hna. Republican tampi nih Biden hi teitu ah an pumpaak cio in cun an cohlan cang ko. Trump nih election a dohnak hi an hnon cuahmah cang hna, tiin Republican hruaitu nih an chim lawlaw cang. Cu ti in cun an tikhaam cu ai bauh phut cang. Trump a minung a si mi Lindsey Gramham (S. Carolina) le 2012 lio i GOPโ€™s presidential nominee Mitt Romney (Utah) tel in GOP senators tampi nih Biden hi bia an i ruahnak kong an chim. Presidential campaign chung i harnak a tonmi lengluang na intuar khawhmi le, kan ram i office a sangbikmi President office ah rian na tuan dingmi kongah na cungah kai lawmg hringhran, tiin Romney nih Biden cu phone in lombbia a heih chimh. Hmailei i cang kho mi politic boruah he pehtlaiin phone chungin cun an pahnih biaruahnak an ngeiti, tiah theih a si.

McConnell zong a holh ve cang caah, a tu cu a za le za citcek cang, tiin Senate Democratic leader Chuck Schumer nih a chim. Cucaah, Trump nih a term hi velngeihnak le zohdawhnak a pelte tal he a donghnak a tuah awk a si ve cang, tiah Schumer nih a chim. Asinain, Trump nih cun Tuesday tiang zongah khan twitter in vote a tomtom in fir a um, tiin a tial peng ko rih. Amah le a rian te cu si kaw. Electoral Collge results namhneh awk a si maw si lo, tiin Jan. 6 i Congress nih vote an pek te tikah khin buaibainak tuah dingin GOP lawmakers cheukhat pawl timhlamhnak an ngei, tiah theih a si. Trump a legal team nih hin Jan. 20 i President namhneh (Inauguration) tiang khi dironhnak pehzulh rih ding awk a si, tiin a micheu nih an chim.

Biden hi President-elect ah na cohlang kho maw, tiin Tuesday ah khan House Republican leader Kevin McCarthy an hal i, a leh a duh hna lo. Congress 2 kawp in Electoral College results vote an pek te tikah khin challenge tuah dingin House Republican pakhat a si mi Alabama i Rep. Mo Brooks nih timhlamhnak a ngei. Congress 2 nih tonnak an ngeih tik i challenge tuah khawh dingah cun House le Senate in member pakhat veve tal nih an tuah a hau. GOP senator lei in challenge an tuah lai le tuah lai lo hi ai fiang kho rih lo. โ€œElectoral College hi maw vun challenge citcet hna lai u ci. Santlaihnak a ngei ding a si lo. Zeicahtiah, Democrat nih hin Speaker Nancy Pelosi tangah the House majority hi an i tonenh cang mi a si,โ€ tiin Senators John Thune (S. Dakota) le Roy Blunt (Missouri) telh in McConnell nih GOP senators pawl ralrin an pek hna.

Electoral College ah challenge tuah dingin mah le senators hawl pawl kan hneektuk sual hna ah cun, 2022 i an i thim than tikah harnak an tong te ding khi a fiang ko, tiin GOP hruaitu pawl nih ralrinnak an pek chap hna. Republican senator lei in hi kongah ralchanhbia a chimmi an um ruam rih lo. Wednesday ah khin election firnak kong he pehtlaiin Homeland Security Committee ah chairman a si mi Wisconsin Republican Sen. Ron Johnson nih biachimnak a ngei lai. Asinain, EC results challenge tuah dingah House Republicans dirpi ai tim lem lo, tiah a aiawhbiachimtu Austin Altenburg nih a chim. Election kong he pehtlaiin Tuesday i McConneel nih Senate i biachimnak a tuah mi nih Washington a lauter. โ€˜Biden hi mipi rian a tuannak kum tampi a si cang mipa a si. Harris zong hi Americal vialte nih kan i uan awk a si, zeicahtiah kan tuanbia chungah amah lawnglawng hi nunau Vice President hmasabik a si,โ€ tiin McConnell nih conglomhnak a pek hna.

โ€œPresident Trump nih Washington thlircawi dingin bia ai kamh bangin, kum 4 a tuan chungah rian lianngan tam lengluan a kan tuanpiak taktak. Supreme Court biaceihbawi ca i minng 3 Senate a namhnehter khawhmi hna telhchih in a dangdang a limmi rian hi khuaruahhar an si,โ€ tiin McConnell nih Trump a faknak kong zong a chim. State kip nih an election results fehternak an tuah hnu in cun, Republican pawl hi a biapimi duhthiamnak tuahhau an si ruangmang cang โ€“ Biden hi President-elect ah a cohlan lai maw, asiloah election a khupthal leh dingin Trump nih faaktukin karhlannak a tuah lio ah ai tello bantuktein daiter in dah an dir ziar lai. โ€œA caan ah cun music hi hranhram in na ngeih ah hauh caan a um tawn. Electoral College nih hi biasuu an ceih tik ni ah khin cun, mivialte an cawlcangh caan a si ve te ko laiโ€ tiin No. 2 GOP leader Thune nih Monday ah khan a chim. Vote a tomtom in an fir, tiin hrihhram ngei lo piin Trump nih a chim lengmang mi nih hin kan election system zum ngam lo dingin American mipi an lung a tuaiter te hna lai, tiah tuanbia lei mithiamsang le politicians pawl nih an chim.

Trump nih tazacuainak a sawmsawm in a tuah i, American minung a thong a sang nih an thlakmi, abikin mail in an thlakmi, vote pawl hi hlonhpiak viar ai tim. โ€œEleciton results a khupthal let khotu vote firnak tehte pakhat hmanh a um lo,โ€ tiin Monday ah khan Attorney General Barr nih a chim ko bu zongah cun, Trump i a legal team pawl nbih cun votepeknak kongah thil ai ningcanglo mi tampi a um, an ti peng ko rih. โ€œTutan election hi a fair mi te a si ko, cucaah dotla zong a si,โ€ tiin Republicans pawl telhchih in State election officials nih an chim. Key states ah Trump nih tazacuainak a tuahmi ralchanh in kan hnungzarh ah khan US Supreme Court nih biachahnak an tuah. Cu nih cun Trump nih tazacuainak a kalpimi hi ceilakin a hnursuan. House Republican 120 hrawng nih min thut in an kalpimi tazacuainak zong cu meihol ah ai cang dih cang. Credit: Chelsea Bawi