๐„๐ฅ๐ž๐œ๐ญ๐ข๐จ๐ง ๐‘๐ž๐ฌ๐ฎ๐ฅ๐ญ๐ฌ ๐๐š๐ฆ๐ก๐ง๐ž๐ก๐ง๐š๐ค ๐“๐ฎ๐š๐ก๐ฆ๐ข ๐‘๐ž๐ฉ๐ฎ๐›๐ฅ๐ข๐œ๐š๐ง๐ฌ ๐ง๐ข๐ก ๐š๐ง ๐Š๐ก๐š๐ฆ ๐ก๐ง๐ฎ ๐š๐ก ๐Œ๐ข๐œ๐ก๐ข๐ ๐š๐ง ๐ข ๐š ๐๐ ๐š๐ง๐›๐ข๐ค๐ฆ๐ข ๐‚๐จ๐ฎ๐ง๐ญ๐ฒ ๐ง๐ข๐ก

๐„๐ฅ๐ž๐œ๐ญ๐ข๐จ๐ง ๐‘๐ž๐ฌ๐ฎ๐ฅ๐ญ๐ฌ ๐๐š๐ฆ๐ก๐ง๐ž๐ก๐ง๐š๐ค ๐“๐ฎ๐š๐ก๐ฆ๐ข ๐‘๐ž๐ฉ๐ฎ๐›๐ฅ๐ข๐œ๐š๐ง๐ฌ ๐ง๐ข๐ก ๐š๐ง ๐Š๐ก๐š๐ฆ ๐ก๐ง๐ฎ ๐š๐ก ๐Œ๐ข๐œ๐ก๐ข๐ ๐š๐ง ๐ข ๐š ๐๐ ๐š๐ง๐›๐ข๐ค๐ฆ๐ข ๐‚๐จ๐ฎ๐ง๐ญ๐ฒ ๐ง๐ข๐ก
====================================================

โ€œMichigan khualipi Detroit ah Vote kongah ai ningcanglo mi a um,โ€ tiin Republicans nih lunghrinnak menmen in an chim hnu ah election results zong an khampiak beh hna. Asinain, cu ti an khampiak hna suimilaam tlawmpal lawng a rauh rih ah khin, Wayne County ah a ummi bipartisan biaceihzung nih election results namhnehnak cu a vun tuah than colh ve.

Election results hi kan namhneh lai maw namhneh lai lo dah, timi kongah the Wayne County Board of Canvassers pawl khat le khat hmuhning i zat in (2-2) an um hna. Democratic lei in 2 nih namhneh an duh, Republican 2 nih nanhmeh lo an duh ve. Election hnu i zohthannak tuahmi kongah thil ai thlengnawnmi tete a um an hmuhmi kongah an lungre a thei veve hna. Detroit i election kan tuahmi hi thianghlimtein a kal ko, tiah Democratic officials le nonpartisan experts pawl nih an dirpi colh ve.

Michigan ah hin Biden nih vote 148,000 lenglo in Trump hi a tei/hleih i, Wayne County zongah Biden nih Trump lonh in vote 322,000 a hmuh.

Election result namhnehnak ralchanh in vote an thlaak hmasa ah khan Trump ai lunghmuih ngai i, โ€œGOP members pawl hi mi raltha nan siโ€ tiin a thangthat len hna. โ€œMichigan ah vote dehhlennak faaktukin a tlung. Cucaah Michigan hi keimah vo coter dingin officials pawl nih khua an khaan awk a siโ€ tiin Trump nih a chim.

Tazacuainak le the Electoral College hmangin Trump nih election results pawl hi a lang le tlangin remhsiam ai tim peng. โ€œElection results namhnehnak tuah lo dingin khua an khaanmi nih hin Republican state legislator i Electors pawl thiam khawhnak lam a onpiak te hna lai,โ€ tiah Trump campaign advisers pawl nih an chim. โ€œMichigan pumpi i popular vote hi upat kan pek lai, cucaah election a umkalnak hi kan hnursuang lai lo,โ€ tiin Michigan ah a ummi GOP lawmakers pawl nih a tu le tu an chim.

Results namhnehnak tuah dingin biachahnak an tuahmi thawng an thanh lio ah Election hnu i zohthannak an tuahmi i thil ai ningcang lo mi tete audit tuah dingin Michigan Secretary of State Jocelyn Benson cu Board nih rian an fial. โ€œAudit cu ka tuah ko lai. Results namhnehnak tuah than dingin a tu bantukin county board nih biachahnak an tuahmi cungah kai lawm,โ€ tiin Benson nih a chim.

โ€œBiatak nih buan a co than, ti a lang. A hramthok tein khan a phi a fiang ko cang. Thil hmete kongah dah ti lo ah cun, ai ningcanglo mi zeihmanh a um lo, vote dehhlennak tehte a um lo. Board pawl nih thil dik an tuah, tiah ka ruah. An rian te an tuan, Wayne County i votepetu pawl caah election namhnehnak an tuah taktak cang,โ€ tiah Benson nih a chim.

๐‘๐ฎ๐š๐ก๐ฅ๐จ๐ฉ๐ข๐ข๐ง ๐š ๐Š๐ก๐ฎ๐ฉ๐ญ๐ก๐š๐ฅ ๐ฅ๐ž๐ก ๐š ๐ฌ๐ข; Sautuk te bia an thlaak khawh lo tikah cun, Wayne County i result namhnehnak hi Michagan state chung result namhnehnak tuah tikah si lo in a dangtein tuahpiak a hau te kho mi a si, tiin expert pawl an lungre a rak thei ngai. Cu ti hna i a dangtein namhnehpiak hau a si taktak ko ah cun, Michigan i Biden nih buan a co cangmi hi vaivonh a tong kho than mi a si. โ€œMichigan vote 16 hi Biden nih a co lo bu zongah mark 306 a hmuh thiamthiam lai i, president cu a tling thiamthiam ko lai,โ€ tiin CNN nih a chimchung cang.

Tuan i Republican lei nih khamnak an tuahmi hi thil dawhcahlo a si i, mah le tuanvo i theih lo bia zong a si, tiin Wayne County Board of Canvassers meeting thut lio ah Vice Chair Jonathan Kinloch nih a chim.

โ€œHi kan board nih hin bia kan ceih tikah politics luhpi lo dingin kum tampi chung kan kham khawh bal cang. Vanrang tang a ummi kannih nih tutan election results namhneh lo nak ding a ruang pakhat hmanh kan i ngeih lo. Nihin kan meeting ah hin politics nih hmunhma a laak, tiah ka ruah. Hi ti ning hna i a si thai ko ah cun, thil ai pehtlai lo mi le lenglei biaka nih nihin kan biachahnak hi a zungzal a uk cang lai hihโ€ tiin Kinloch nih a chim.

A hmasa i results namhnehnak a dohnak a ruang cu Republican chiar of the board Monica Palmer nih fianternak a tuah. โ€œBawm chung i ka hmuhmi le ka relmi poll cauk chirhchan in cun boll books chungah a ummi thil sining le thawngpang hi tlingtein le dikfeltein theih khawh a rak si lo ka vun fiang cang,โ€ tiin a chim.

Detroit konglam tu hi cu kan board nih a tlaih lo caah, amah Detroit dah ti lo hin cun, Michigan chungum county dang vialte i results paoh hi cu kan board nih namhnehpiak kan i timhmi te a si ko, tiah Palmer nih a chim. โ€œDetroit dah ti lo cu a dang communities paoh cu hi namhnehpiak duahmah dingin ka duhnak ka langhter ko lai,โ€ tiah a chim.

Poll books kongah thil ai ningcang lo mi tete cu um phung a si ko. Asinain, cu bantuk thil a um ai pat, ti ruang i vote thlakmi le relmi paoh ai ningcanglo viar i chiah cu a phung a si lo, tiin Benson nih a chim. Namhnehnak kham hnu i a tu bantuk i biachahnak an tuah than mi kongah Election experts le Michigan kong a theitu hna an khuaruah lei a har dih hna.

โ€œMipi voice a thawng a thang ko: Vote 140,000 lenglo in Joe Biden nih Michigan ah buan a co cang. Nihin tuahsernak nih hin votepetu pawl an lung a zorter ngai ko. Asinain, election hi kalpi a si rih lai. Michigan law ningah, Board of State of Canvassers nih an rian an lim chom lai i, an rian an lim le cangka election results namhnehnak zong an tuah colhlai, tiah ruahchannak ka ngei ko,โ€ tiah Gov. Gretchen Whitmer, Democrat, nih a chim.

โ€œMichigan cozah tuanbia i kum 20 chungah tutan thil sining hi avoikhatnak bak a si,โ€ tiin Detroit Free Press ah catialtu Nancy Kaffer nih a chim. โ€œHika ah siseh, kadang ah siseh, vote dehhlennak (fraud) a nehnang hrimhrim a um lo (zero a piah). Republicans lei nih Results namhnehnak a khammi nih hin caan saupi chung kan organizations a chiatchuah phah te lai,โ€ tiah nonpartisan Cook Political Report ah a tuanmi Amy Walter nih a chim.

Michigan election officials nih namhnehnak an tuah bantuk tein, president candidate vote pek a si tikah stateโ€™s electors pawl zumawk nan tlak hrimhrim hna lai, tiin biachahnak an tuahmi cu GOP nih a kutritmi Michigan Senate zong nih September tein khan hnatlakpinak a tuah cang. Cu thawngpang cung deputy chief of staff for Senate Majority Leader Mike Shirkey le Amber McCann nih CNN ah an chim. Credit: Chelsea Bawi

Leave a Reply

Your email address will not be published. Required fields are marked *