๐€๐ญ๐ญ๐จ๐ซ๐ง๐ž๐ฒ ๐†๐ž๐ง๐ž๐ซ๐š๐ฅโ€™๐ฌ ๐๐ž๐ฐ๐ฌ ๐‚๐จ๐ง๐Ÿ๐ž๐ซ๐ž๐ง๐œ๐ž ๐š๐ก ๐๐š๐ซ๐ซ ๐ง๐ข๐ก ๐“๐ซ๐ฎ๐ฆ๐ฉ ๐‘๐š๐ฅ๐œ๐ก๐š๐ง๐ก ๐ข๐ง ๐๐ข๐š ๐š ๐‚๐ก๐ข๐ฆ๐ฆ๐ข ๐๐ก๐ฎ๐ง๐ญ๐ก๐ฎ๐ฆ

๐€๐ญ๐ญ๐จ๐ซ๐ง๐ž๐ฒ ๐†๐ž๐ง๐ž๐ซ๐š๐ฅโ€™๐ฌ ๐๐ž๐ฐ๐ฌ ๐‚๐จ๐ง๐Ÿ๐ž๐ซ๐ž๐ง๐œ๐ž ๐š๐ก ๐๐š๐ซ๐ซ ๐ง๐ข๐ก ๐“๐ซ๐ฎ๐ฆ๐ฉ ๐‘๐š๐ฅ๐œ๐ก๐š๐ง๐ก ๐ข๐ง ๐๐ข๐š ๐š ๐‚๐ก๐ข๐ฆ๐ฆ๐ข ๐๐ก๐ฎ๐ง๐ญ๐ก๐ฎ๐ฆ
=================================
Attorney General Barr nih Justice Department a chuahtaak hlan ni 2 chungah, President Trump nih hrihhram um lo bakin election kongah tazacuainak a tuahmi faaktaktak in a mawhchiah i, President-elect Biden sin a sunghmi a sullam fianter duh ruang i mi sualkawlnak a kalpimi a donghnak a langhter ta. Vote firnak a um, timi kong hlathlai dingin Trump nih special counsel a fialmi hna cu Barr nih a hnonpiak i, federal cozah nih voting machine (seh) kong hlathlai ding taimai in a ruang hrihhram ka hmu lo, tiin a chim. Cu a biaka pawl cu kan hnung hrawnghrang i Trump a tanhtu pawl nih nawlnak an tuahmi vialte lunghrin tlaak an si zia a langhtertu an si.

Federal judge le IRS investigator pawl nih a konglam an hlathlai cuahmahmi Biden fapa Hunter Biden i a konglam hlathlai dingin Trump nih special counsel rian a fialmi hna zong cu Barr nih a hnonpiak. Russia nih kan US cyber tengnge ngan hi a hnursuan lai ka zum lo, tiin Trump nih a chimmi zong Barr nih a pom kho lo i, โ€˜Russia sidawh an si koโ€™ tiin a leh. 1988 lio i Pan Am Flight 103 terrorist nih bomb an puah mi kongah dantatnak thar tuah dingin thawngthanhnak a ngeih lio ah, amah a chawngtu dingah a ruahmi Deputy Attorney General Jeffrey Rosen cu bia a cah ta. Justice Department ah a ummi amah Rosen asiloah midang pawl hi politics kongah Trump nih deireet a chanh te hna lai, ti a phan caah a si.

Election kongah Trump nih lih in bia thanh hi thla 1 lenglo a si cang i, kan hnung zarh khan cun karhlannak phundang tuah chap ai tim. Sihni Sidney Powell le a minung former national security adviser Gen. Michael Flynn cu a meeting a kawh hna. Martial law hmang ko cang, tiin Flynn nih Trump cu a forh. Vote dehhlennak kong hlathlai dingin special counsel ah Powell rianpek a timhnak kong le, voting machine zohfelnak tuah than dingin federal cozah order chuahnak kong an ceih. Monday chunhnu ah khan Powell le Trump a sihni Rudy Giuliani White House lei ah an kir than.
November election ah vote firnak a tomtom in cun um dawh a si lo, tiin Barr nih a chim ruang ah Trump a thin a phawh ngingai. Cu ti a thin a phawh hnu cun, a rian in i din lawlaw dingin Trump he biaruahnak an ngei i, cu hnu ah kan hnung zarh in khan rian ai dinhnak kong a thanh hi a si. Vote fir a um, tiin Trump le a minung pawl nih zung ah tazacuainak an tuahmi cu Barr nih a tu le tu a hnonpiak hna caah, heh tiah Barr cu an doh.

Robert Mueller nih hlathlainak a tuahmi ralchanh in karhlannak a tuahmi siseh, cun Trump campaign le Russia kong FBI nih hlathlainak an tuahnak original capaar hlathlai than dingin US attorney pakhat rian a fialmi kha rian a tlaih chungah Barr nih chingchiah awktlak tein a tuahmi an si. Barr hi Cabinet chungah Trump a dirkamhbiktu a rak sibal. Election kongkau i Trump nih phungbuar ai timhmi pawl cu Monday ah khan Barr nih hnonpiak than ai tim. Asinain, Trump nih a caan a dih lei sang i phung he pethlaiin in lente ai celhmi hnahnawhpek piak ai tim than ti lo i, โ€˜Trump hi amah le mah ai ngaithiam kho maw?โ€™ tiin bia an hal ko nain a let duh ti hna lo.

A tanglei ah hin Barr nih mipi he tonnak hmun ah Trump kong a chim duh ti lo nak a ruang an um: Election kong i special counsel he pehtlaiin: – โ€œKa ser bal lo, nehhnu zongah ka ser lai loโ€ Vote fir (fraud) kong hi kan hlathlai lai, tiin Election hnu ah khan Justice Department nih thawng an thanh bal. Asinain, Dec. 1 The Associated Press he interview an tuah lio khan cun, โ€˜election an ka fir kanh,โ€™ tiin Trump nih hrihhram ngei lo in a chimmi cu Barr nih hrial hram a thok cang. โ€œNihin tiangah cun, election phichuah letthal kho lakin vote firnak tampi a umnak tehte kan hmu loโ€ tiin Barr nih a chim. Trump te tazacuaimi pawl biaceihzung nih an hnonpiak hna hnu in cun, election kong hlathlai dingin special counsel cu heh tiah an torhkhonh thiamthiam hna. Cu hna lakah cun voting machines ah thil ai ningcanglo mi a um, tiin a chim pengtu Powell zong hi ai tel.

โ€œVanchiat e tiah, election tam u ah hin vote firnak hi a um pah tawn ko. Hi kong hi kan daithlanh tuk deuh in ka thei. Asinain, Trump nih cun a cohlang duh lo nain, timh ciammamtein a tomtom in vote firnak a um lo, tiin an chimmi cu ka pompi bak ve hna. โ€ tiin Monday ah khan Barr nih a chim. โ€œHi kongah special counsel hi hman ruamtha le hman awk zongah ai tlaak ko, tiiin rak ruat ve ning law, pakhat in ka ser diam cang hnga. Asinain, nihin tiangah ka ser lo, nehhnu zongah ka ser fawn lai lo,โ€ tiin Barr nih a chim.

๐—ฉ๐—ผ๐˜๐—ถ๐—ป๐—ด ๐— ๐—ฎ๐—ฐ๐—ต๐—ถ๐—ป๐—ฒ ๐—ฏ๐—ถ๐—ต๐˜‡๐—ผ๐—ต ๐˜๐—ต๐—ฎ๐—ป๐—ป๐—ฎ๐—ธ ๐—ฑ๐—ถ๐—ป๐—ด๐—ฎ๐—ต ๐—ฎ ๐—ฅ๐˜‚๐—ฎ๐—ป๐—ด ๐˜‡๐—ฒ๐—ถ๐—ต๐—บ๐—ฎ๐—ป๐—ต ๐—ฎ ๐˜‚๐—บ ๐—ต๐—น๐—ฒ๐—ถ ๐—น๐—ผ. Powell le Giuliani nih hrihhram ngei lo piin an chim lengmang mi Voting machine zoh thannak kong cu, US cozah nih a ruahpiak hna i an zoh than ah a tha ko lai, tiin an timi cu Barr nih a duh thiamthiam lo. DHS nih Voting machines zoh than tuanvo a la kho lai maw, tiin Giuliani nih Department of Homeland Security ah deputy secretary a tuan lio mi Ken Cuccinelli cu a hal i, โ€œHihi cu kanmah DHS nawlngeihnak tangh a ummi a si loโ€ tiin a leh. Monday i a dirhmun a langhtermi kongah Barr hi ai fiang ngai ko. โ€œFederal cozah nih voting machine zoh thannak a lam le sul an ngei loโ€ tiin a chim.

Hunter Biden kongah special counsel ser a hau lo. Hunter Biden kong federal cozah nih hlathlainak a tuah i, cu a tuahmi kong cu election ai lim hlan ah cun thanh rih lo siseh, tiin Justice Department nih biachahnak an tuah cangmi a si. Cu kong i Trump a thin a huntuk mi nih Barr a rian ai dinhnak tiang a chuahpi phah cang. โ€œZeiruangah cun dah election ai lim hlan ah Hunter Biden kong hi Barr nih mipi sinah langhter a duh lo?โ€ tiin Barr rian ai dinhnak kong a Twitter i a tial ni 2 hlan ah khan Trump nih a tial. Cu hnu thok in cun Hunter Biden a kong hlathlainak tuah dingin Trump special counsel a fial hna. Hi kong hi Barr a chawngtu ding Rose liang cungah ai khing colh ding a si. Biden nih a attorney general nominee a thim hlan le Trump a president sinak a dih hlan dungdang ah ai hmaithlak colh hau a si.

Delaware i sihni pawl le IRS investigators pawl nih Hunter Biden hlathlainak cu an tuah lio pi a si. Cuhlan tein Hunter hi sual an phaw lo i, hringtu a pa Biden zong hi kongah an telhchih bal lo. โ€œNihin tiang i Hunter kong hlathlainak kan tuahmi ah hin felngaiin le tlamtling ngaiin kan Department chungah kan tuah ko, tiin ka ruah. Nihin tiang i ka hmuh ve ningah cun, hi kongah special counsel ser a hau in ka thei lo. Cucaah, Department ka chuah taak hlan ah cun special counsel ser kai tim lem lo,โ€ tiin Hunter kong an hal lio ah Barr nih a chim. โ€œNext president chan i a konglam hlathlainak an tuah tikah hin teh zeidah a cang kho,โ€ tiin Barr cu an hal. โ€œCu tikah cun politics kong ai tel ti lai lo, tiah ruahchannak ka ngei. Tuanvo ngeih ning tein hi kong hi an tawlrel cang lai, tiah ruahchannak ka ngei ko,โ€ tiin Barr nih a leh hna.

๐™๐™ช๐™ฉ๐™–๐™ฃ ๐™๐™–๐™˜๐™  ๐™ ๐™ค๐™ฃ๐™œ๐™–๐™ ๐™๐™ช๐™จ๐™จ๐™ž๐™– ๐™๐™ž ๐™ฉ๐™ช๐™–๐™ฃ๐™ซ๐™ค ๐™ฃ๐™œ๐™š๐™ž ๐™จ๐™ž ๐™๐™ฃ๐™– ๐™จ๐™š๐™๐™ก๐™–๐™ฌ ๐™– ๐™™๐™–๐™ฌ๐™๐™—๐™ž๐™  ๐™ ๐™ค. US federal cozah agencies cungah Russia nih faaktuk in cyberattack a tuah lai hi ka zum lem lo, tiin Trump nih Twitter ah a tialmi nih mipi an lung a hrinter pinah, hi kong i a hmuhning hi amah a officials minung lila siseh, Congress chungum Republican le Democratic members siseh, cun cybersecurity experts pawl an hmuhning he ai kalh ngaingai. Russia si lo in China tu an si deuh men lai, tiin Trump nih hack an tonmi zeirello pungsan in ai awtmi nih hin Moscow le Putin soisel a duhlo zia a langhter. โ€œHi hacking a tuahtu hi Russia an si lai, ti hi fiangtein chimh khawh a si koโ€ tiin Friday i Secretary of State Mike Pompeo nih a chimmi cu zawng in Monday ah khan Barr nih Trump ralchanh in bia a pau than.

โ€œSecretary Pompeo hmuhning hi ka pom ve. Russian si dawhdang an si bik ko. Asinain, hi kong hi cu hinak in chimfian kai tim lem lo,โ€ tiin Barr nih a chim. Russia an si ko, tiin piangtlar in cun US nih fehternak cu a tuah ri lo nain, hack tuahtu phen ah mi zeidah a um, timi kongah lunghrimhnak an ngeihnak kong cu US officials le lawmarkers pawl nih an langhter ko cang. Hi kongah Russia sualphawt dingin White House officials nih timhlamhnak an ngei i, Friday chunhnu ah thanh dingin an i tim cang ko na tein, tuah rih lo dingin chimh than an si, tiah Satuarday ah khan CNN nih a thanh. Credit: Chelsea Bawi